Qhov tseem ceeb yog txoj kev phooj ywgTxoj kev thaj yeeb yog txhua tus sib hlub thiab sib pab
Mloog nkauj dedication nias cov title nyob saum ntuj
|
nkaujhnubqub wrote:Koj cov dab neeg no muaj nuj nqis heev li na, kuv nyiam cov dab neeg zoo li no os, kuv zoo siab heev koj tseem nqa tau los tso rau hauv no kuv saib thiab os nawb.
Yog koj tshuav ntxiv no nqa tuaj tso dua rau kuv lub tsev no khaws tseg rau kuv nyeem nawb tiamneejtshiab. thank you
HUAB TAIS NPLOG NTXHW THIAB HAUJ SAM Puag thaum ub ov, nyob ntuj sua teb torn qab, Huab Tais Nplog muaj ib co Hauj Sam. Nws cov neeg niaj hnub nqa mov mus rau Hauj Sam noj. Muaj ib tag kis, ib tug thawj Hauj Sam noj nws cov mov tsis tas, nws txawm muab cov mov los puab tau ib tug ntxhw peb lub taub hau. Nws txawm nqas niag ntxhw uas muab mov puab ntawd mus hawm Huab Tais Nplog lauj! Ces Huab Tais txawm cem niag thawj Hauj Sam ntawd hais tias: "Yaivl Kuv ua Huab Tais ob tiam peb tiam li no, twb tsis muaj ib tug neeg nqa ib thooj mov peb lub taub hau ntxhw li no tuaj hawm kuv. Nyiam no, koj nyuag Hauj Sam no, koj paub nyob qhov twg muaj ib tug ntxhw peb lub taub hau li no es koj yuav nqa tuaj hawm kuv. Nyiam no mas koj yeej meem mus nrhiav kom tau tus ntxhw zoo li no los rau kuv nawv! Yog koj mus nrhiav tsis tau mas kuv cia li muab koj kaw xwb ntag." Ces thaum ntawd tus thawj Hauj Sam tsis pom qab yuav ua li cas lauj! Nws txhaum lawm, ces nws lam teb hais tias: "Txiv Huab Tais, tus ntxhw peb lub taub hau no yeej muaj." Huab Tais hais tias: "Yog muaj, koj txawm mus nrhiav kom tau rau kuv laiv! Koj yuav mus nrhiav pes tsawg hnub pes tsawg hmo?" Thawj Hauj Sam txawm teb hais tias: "Aub! Ntshe yuav mus peb xyoos, thiaj yuav nrhiav tau." Huab Tais hais tias: "Aub! Yog koj mus peb xyoos no mas cia kuv muab peb plhom nyiaj no rau koj. Koj yeej meem mus nrhiav kom tau los rau kuv nawd!" Ces tus thawj Hauj Sam ntawd txawm nqa peb plhom nyiaj ntawd muas noj mus nrhiav lauj! Nws mus thoob teb chaws daim av Nplog, tsis pom muaj tus ntxhw peb lub taub hau ntawd li lauj! Ces nws txawm mus pom ib tug nyuag poj Ntsuam nyob hauv lub nyuag qhov tsua. Nyuag poj Ntsuam ntawd txawm nug tias: "Ua li, koj tuaj mus dab tsi os, me tub?" Thawj Hauj Sam teb niag poj Ntsuam tias: "Aub! Kuv yuav tuaj mus nrhiav tus ntxhw peb lub taub hau xwb. Rau qhov Huab Tais Nplog cov neeg nqa mov tuaj rau peb noj, muaj ib hnub peb noj tsis tas cov mov, kuv txawm muab tau ib thooj mov los puab tau ib tug ntxhw peb lub taub hau. Kuv txawm nqa tus ntxhw ntawd mus hawm Huab Tais Nplog. Nyiam no Huab Tais tseev kom kuv mus nrhiav kom tau tus ntxhw ntawd los mas thiaj li tas. Yog kuv mus nrhiav tsis tau ces nws yuav muab kuv Raw xwb no, kuv thiaj tuaj." Niag pog ntawd txawm teb hais tias: "Aub! Teb chaws no mas tsis muaj li lauj! Yog koj yuav mus nrhiav tus ntxhw peb lub taub hau ntawd los hawm Huab Tais mas tsis muaj nawd! Da li mas kuv los hlub koj thiab. Cia kuv muab kuv tus pas nrig no rau koj. Kuv tus pas no, mas koj nqa mus, koj tsis txhob lam muab twb rau neeg laiv! Yog koj twb tog hauv paus, mas neeg tuag. Yog koj twb tog ntsis, mas neeg rov qab ciaj tuaj nawv, me tub." Ces tus thawj Hauj Sam ntawd txawm tau niag poj ntsuam rab pas nrig lauj. Niag poj Ntsuam txawm hais ntxiv tias: "Me tub, yuav kom koj tau tus ntxhw peb lub taub hau, mas koj ncaj qha qhov no lawm puag tim cov niag huab daj daj puag tid. Tej zaum yuav tau los tsis paub, tsis tau kuj tsis paub. Koj mus txog tid, muaj neeg, koj nug lawv, ces koj paub xwb." Ces tus thawj Hauj Sam ntawd txawm tsi ntsees mus rau puag tim qab ntug qhov huab daj daj lauj. Mus txog tid ov! Cas, tsis yog neeg ntiaj teb lawm. Nws yog nws ib yam neeg lawm. Tus Huab Tais uas nws kav thaj av ntawd tus tub tab torn tuag, lawv tseem nyiav zom zaws. Tus Hauj Sam mus txog, nws txawm nug cov neeg ntawd hais tias: "Yog vim li cas, lawv yuav quaj nyiav ntsuag qees li ntawd?" Cov neeg ntawd txawm teb tias: "Aub! Yog Huab Tais tus tub tuag lawm. Nws hlub nws tus tub heev. Ces tas ntiaj teb neeg thiaj li tuaj quaj tuaj nyiav." Hauj Sam txawm hais tias: "Aud! Yog li ntawd no. Mas nej sim lam mus hais saib Huab Tais puas kad! Yog Huab Tais kam no, kuv sim lam mus tsa nws tus tub. Saib puas yuav tau?" Muaj ib tug neeg nyob hauv lub tsev ntawd txawm khlav khiav mus hais rau Huav Tais. Ces Huab Tais thiaj hais tias:"Aub! Yog leej twg tsa tau kuv tus tub, mas nws yuav yuav dab tsi los kuv nrhiav kom tau rau nws tiag. Nej sim mus hu nws los saib. Nej hais rau nws tias yog nws tsa tau kuv tus tub, mas nws yuav dab tsi los kuv muab kom tau rau nws no ov." Lawv thiaj khiav khiav mus hu tau tus Hauj Sam ntawd tuaj txog, Huab Tais hais tias: "Me tub lauj! Yog koj pab tsa tau kuv tus tub sawv rov los, mas koj yuav dab tsi los kuv muab kom tau rau koj. Koj yuav nyiaj yuav kub, yuav nyuj yuav twm los kuv muab rau koj lauj." Hauj Sam txawm teb tias: "Aub! Me txiv Huab Tais, xyov puas yuav tsa tau los tsis tau thiab. Luag mas hais tias yuav tau ntag no. Log li mas kuv lam pab koj tsa saib puas tau xwb lauv." Ces tus Hauj Sam ntawd txawm muab tus ntsis pas los twb rau. Na has, Huab Tais tus tub txawm ciaj lawm tiag lauj. Huab Tais mas zoo siab tas nrho. Huab Tais txawm hais tias: "Aub! Ua li, me tub, koj yuav yuav dab tsi los pauj koj tus txiaj ntsig uas koj tau pab kuv los lawd?" Hauj Sam txawm teb hais tias: "Aub! Kuv tsis yuav dab tsi. Tiam sis kuv tus Huab Tais Nplog, nws cov neeg nqa mov tuaj rau peb noj. Muaj ib zaug kuv noj tsis tas kuv cov mov, kuv txawm muab puab ua ib tug ntxhw peb lub taub hau, kuv txawm coj mus hawm Huab Tais. Nyiam no, Huab Tais tseev kom kuv nrhiav kom tau tus ntxhw peb lub taub hau no. Mas kuv thiaj tuaj nrhiav tus ntxhw ntawd xwb. Ua li, nyob ntawm no, qhov twg muaj tus ntxhw peb lub taub hau ntawd, mas koj ua txiv koj qhia rau kuv, es kuv yuav mus nrhiav tus ntxhw ntawd xwb." Huab Tais txawm hais tias: "Aub! Me tub lauj! Tus ntxhw peb lub taub hau ntawd, mas nyob ntawm no yuav tsis muaj nawd. Tsuas muaj puag Ceeb Tsheej teb xwb. Yog koj mus muab koj xwb, ntshai yuav tsis tau nawd! Koj twb tsa tau kuv tus tub sawv lawm, kuv zoo siab heev. Cia kuv mam tso kuv cov neeg mus muab los rau koj xwb. Tiam sis yuav mus ntev laiv, me tub! Ntshai yuav yog peb hlis thiaj rov los txog. Saib, koj ua tub, koj puas yuav maj kev?" Hauj Sam Tij txawm hais tias: "Aub! Ntev li cas los xij peem os, txiv, tsuav tau xwb." Ces Hauj Sam txawm nrog Huab Tais nyob ntawd lauj. Nyob nyob, Huab Tais txawm tso nws neeg mus muab. Cov neeg uas Huab Tais tso mus ntes tus ntxhw peb lub taub hau ntawd, twb mus tau peb hlis tseem tsis tau los thiab. Ciav, twb tau rau hli mam li los txog. Ces txawm hnov xov los ua ntej hais tias: "Aub! Tus ntxhw peb lub taub hau ntawd mas ntes tau lawm tiag no lauj." Huab Tais txawm hais rau thawj Hauj Sam ntawd tias: "Aub! Me tub, xov los txog lawm, hais tias tus ntxhw peb lub taub hau mas ntes tau lawm, tseem los tsis tau txog xwb. Ua li mas kuv nrog koj zoo siab lawm. Thiab nyaj yuav tsis nkim koj lub caij lawm lov! Hais tias tshuav peb hlis saum no thiaj los txog no, es koj ua siab ntev."Yawg Hauj Sam nyob tos tau cuaj lub hlis, thiaj li los txog. Ua ciav, los yuav txog, mas muaj ib co neeg cab ib co maum ntxhw ua ntej. Hos ib tug neeg caij rawv ib tug txiv ntxhw peb lub taub hau lawv qab. Caij los txog, mas tus txiv ntxhw zoo nkauj heev li lauj. Ob tug cov txwv tuaj ob sab, ib tug tuaj nruab nrab ntag lauj. Ces Huab Tais kav teb chaws ntawd mam li muab los hawm rau Hauj Sam. Tus thawj Hauj Sam ntawd mam li caij tus ntxhw los, thiab cab cov maum nrog. Ces Hauj Sam coj los tau peb xyoos kuj tseem los tsis tau txog. Ua ciav, txawm siv hnov xov rau Huab Tais Nplog hais tias: "Aub! Thawj Hauj Sam nrhiav tau tus ntxhw peb lub taub hau lawm no lauj. "Huab Tais nyob Moos Loob mas nim ua hmoov loj loj los tos tus Hauj Sam. Huab Tais hais tias:"Aub! Zaum no, yog tus Hauj Sam no nws tseem mus nrhiav tau tus ntxhw peb lub taub hau los rau kuv lawm thiab! Nyaj kuv yuav tsis poob teb poob chaw lawm lod!" Ces Hauj Sam caij tus ntxhw los tau peb xyoos thiab peb hlis, thiaj li los txog rau Huab Tais. Huab Tais mam li coj tus ntxhw mus hawm rau Hauj Sam. Nws txawm hais tias: "Ntshai nyiam no yuav yog lub ntuj pab, lub teb pov thiab. Kuv no, niaj hnub nqa mov tuaj rau nej noj. Cas noj tsis tas yuav muab puab ua ib tug ntxhw coj tuaj hawm kuv li no? Zaum no, koj tus thawj Hauj Sam, koj ho mus nrhiav tau tus ntxhw peb lub taub hau no los rau kuv lawm. Nyob rau kuv teb chaws Nplog no, kuv yuav foom lus zoo rau koj Hauj Sam kom muaj mus li tsis pub poob kiag. Kom txus teev Hauj Sam mas txus muaj mus ntxiv xwb. "Ces Huab Tais thiaj tau tus ntxhw ntawd los yug. Nyob nyob, Huab Tais laus laus lawm, nws yuav tuag. Huab Tais txawm hais tseg hais tias: "Nyiam no kuv yuav tuag. Ua li mas kuv tseg tus ntxhw nyob. Yog thaum kawg tus ntxhw yuav tuag, nws yeej yuav ntaus tsis tau ib tug me nyuam cia zoo li nws lawm. Nej yuav tsum muab tus ntxhw no los sau tseg rau hauv ntawv. Nyob rau kuv teb chaws Nplog no, mas tsim txiaj tsuas yog tus ntxhw no xwb. Nyob rau ntiaj teb no yuav tsis muaj. Kawg nyob rau Ceeb Tsheej teb thiaj li muaj xwb."Ces Huab Tais hais li ntawd tas tsis ntev nws txawm tuag lawm. Huab Tais tus tub thiaj sawv los ua Huab Tais. Nws nyob nyob, tus ntxhw laus laus lawm yuav tuag, tsis muaj ib tug me nyuam yuav los hloov tus txiv li. Ces tus tub thiaj li muab thau duab kos rau hauv ntaub ntawv tseg. Ces tus ntxhw tuag lawm. Huab Tais Nplog txawm ua ib lub hmoov loj los hawm Ntuj niam Ntuj txiv tias: "Aub! Nyiam no, tus thawj Hauj Sam no nws mus muab tau tus ntxhw no puag qab ntug daj los. Huab Tais laus tseem mus txais puag sab Ceeb Tsheej los, thiab nws kuj tseem yog tus txiv. Los ntaus cov maum coob ua luaj, ho tsis tshwm ib tug noob kiag. Mas nyiam no tus ntxhw yuav tuag. Kuv txiv yeej hais tias kom thau duab los cia. Ces kuv yuav ua raws li kuv txiv tau hais tseg. "Mas nyiam no los rau ob peb tiam, thiaj li muab daim duab los thau rau hauv ntaub, ua dm cia los kav Nplog teb. Thiaj muaj tus ntxhw peb lub taub hau nyob hauv tus chij. Tus ntxhw ntawd mas thaum ub yog tus thawj Hauj Sam mus muab los. Nyiam no nyob rau Nplog teb thiaj li muaj hauj sam coob coob kawg. |
HUAB TAIS SIAB PHEM RAU CIB PHEEJ Puag thaum ub, ob niam txlv nkawd yug tau ib tug tub. Nkawd muab tis npe hu ua Cib Pheej. Tus tub ntawd loj txawj kawm txuj ces nkawd yeej tso mus kawm ntaub kawm ntawv txawj txawj lawm thiab lauj! Nyob nyob torn qab no, nws niam thiab nws txiv laus laus twb yuav tuag, nkawd tsis muaj dab tsi tseg rau nkawd tus tub li. Ces nkawd txawm hais tias: "Me tub Cib Pheej, koj nyob koj niam wb laus laus lawm wb yuav tuag, wb twb tsis muaj dab tsi tseg rau koj. Koj nyob, yog wb tsis tuag los tseg. Yog wb tuag lawm no, koj mus ua luag zog ua luag qhev, ib hnub noj ib hnub, ib hmos noj ib hmos nawb mog." Lawv nyob nyob, nws niam thiab nws txiv tuag tas lawm tiag lauj! Nws niam thiab nws txiv tsis muaj ib yam dab tsi yuav tseg rau nws li, nws tsuas tau cev ris tsho nws hnav xwb. Cib Pheej thiaj niaj hnub mus ua luag zog de zaub nyuj zaub nees. Mus ua luag tej teb. Mus tuav luag txhuv. Nws ua ib hnub dhau ib hnub lauj ! Nws nrog tus twg ua ib hnub, luag pub nws noj ib pluag mov xwb. Lwm tag kis ho mus nrog lwm tus ua. Nws pheej ua zog li ntawd, nws ua ua mus txog Suav teb lauj! Huab Tais Suav txawm yuav nws los ua Huab Tals Suav qhev. Nws txawm nrog Huab Tais Suav nyob, ua Huab Tais Suav qhev de zaub nyuj zaub nees. Huab Tais Suav kuj muaj ib tug ntxhais nkauj ntxawm thiab. Nyob nyob tus ntxhais ntawd loj tiav niam, Huab Tais Suav txawm yuav nrhiav vauv rau nws tus ntxhais. Huab Tais Suav thiaj ua ntawv mus hu cov tub nom huv tib si tuaj. Huab Tais Suav yuav muab rau tus, tsam tus tu siab. Nws tsis pom qab muab rau leej twg li lauj ! Huab Tais Suav thiaj kom ib leeg hiab ib lub kawm, nyias ev nyias lub kawm mus nyob nram tiaj. Lawv xaws ib lub pob rau Ntxawm. Cia Ntxawm sawv pem no, nws pov lub pob lawm saum ntuj. Yog lub pob poob los nkag leej twg lub kawm, ces cia leej twg yuav. Cov tub nom ntawd ib leeg ev ib lub kawm mus nyob nram tiaj lauj! Ntxawm tseem tab tom yuav pov lub pob xwb. Ua cia Cib Pheej txawm ev ib lub kawm qaug doj qaug de tuaj txog ntawd thiab. Huab Tais siab tsis kheev. Huab Tais hais rau Cib Pheej tias: "Cib Pheej, koj yuav mus dab tsi ?" Cib Pheej teb tias: "Twb yog nyuag yaus yuav mus hlais zaub nyuj zaub nees lawm torn teb." Huab Tais hais tias: "Yog li no, kav tsij khiav khiav kom dhau." Cib Pheej thiaj khiav khiav mus txog puag tom hav zaub. Nws nyuam qhuav pib hlais zaub nyuj zaub nees xwb. Ua cas cia li nrov pauj rau hauv nws lub kawm. Cib Pheej txawm khiav ntsuj los xyuas. Ua cia pom ib lub nyuag pob khaub hlab nyob hauv nws lub kawm. Tab sis mas Cib Pheej yeej tsis paub tias yog dab tsi li. Cib Pheej txawm hlais tsuag tsuag zaub nyuj zaub nees tas, nws muab ntim tsuag tsuag, nws txawm tig hlo los tsev. Nws khiav khiav los txog, nws thau zaub nyuj zaub nees tag nrho, nws txawm hais tias: "Aub ! Txiv Huab Tais, xyoo no ntshai yuav ua npog xwb lauj!" Txiv Huab Tais teb tias: "Yog ua li cas thiaj yuav ua npog !" Cib Pheej teb tias: "Xyov ua cas ! Txhia niaj txhia hnub kuv mus hlais zaub nyuj zaub nees, tsis zoo li hnub no. Ua cas hnub no kuv mus hlais zaub nyuj zaub nees, kuv nyuam qhuav mus txog puag torn hav zaub xwb, kuv txo kiag kuv lub kawm rau pem toj, kuv hlais zaub nyuj nram hav. Kuv txawm hnov nrov pauj hauv kuv lub kawm tuaj. Kuv khiav ntsuj mus xyuas, ua cas txawm pom ib lub moj pob khaub hlab nyob hauv kuv lub kawm ! Xyoo no ntshai yuav ua npog xwb lauj, txiv Huab Tais !" Huab Tais txawm tsis teb li cas. Txiv Huab Tais txawm yws yws. Niam Huab Tais hais tias: "Koj txiv, tej zaum ntshai ntawv yeej los ua niam txiv thiaj zoo li ntawd laiv !" Huab Tais txawm teb tias: "Tej nyuag neeg dog dig li ntawd es yuav muaj dab tsi ?" Txiv Huab Tais chim siab heev lauj ! Nws txawm caij nees ntws lawm lauj ! Niam Huab Tais nyob hauv tsev, nws cia li muab Ntxawm txis rau Cib Pheej lawm. Cib Pheej thiaj coj Ntxawm mus nyob nram nws lub nyuag tsev nplooj tsawb. Nkawd mus nyob nrad, Ntxawm txawm hais rau Cib Pheej tias: "Cib Pheej, koj mus qiv niam thiab txiv nkawd peb lag nyiaj peb lag kub los rau wb chiv peev ua neej yuad !" Cib Pheej txawm mus qiv tau nws niam Huab Tais peb lag nyiaj peb lag kub los rau nkawd chiv peev ua neej lawm. Nkawd los nyob tau ob peb hnub, nkawd txawm mus xyuas niam tais thiab yawm txiv lawv no, tab sis yawm txiv tseem tsis tau los. Cib Pheej nkawd nrog niam tais nyob nyob, nkawd yuav rov los tsev, Cib Pheej txawm mus txiav zaub nees rau niam tais lawv cov nees noj. Nws mus txog ntawm tus taw choj loj loj. Cib Pheej ntsia na has pom txiv Huab Tais caij nees ntws los lauj ! Tsuas tias ua plua tshauv ncho lug ncho lug los. Cib Pheej xav khiav los khiav tsis yeej lawm. Cib Pheej txawm mus nkaum hauv qab taw choj. Txiv Huab Tais caij nees ntws los txog ntawm tus taw choj, nees nres kiag ntawd lauj! Txiv Huab Tais ntaus nees li cas los nees tsis kam mus li lawm ntag. Txiv Huab Tais thiaj nqes plhua, nws muab nees khi kiag mus xauj saib muab tus tsi, cas nws tus nees yuav tsis kam mus lawm. Huab Tais tib xauj hauv qab taw choj, ua ciav pom Cib Pheej zaum tib tug qhov muag ntsais ntsals hauv. Txiv Huab Tais cem tias: "Nyuag Cib Pheej dev, koj tuaj nyob dab tsi li kod no ? Vim koj tuaj nyob hauv qab taw choj no kuv tus nees thiaj tsis kam mus. Kav tsij tawm los tam sim no." Cib Pheej thiaj tawm tib tug ntsoos ntsoos hauv los. Nws tawm los txog ntua xwb nws tsa hlo tes hawm. Nws hais tias: "Aub ! Txiv Huab Tais lauj! Koj tuaj lawm ces niam Huab Tais twb muab Ntxawm txis rau kuv lawm. Ntxawm thiaj tuaj qiv neb peb lag nyiaj peb lag kub los rau Ntxawm wb chim peev ua neej no. Kuv tseem yuav mus txiav zaub nees los, mam qiv no !" Txiv Huab Tais tsis txaus slab. Txiv Huab Tais rho hlo ntaj tib ntag Cib Pheej caj dab, muab Cib Pheej pov kiag rau hauv dej lawm. Tus dej mas ceev ceev kawg li tsuas tias ntws nrov sis xwb. Txib Huab Tais caij nees ntws los lawm lauj! Huab Tais los txog ntua, Ntxawm sawv ntawm qhov rooj, Ntxawm nug tias: "Txiv, koj los, koj puas pom Cib Pheej naj ?" Huab Tais teb tias: "Kuv pom kawg los mas. Niag Cib Pheej dev ntawd, kuv los txog nram niag choj nrad, nws cav khiav nkaum hauv qab taw choj. Kuv los txog ntawd kuv tus nees tsis kam los li. Kuv thiaj nqes mus xauj, ua ciav yog niag Cib Pheej dev nws nyob tib tug qhov muag ntsais cauj cauj hauv. Kuv thiaj li hu tawm los, kuv muab ntaj txia pov hauv qab choj lawm." Ntxawm Qhuaj dhev tarn sim ntawd. Ntxawm thiaj khiav khiav tuaj mus xyuas. Da cas tseem pom Cib Pheej lub cev kiv ktv hauv dej, pom Cib Pheej lub taub hau kiv kiv saum nplaim dej. Cib Pheej lub taub hau yeej tsis ntub dej li. Ntxawm thiaj mus npo tau los rau saum choj. Ntxawm mas quaj tas zog li lauj ! Ntxawm txawm seev tias: "Ab ! Lam muaj leej twg tsa tau kuv txiv Cib Pheej sawv ! Ntshai kuv yuav nco ntsoov nws mus tas ib sim neej tsis muaj hnub nrauj nws tseg li lauj!" Ib me ntsis txawm muaj ib tauv huab poob nthav tim taw roob txaws dawb vog. Ntxawm pheej quaj quaj, taub hau nyo nyes xwb. Txawm siv hais zoj ntawm Ntxawm nruab qaum tuaj tias: "Ntxawm, vim li cas koj quaj os, Ntxawm !" Ntxawm thiaj lem hlo mus saib. Da cas muaj ib tug hluas nkauj zoo zoo nkauj nyob ntawd thiab. Ntxawm thiaj teb tias: "Kuv txiv nws siab phem, nws muab kuv tus txiv Cib Pheej txiav caj dab pov rau hauv dej no. Kuv tuaj npo tau ces kuv quaj xwb." Tus ntxhais ntawd hais tias: "Ntxawm, koj seev hais tias yog leej twg pab tsa tau koj tus txiv Cib Pheej no koj yuav nco nws tshav ntuj mus Ib sim neej no, puas yog ?" Ntxawm teb tias: "Yog leej twg pab tau mas kuv yuav nco nws tshav ntuj mus ib sim neej tiag." Tus ntxhais ntawd hais tias: "Yog no kuv pab saib puas tau." Tus ntxhais ntawd thiaj muab lub taub hau los twb rau, muab kiag kuab moj tsuag coj los tsuag kiag rau thiab muab pleev kiag tas nrho. Ib pliag rov tsuag kiag rau thiab. Nws tsuag peb zaug, Cib Pheej thiaj li sawv tsees. Cib Pheej hais tias: "Aub! Ua cas kuv lam pw ntawm nfag taw choj no ne!" Ntxawm thiaj hais tias: "Twb yog kuv txiv muab koj tua pov hauv niag dej no, kuv tuaj npo tau koj. Kuv quaj quaj, kuv seev tias yog leej twg tuaj pab tau koj sawv rov los, mas kuv yuav nco nws tshav ntuj mus tas ib sim neej. Tus niam hluas no thiaj tuaj tsa tau koj sawv los xwb los mas, Cib Pheej." Tus ntxhais ntawd yog ib tug ntxhais qaum ntuj, kav txheej huab saud. Nws hais rau Cib Pheej tias: "Cib Pheej, kuv pab tau koj lawm. Neb puas nco kuv tshav ntuj mus ib sim neej os!" Cib Pheej teb tias: "Aub ! Koj pab tau kuv lawm, kuv yuav nco koj tshav ntuj mus tas ib sim neej tiag." tus ntxhais qaum ntuj txawm taug kev dua tim hav zoov lawm. Cib Pheej thiab Ntxawm nkawd txawm rov los rau nram Cib Pheej lub nyuag tsev nplooj tsawb. Txiv Huab Tais cov niag tub mab tub qhe pom, lawv qw zom zaws tias: "Aub ! Txiv Huab Tais lauj! Cib Pheej rov qab los lawm." Txiv Huab Tais hais tias: "Cas yuav dag tag npaud ? Kuv twb muab nws tua lawm nev ! Kuv twb xuas ntaj txiav nws caj dab tu pov hauv dej lawm, nws yeej sawv tsis tau ib zaug li." Lawv qw tias: "Txiv Huab Tais, sawv lawm tiag ho, nkawd twb los rau nram tsev lawm." Txiv Huab Tais tsis ntseeg li ntag, nws thiaj hais kom nws tus tub hlob mus xyuas. Tub hlob tsis kam mus xyuas. Thiaj kom tub ntxawg mus xyuas. Tub ntxawg ya ntxiag tuaj txog, ua cas Cib Pheej los lawm tiag. Tub ntxawg thiaj khiav khiav rov los txog, nws hais tias: "Txiv, nws sawv rov los lawm tiag hos." Huab Tais hais tias: "Yog li mas tsis txaus siab li ntag. Tub hlob thiab tub nrab, neb cia li caij nees. Neb mus muab Cib Pheej tsaws rau saum nees. Neb coj Cib Pheej mus pov rau puag torn plawv zoov kom tsov muab tom." Tag kis noj tshais tas nrho, ob kwv tij tso nees kiag torn nkuaj, nkawd ya ntxiag mus txog torn Cib Pheej lub tsev. Nkawd hais tias: "Cib Pheej, koj los saum nees no, kuv txiv Huab Tais hais tias kom koj nrog wb caij nees mus no." Cib Pheej thiaj xav tias yuav mus los mus. Ces Cib Pheej thiaj sam plaws rau tus tub hlob tus nees. Nkawd nplawm nees ntws lawm lauj ! Nees khiav khiav mus txog puag tom plawv zoov. Tsuas tias tsov mas khob kaus nrij nrawj qab ke qaum kev tuaj, nplawm tw pig poog, quaj mlig mlaug qhov txhia chaw tuaj. Nkawd lem hlo nees, nkawd cia li muab Cib Pheej thawb kiag rau hauv av. Nkawd cia li tuam phov ntws los lawm lauj! Cib Pheej ntshai ntshai, nws lam vuag ntuj vuag teb, qi muag nti vuag li. Nws vuag vuag ua cia txawm tooj zog tau ib txog hlua nees thiab. Nws thiaj saib zoj, ua ciav yog tib tug txiv nees nyob ntawd. Cib Pheej muab hlua nees faib hlo nws sam plhawv rau saum nruab qaum. Nplawm nees ntws lawv qab thiab lauj ! Ua cas Cib Pheej tus nees ceev zus ceev zus huas kiag nkawd ntej lawm thiab. Huab Tais tus tub hlob hu tias: "Cib Pheej, tos me ntsis, wb hais koj tso." Cib Pheej nres kiag nees tos. Cib Pheej nug tias: "Nej muaj lus dab tsi yuav hais rau kuv ?" Nkawd teb tias: "Wb tsis muaj lus dab tsi thiab. Tab sis koj caij wb ob tug tso, wb caij koj tus nawb." Cib Pheej teb tias: "Thaum tuaj neb twb caij neb ob tug. Tsam no nyias caij nyias tus os !" Cib Pheej nplawm nees ntws los lawm lauj ! Ua cas Cib Pheej tus nees ceev zus ceev zus, cia li ya plaws rau saum ib nta ntuj lawm. Tus nees ya mus txog ntua puag saum txheej huab. Cib Pheej txawm hnov hnyav zog nram caj tw tuaj. Txawm hais rau Cib Pheej tias: "Cib Pheej, koj puas nco kuv tas ib sim neej, los tsis nco ?" Cib Pheej teb tias: "Aub ! Tsam no kuv ntxhov siab lawm, kuv tsis nco li lawm nawb. Ua li koj yog leej twg ?" Nws txawm teb tias: "Kuv yog tus thaum ub tsa koj sawv nev!" Cib Pheej teb tias: "Aub ! Yog li mas kuv yeej nco koj mus ib sim neej tiag." Nws txawm hais tias: "Yog li no, kuv yuav koj los pob !" Cib Pheej teb tias: "Yuav los tau kawg. Tab sis tshuav niam hlob nev!" Nws teb tias: "Niam hlob ces wb mus nyob muaj chaw qhov twg mam li los tos xwb." Cib Pheej nug tias: "Ua li koj yuav mus lawm qhov twg ?" Nws teb tias: "Tarn sim no tsis paub li. Taub hau nees ncaj twg ces mus twg xwb." Ces tus nees txawm ya ya mus tsaws ntua rau Ceeb Tsheej teb lawm lauj ! Cib Pheej cia li mus ua Huab Tais Ceeb Tsheej lawm. Cib Pheej nyob nyob plaub hau twb pib dawb lauj ! Tshuav Ntxawm nyob torn qab mas Ntxawm txom txom nyem kawg li. Dab tsis los tsis muaj. Niaj hnub quaj txog Cib Pheej xwb. Mov los yeej tsis muaj no, tsev los tsis muaj nyob. Luag noj mov tag, luag muab yawm mus pov tsev. Nws mus nrog qaib nrog npua sib txeeb, yam zoo ces nws khaws los noj xwb. Cib Pheej nkawd nyob nyob. Txawm muaj ib tus noog ya los tsaws ntawm qhov rais, txawm los nyob ntawd quaj. tus ntxhais qaum ntuj los hais rau Cib Pheej tias: "Cib Pheej, koj mloog saib tus noog ntawd quaj li cas ? Nws quaj muaj lus tseem ceeb hos!" Cib Pheej mloog zoj, ua ciav quaj quaj tiag ! Cib Pheej hais tias: "Niag noog ntawd nim yuav quaj muaj lus tseem ceeb naj! nws ham tsis quaj nrij nroj loj, nrij nroj loj no xwb las as." tus ntxhais qaum ntuj hais tias: "Cib Pheej, koj sim mloog zoo zoo saib nws yuav mus quaj li ntawd nab !" Cib Pheej rov mloog zoj, Cib Pheej hais li qhov qub thiab xwb. Tus ntxhais qaum ntuj thiaj hais rau Cib Pheej tias: "Koj sim mloog zoo zoo saib maj ! Tus noog ntawd quaj hais tias: Cib Pheej, koj nco torn ntej, koj tsis nco torn qab no sad ! Koj sim ua zoo mloog saib, nws quaj li ntawd tiag." Cib Pheej thiaj mloog zoj, ua cas quaj li ntawd tiag lauj ! Cib Pheej thiaj nco dheev txog tias tshuav Ntxawm nyob tom qab. Cib Pheej thiaj seev tias: "Ntuj aws ! Tshuav kuv niam hlob nyob torn qab, ntshai nws txom txom nyem lawm. Tus me noog ntawd thiaj tuaj quaj rau kuv los no ntag lauj!" Cib Pheej thiaj ntaus peb hnub, nws ntaus tau ib rab ntaj. Nws hov tau peb hnub thiab. Cib Pheej txawm xav tias: "Ab ! Yog kuv hov tau rab ntaj no mas kuv muab niag niam yau no tua kiag pov tseg. Kuv mam mus nrog kuv niam hlob nyob, ntshai yuav zoo tshaj. Cas kuv yuav tsis nco txog nws li lawm ?" tus ntxhais qaum ntuj twb paub lawm. Nws los txog ntawm Cib Pheej, nws hais tias: "Cib Pheej, koj hov ntaj ua dab tsi ?" Cib Pheej teb tias: "Ab ! Kuv lam hov xwb as." tus ntxhais qaum ntuj hais tias: "Yog tsis muaj ib yam hauj lwm tseem ceeb, koj yuav tsis hov rab ntaj no." Cib Pheej hais tias: "Kuv twb tsis hov ua dab tsi nev ! Kuv yeej tsis xav li cas, kuv lam hov kom ntse, wb tau siv xwb." tus ntxhais qaum ntuj thiaj li hais tias: "Cib Pheej, koj tsis txhob xav li ntawd maj. Qhov kuv nug koj, yog koj xav tias koj hov tau rab ntaj no, koj yuav muab kuv txiav pov tseg, koj mam rov mus yuav koj niam hlob no. Tab sis kuv hais rau koj tias yog koj tseem muab kuv tua lawm thiab, ces koj kawg tuag xwb. Thov koj txhob xav li ntawd. Yog koj yuav mus koj ua zoo hais. Kuv yuav pab koj, kom koj mus yooj yim tsis nyuaj." Cib Pheej thiaj teb tias: "Aub ! Kuv tau hais lawm tiag. Yog li no thov koj pab kuv lauj!" tus ntxhais qaum ntuj thiaj hais rau Cib Pheej tias: "Cib Pheej, kuv muab ob lub quav txhuas no rau koj. Yog koj mus txog lawm, koj muab ob lub quav txhuas no sib txhuam hu kuv, kuv mam tuaj txo dej txo cawv rau neb nawb mog." Cib Pheej mam li mus txo plhuav nees torn nkuaj, sam plhaws rau saum nees, nees ya ya los txog ntua. Ntaus tsuag tsuag tau ib lub nkuaj zeb nkuaj tsua kaw kiag nws tus nees. Cib Pheej txawm los los txog ntawm ib lub tshaj nplej, txawm muaj ib tug poj Hmoob nyob ntawd. Niag poj Hmoob ntawd quaj quaj, kua muag kua ntswg ntws lug, qhov muag o aws xwb lauj! Cib Pheej txawm nug tias: "Leej Muad ! Ua cas koj yuav quaj tas npaum kod ? Yog vim li cas ?" Tus poj Hmoob ntawd teb tias: "Ab ! Leej yawm dab, kuv lam quaj xwb os, cav tsis muaj dab tsi." Cib Pheej rov nug tias: "Ab ! Leej Muam, ua cas koj quaj tiag ? Koj hais qhia rau kuv saib, tej zaum kuv yuav pab tau laiv !" Tus poj Hmoob ntawd txawm teb tias: "Ab ! Txawm tham qhia koj los ntshai koj yuav pab tsis tau, ces tsis tham." Cib Pheej tias: "Ab ! Lam tham, tsam kuv ho pab tau laiv !" Niag poj Hmoob ntawd thiaj hais tias: "Ab ! Yog koj hais li no yuav tham los tham tiag. Tos kuv niaj hnub quaj li no los vim thaud, kuv txiv Huab Tais yug tau kuv tib tug xwb. Kuv hlob tiav nlam, kuv txiv yuav nrhiav vauv rau kuv. Nws txawm hu kaum ob lub teb chaws, kaum ob tug tub no tuaj. Nws yuav muab kuv rau tus los tsam tus tu siab. Nws thiaj kom lawv ib leeg ev ib lub kawm mus nyob nram tiaj, kuv nyob pern tsev no, pov lub moj pob, yog nkag leej twg lub ces cia kuv yuav leej twg no. Tab sis, kuv txiv muaj ib tug tub qhe, nws lub npe hu ua Cib Pheej no, nws txawm ev ib lub kawm tawm tuaj mus hlais zaub nyuj. Ces kuv txawm pov lub pob rau saum ntuj. Cas tsis mus nkag cov tub nom, txawm cia li mus nkag rau Cib Pheej lub niag kawm torn teb. Nws tsis paub dab tsi li, nws txawm los qhia rau kuv txiv. Kuv txiv tsis txaus siab, kuv txiv tseem mus hu cov tub nom tuaj tso yuav xaiv dua. Tab sis, kuv niam cia li muab kuv txis rau Cib Pheej lawm. Muaj ib hnub, kuv txiv los ntsib Cib Pheej ntawm tus taw choj, kuv txlv muab Cib Pheej txia caj dab pov hauv dej. Kuv thiaj quaj quaj, kuv thiaj mus npo tau. Kuv quaj quaj, kuv seev tias qab ntuj neeg no yog leej twg tsa tau kuv tus txiv sawv, kuv yuav nco nws tshav ntuj no. Txawm muaj ib tug ntxhais los tsa tau nws sawv. Cib Pheej wb rov los pw ib hmo. Tag kis, kuv txiv kom kuv tus nus hlob thiab tus nus yau tuaj coj Cib Pheej mus rau tsov torn. Thaum nkawd tuaj txog nkawd cia li muab Cib Pheej tsaws rau saum nees. Nkawd coj Cib Pheej lawm, ces txij hnub ntawd los tsis pom Cib Pheej los li lawm. Xyov puas yog tsov torn lawm los yog nws khiav dim lawm ? Tsis pom nws los txog tav li no. Kuv txiv lawv los tsis yuav kuv lawm thiab. Kuv txom txom nyem, kuv tsis muaj dab tsi noj tsis muaj dab tsi hnav. Kuv ces nrog dev npua sib huas noj xwb. Kuv thiaj tuaj khaws luag tej nplej uas luag yawm tsis tau no coj mus ua noj. Kuv tuaj txog ntawm no, kuv nco nco kuv tus txiv Cib Pheej es kuv thiaj quaj quaj li no. Koj puas paub tus ntawd naj, leej nus ? Kuv lawm piav li no xwb, kuv piav tas los ntshai koj yuav pab tsis tau kuv ib zaug li." Cib Pheej txawm teb hais tias: "Aub ! Yog tus hu ua Cib Pheej no tej zaum kuv paub." Niag poj Hmoob ntawd txawm ntsia Cib Pheej thiab nws zeem tseeb tseeb. Ua ciav Cib Pheej twb los ob peb lub kua muag lawm ! Nws thiaj li sawv tsees los qawm lias Cib Pheej ces nkawd sib qawg quaj sib qawg quaj lauj ! Tsuas tias koj plhw kuv kuv plhw koj, quaj thiab zoo slab tas. Nkawd txawm rov los tsev lauj ! Los los txog lub nyuag tsev nplooj tsawb, uas thaum ub Cib Pheej ua, mas nroj tsuag twb tuaj vov tag, nplooj tsawb twb lwj tag. Cib Pheej thiaj li rho hlo ob lub nyuag quav txhuas coj los sib txhuam. Cib Pheej hu tias: "Aub ! Kuv niam yau qaum ntuj lauj! Kuv tuaj txog lawm, koj tuaj txo dej txo cawv rau kuv lauj!" Tus ntxhais qaum ntuj thiaj 11 ya plaws tuaj. Nws tuaj txo dej txo cawv, ua nqai j ua hno, cuaj phaj yim ntig, tsuas tias nqaij hno mas nco lug xwb lauj! Tus ntxhais qaum ntuj muab tau peb lub quav txhuas ntxiv rau Cib Pheej thiab nws hais rau Cib Pheej tias: "Kuv muab ob lub quav txhuas no ntxiv rau koj. Tsis muaj dab tsi los tseg. Thaum twg muaj dab tsi koj muab ob lub quav txhuas sib txhuam, ces luag ua tsis tau dab tsi rau koj." tus ntxhais qaum ntuj thiaj rov qab lawm lauj! Cib Pheej thiaj tso pej xeem mus hu txlv Huab Tais tuaj noj mov. Lawv mus hu los txiv Huab Tais tsis tuaj li. Cib Pheej thiaj mus hu los tsis tuaj li thiab. Cib Pheej rov los txog, Cib Pheej tias: "Tarn tseeb ! Tsis tuaj los puam chawj ! Tsam no nqaij hno siav ncho lug li no lawm, tuaj tsawg leej los noj mus li, tsam nqaij hnov tsis zoo noj lawm." Lawv noj tag, pw ib hmos tag kis kaj ntug txoog, Cib Pheej sawv los tu nra tas. Cib Pheej hais rau sawv daws tias: "Kuv txiv Huab Tais slab phem rau kuv kawg. Tab sis tarn sim no kuv ua Huab Tais nyob saum Ceeb Tsheej lawm. Kuv yuav rov mus lawm saum kuv lub tsev." Cib Pheej thiab Ntxawm nkawd thiaj li ya ntxiag mus qhib kiag tus txiv nees tawm plaws los. Nkawd caij kiag, nkawd ya ntxiag rau puag qaum ntuj lawm. Cib Pheej mus kav yim feem teb nyob puag qaum ntuj, tsis muaj tag. |
nkaujhnubqub wrote:nyeem tag nrho lawm na koj zaj no na, ua li os, koj puaj pe tsawg txoj diam nab?
HUAB TAIS TSAB THIAB HUAB TAIS TWM Thaum ub, Huab Tais Tsab nyob qaum ntuj. Hos Huab Tais ntiaj teb, nws yog neeg. Nws lub npe hu ua Twm. Ntiaj teb no, luag tsuas cav Twm muaj zog tshaj plaws. Huab Tais Tsab nws txawm tuaj mus ncig ntuj. Hos Huab Tais Twm los nws kuj tuaj mus ncig ntuj thiab. Huab Tais Tsab tuaj ncig rau ntiaj teb no. Ntiaj teb no, mas yog Twm teb chaws. Ces nkawd tuaj mus ncig ntuj, ncig teb. Nkawd txawm tuaj mus sib ntsib rau torn ib lub hav zoov loj loj. Ces Twm txawm hais rau Tsab tias: "Luag tsuas cav qaum ntuj tias Huab Tais Tsab muaj zog tshaj, no puas yog ?" Tsab txawm teb hais tias: "Tej zaum nyaj yuav yog thiab." Tsab hos nug Twm tias: "Ntlaj teb no, luag tsuas cav tias Twm muaj zog tshaj. Ua li puas yog koj ?" Twm teb tias: "Tej zaum nyaj yuav yog kuv thiab." Ces hmo ntawd nkawd txawm sib hais tseg tias: "Tsaus ntuj lawm, ces wb pw. Tag kis tso wb mam li mus sim tes taw." Yog hais tias Twm yeej Tsab, ces Tsab ev Twm cov nra thiab Tsab ev Tsab cov nra, es nkawd mus ncig ntuj. Hos yog Tsab yeej Twm, ces Twm ev Tsab cov nra thiab Twm ev Twm cov nra, es nkawd mus ncig ntuj. Ces nkawd txawm pw ntawm lub plawv zoov ntawd ib hmo. Tag kis, nkawd txawm mus txog torn ib lub tiaj nras. Twm hais rau Tsab tias: "Tsab, ua li koj xub sim kuv, los kuv xub sim koj ?" Tsab txawm teb tias: "Twm, yog koj teb koj chaw, ces koj xub sim ua ntej." Ces Twm txawm hais rau Tsab tias: "Tsab, yog li no mas koj nyob twj ywm ntawm no nawb!" Ces Twm txawm mus rau puag torn ub lawm lauj ! Tsab nyob nyob ntawd Ib me ntsls. Ua cas ntuj dub nciab, nag kom sis cua nplawm ntws. Ces Tsam ntsia na has, Twm mas khiav ceev tsis ceev puag torn ub los mus. Ces Tsab cuab nres nroos tos. Twm txawm los tib pam thawj rau Tsab, ua cas Tsam thaub ncho xwb. Twm twb ntog ob peb nrig nphau lawm. Ces Twm pw ntev li peb caug flab, Twm mam li sawv tau rov qab los. Tsab nyuam qhuav pw tsib flab xwb, Tsab twb sawv lawm. Ces Tsab nug Twm hais tias: "Twm, koj tes taw tas li kod lawm lov ?" Twm teb tias:"Aub! Tseem tshuav thtab hos." Ces Twm rov qab lawm thiab lauj! Tsab nyob ib me ntsis tos. Ua cas nrov cuag xob nroo ib tog los. Ces Tsab ntsia na has ua cas Twm tseem khiav ceev ceev los thiab. Ces Tsab cuab nres nroos khov kho tos. Twm khiav ceev ceev los txog ntua. Twm xuas tib pam thawj rau Tsab. Ces xa ua Tsab ntog ib nrig nphau. Hos Twm ntog plaub nrig nphau rov qab, ces Twm pw ntev li peb teev, Twm mam li sawv los. Hos Tsab pw tau peb caug feeb xwb Tsab twb sawv los lawm thiab. Ces Tsab nug Twm tias: "Koj sim tas li no lawm los Twm ?" Twm teb hais tias: "Aub ! Kuv ces tas li no lawm lauj!" Ces Twm ho hais rau Tsab tias: "Tsab, yog li no koj ho sim rau kuv saib seb!" Tsab txawm teb Twm Hais tias: "Yuav sim los sim tiag! Cia ib ntsis tso." Ces Tsab tos tos Twm tsis nco qab lawm. Tsab xuas ncaws taw plawv plo rau Twm. Ces Twm ntog nrig nphau ntsos rau qhov txhia qhov chaw lauj! Ces Twm thiaj li thov Tsab tias: "Thov lauj ! Tsab lauj ! Txij no mus cia kuv hu koj ua tij, tso cia kuv ua kwv. Tso kuv ris koj cov nra thiab kuv ris kuv cov, tso wb mus ncig teb chaws lauj! Koj zog loj dua kuv lawm." Ces Tsab tias: "Yog no, kav tsij ris wb mus ncig teb chaws." Ces Twm ev Tsab cov nra thiab Twm cov, nkawd thiaj li mus. Nkawd txawm mus txog ib lub teb chaws, muaj ib tub zos. Yog lub caij uas nplej siav siav. Ua cas tsis muaj ib tug neeg li. Nyuj twm khiav nroo ntws. Nyuj twm mas noj nplej qhov txhia chaw. Hos qhaib npua quaj zom zaws, tsis muaj neeg pub li. Tsab nkees nkees Tsab txawm pw ua si. Twm txawm mus laij lawm. Twm mus laij txog puag pern plawv zos. Txawm muaj ib lub niag tsev, yog tsev peb tshooj. Txawm muaj ib lub niag nruas loj loj dai hauv. Twm txawm muab rab niag qws nruas ntaus ib qws. Ua cas txawm hais lus hauv tuaj tias: "Poj Dab es ! Poj Dab ! Ua cas muaj kuv niam thiab kuv txiv lawv noj tas, es niam thiab txiv lawv twb muab kuv kaw rau hauv lub niag nruas no. Salb puas yuav muaj neeg cawm tau kuv ? Ua cas tseem yuav nrhiav tau kuv lawm thiab ? Yog koj yuav noj no ces ua zoo noj los mas." Ces Twm txawm khiav khiav rov los hais rau Tsab tias: "Tsab, kuv mus txog tom lub niag tsev peb tshooj tod, ua cas muaj ib lub niag nruas loj loj dai hauv tsev, ces kuv mus niag qws nruas ntaus ib teg. Cia li hais lus hauv lub niag nruas tuaj tiag. Hais lus hauv tuaj tias Poj Dab nis poj Dab ! Twb muaj kuv niam thiab kuv txiv lawv noj tas lawm, es kuv niam thiab kuv txiv lawv twb muab kuv zals rau hauv lub niag nruas no, saib puas yuav muaj neej tuaj cawm tau kuv. Ua cas koj tseem tuaj nrhiav tau kuv lawm thiab. Yog koj yuav noj no ces ua tib zoo noj los mas! Hais li ntawd hauv tuaj tiag." Tsab teb tias: "Ua li, nyob qhov twg tiag ?" Twm hais tias: "Nyob tim lub niag tsev tid tiag." Tsab txawm hais tias: "Yog li no, koj coj kuv mus saib seb !" Ces Twm txawm coj Tsab mus. Nkawd mus txog, Tsab kom Twm rov ntaus. Twm muab kiag rab niag qws, ntaus ib qws rau. Ua cas rov hais li qhov qub thiab. Ces Tsab thiaj nug tias: "Koj yog neej los yog dab ? Ua cas koj ho nyob hauv kod ?" Ces tus ntxhals nyob hauv lub nruas thiaj li teb tias: "Kuv yog neej hos. Ua li koj yog neej los yog dab ?" Ces Tsab thiaj teb tias: "Nraum no, wb yog neej hos." Tsab thiaj hais rau Twm hais tias: Twm, muab txo los tho xyuas saib." Twm thiaj It muab lub nruas txo los. Twm thiaj li muab tho, na has ua cas tawm plaws ib tug hluas nkauj mas zoo nkauj taskevlilauj! Ces Tsab thiab Twm nkawd txawm nug tus hluas nkauj tias: "Nej lub zos no ua cas yuav tsis muaj Ib tug neeg nyob li ? Nplej twb Siav tas npaum no, ua cas tsis muaj neeg hlais li ? Nyuj twm noj nplej tas tej niag tog teb, yog vim li cas ?" Tus hluas nkauj ntawd txawm piav hats tias: "Ob tug leej yawm dab, twb yog muaj ib tug Poj Dab tuaj muab peb lub zos no noj noj tau ob peb xyoos no. Mas nws muab peb cov neeg noj tas lawm. Ces kuv niam thlab kuv txiv nkawd thiaj li muab kuv zais rau hauv lub niag nruas no, saib puas yuav muaj neeg tuaj cawm tau kuv. Kuv txiv mas yog ib tug txiv zos, kuv txiv yeej tua kawg tswv yim lawm nws tua tsis tau li. Niag Poj Dab ntawd thiaj li muab peb cov neeg noj tas." Tsab txawm nug tus hluas nkauj ntawd tias: "Ua li, tus Poj Dab ntawd yuav tuaj tav li cas ?" Tus hluas nkauj teb tias: "Yog tias koj zom zeb tuav cos, mas tag kis tshav ntuj tuaj puv nras xwb, ces nws yeej ya puag tim qab ntug tuaj tiag. Nws ya tuaj tsaws nram txoj kev mus nram hav dej, nws mam li taug kev nrad los." Ces Tsab txawm hals rau Twm thlab tus hluas nkauj tias: "Tshaib plab hwv lawm, Twm neb mus tuav cos coj los ua mov rau peb noj." Tus hluas nkauj teb hais tias: "Kuv ntshai ntshai li. Thov tsis txhob ua li ntawd." Tsab hais rau tias: "Tsis txhob ntshai ! Kav tsij mus tuav los ua mov rau peb noj. Yog tias Poj Dab tuaj no kuv mam li tua." Ces Twm nkawd mus tuav txhuv los ua mov noj tag, twb yuav kaj ntug. Ces tus hluas nkauj ntshai ntshai lauj! Tsab hais Twm tias: "Twm, koj mus khawb ib lub qhov taub." Tsab thiaj li coj tus hluas nkauj nkawd mus nyob hauv. Tsab kom Twm mus zov nram kev hav dej. Tshav ntuj tuaj puv nras. Tsuas tias qab ntug liab ploog, ces niag Poj Dab ya tawm plaws tim qab ntug tuaj, txawm tuaj tsaws ntua nram kev hav dej. Poj Dab txawm los txog ntua ntawm Twm. Ces Twm cia 11 xuas tib ncaws taw rau Poj Dab, ces Poj Dab pov rhees deb li xya hnub xya hmo kev. Ua cas tib pi lag xwb, Poj Dab txawm siv rov los txog ntawd lawm thiab. Twm rov qab tib ncaws taw Poj Dab, Poj Dab pov rhees deb li tsib hnub tsib hmos kev. Tib pliag xwb Poj Dab txawm siv rov los txog lawm thiab. Twm Twm rov tib ncaws taw rau thiab, Poj Dab pov rhees lawm peb hnub peb hmos kev. Tib pliag Poj Dab kuj rov los txog thiab. Twm zog tas lawm lauj! Poj Dab txawm hais rau Twm tias: "Twm, wb sib ntsuas zog, kuv lim lim lawm. Cia tag kis kuv rov tuaj, wb mam sib ntsuas zog dua." Ces Poj Dab cia li rov qab lawm. Twm thiaj rov los. Tsab nug Twm tias: "Twm, ua cas lawm ?" Twm teb Tsab tias: "Tij laug Tsab lauj ! Ntshal kuv yuav tsis yeej lawm. Ua ua txog thaum kawg, nws saib kuv tsis yeej ces nws cia li rov qab lawm. Nws hais tias tag kis nws mam rov qab tuaj no. Kuv ntshai hwv, vim kuv tsis yeej nws lawm. Tij Laug Tsab, tag kis koj ho mus zov nawb !" Tsab teb tias: "Aws ! Yog koj tsis yeej lawm no, tag kis kuv mam mus zov." Tag kis, ces Twm thiab niag hluas nkauj nkawd ho nyob hauv qhov taub. Nkawd muab ib daig niag txiag los npog. Tsab thiaj li ho mus zov nram kev. Tshav ntuj tuaj puv nras, Poj Dab rov ya ntxiag tuaj tsaws ntua rau nram kev hav dej. Poj Dab ev tub niag pob tawb, nqa rab niag Hag, thiab nws nqa tub niag nruas. Nws tuaj txog ces Tsab hais rau tias: "Niam tais, koj yuav tuaj mus deb tsi ?" Poj Dab teb tias: "Kuv yuav tuaj mus ev Twm nqaij." Tsab hais rau Poj Dab tias: "Twm ces yog kuv ntag." Tsab thiaj li thov thov Poj Dab tias: "Thov lauj ! Niam tais ! Cia kuv tsim noob neej rau ntiaj teb, rau zej rau zos kom coob coob, kom mam li tuaj, koj thiaj tau noj. Nyem no tshuav kuv lawm xwb las as. Yog koj tseem noj kuv lawm thiab ces tsis tshuav noob lawm yuav ua li cas ?" Poj Dab teb tias: "Niam tshuav koj lawm xwb os ! Twb tseem tshuav ob tug nyob pern qhov taub nev !" Tsab thov li cas los nlam tais Poj Dab tsis yib li. Ua li cas los nlam tais Poj Dab yuav muab Tsab tua xwb xwb li. Tsab thiaj li rho hlo yaj phom los tib yaj phom rau Poj Dab. Ces hlua maj hlua ntuag cia 11 muab Poj Dab caws cuag li tus las npua. Tsab txawm hu Twm tias: "Twm, tuaj ev nlam tais Poj Dab mus ua peb noj saib." Twm teb tias: "Koj twb muab khl tau lawm lov ?" Tsab hais tias: "Aws ! Kuv twb muab khi tau lawm, kav tslj tuaj ev mus." Twm thiaj li khiav khiav tuaj txog, Twm muab Poj Dab kwv hlo. Los txog, muab kiag ob ya cav taws coj los rauv kiag. Mus muab kiag lub niag yias thawj tsheb los rau kiag ib yias dej. Yias dej npau npau lawm lauj! Tsab txawm hais rau Twm tias: "Twm kav tsij muab tua los mas." Ces Poj Dab thov thov lauj ! Poj Dab thov hais tias: "Thov tso kuv, cia kuv muab kuv lub nruas thiab kuv tus pas no rau koj tso. Thov koj tso kuv lauj!" Tsab teb tias: "Tsis tau, kav tsij muab tua xwb." Ces Poj Dab hais tias: "Yog li no cia kuv tsa koj cov neeg." Ces Tsab thiaj li teb tias: "Yog li no, koj slm tsa rau saib." Niag Poj Dab thiaj li muab lub niag nruas coj los ntaus. Poj Dab hais tias: "Phoo, phoo, txwm vag txwm loog sawv qawm coog, pha, pha, txwm vag txwm loog sawv." Ces aub ! Zej zos mas ncho pa lug qhov txhia chaw. Hos sawv tau tej tus niag neeg daj daj, lawv mas ntshai Poj Dab kawg. Tsab rov hais rau Poj Dab tias: "Koj sim ua kom rov qab ploj kom tas saib!" Poj Dab muab Poj Dab niag pas tib nkaug hauv. Poj Dab tias: "Ploj kom txwm vag txwm loog, ploj kom tas." Ces rov qab ploj tas lawm. Tsab hais tias: "Koj rov tsa dua." Poj Dab muab lub nruas coj los ntaus li qub thiab hais li qub. Ces rov sawv tas lawm thiab lauj! Tsab hais rau Twm tias: "Twm tua las Twm." Twm nkaus hlo riam yuav tua. Poj Dab thov thov, Poj Dab hais tias: "Thov lauj! Thov koj tso kuv. Zaum no kuv yuav tsis tuaj noj koj teb koj chaw lawm. Hu ua koj lub teb chaws no, mas kuv tsis tuaj li lawm. Thiab kuv muab kuv tus pas rau koj, kuv qhia txuj ci rau koj. Koj muab tus pas no lub hauv paus txhos hauv av, koj tuav yav ntsis, koj hla kiag, koj yuav ya mus rau ib lub teb chaws lawm." Ces Tsab thiaj li hais tias: "Ua li tiag ?" Poj Dab teb tias: "Ua If ntawd tiag tiag li hos !" Tsab thiaj li hais tias: "Yog koj tsis tuaj noj kuv teb kuv chaw lawm no, saib koj yuav kam kuv cim koj qhov twg ?" Poj Dab teb tias: "Saib koj yuav cim kuv qhov twg los nyob ntawm koj li lauj!" Tsab thiaj li rho hlo riam los hlais kiag Poj Dab sab niag pob ntseg. Poj Dab ob sab niag pob ntseg mas ntev ntev li. Tsab txawm muab ib sab hlais pov tseg lawm. Tsab thiaj hais tias: "Kuv cim koj sab pob ntseg no nawb ! Lwm hnub, koj tseem tuaj noj kuv teb kuv chaw qhov twg, yog kuv pom koj, kuv tsis cia koj nyob ntxiv ! Kuv kawg tua koj xwb." Poj Dab thiaj li lees tias: "Ua li los mas ! Yog tias thaum twg kuv tseem tuaj noj koj teb koj chaw, yog koj pom kuv thaum twg, koj muab kuv tua pov tseg kiag." Nkawd cog lus li ntawd. Tsab thiaj li muab niag Poj Dab tso. Poj Dab thiaj ya rov qab rau puag tim qab ntug lawm lauj! Tus hluas nkauj ntawd niam thiab txiv thiaj hals tias: "Ab ! Ob tug me tub neb pab tau peb pej xeem huab hwm lawm, ces cia peb muab nyiaj rau neb." Nkawd teb hais tias: "Wb tsis yuav nyiaj lis, wb pab nej xwb." Niam thiab txiv hais tias: "Yog li mas muab peb tus ntxhais rau neb yuav, neb coj mus ua poj niam." Ces Twm los yuav kom Tsab yuav. Hos Tsab los pheej yuav kom kom Twm yuav thiab. Tsab thiaj li hais rau Twm tias: "Twm, wb tuaj txog thawj lub teb chaws no, koj twb tsis yeej luag lawm. Wb tseem yuav mus rau lub teb chaws ob thiab peb. Mas ntshal koj yuav tsis yeej luag ib zaug. Cia koj yuav tso, koj ua lawv tus Huab Tais kav lawv lub teb chaws no." Ces Twm quaj quaj. Twm hais tias: "Koj ua tij hais li ntawd, ces yuav los yuav thiab." Twm txawm yuav lawm lauj! Hnub ntawd Tsab yuav mus, Twm thiab niam Twm nkawd tua qaib ntim Tsab su. Nkawd xa Tsab mus txog torn kev, nkawd txawm rov los lawm. Tsab thiaj muab kiag niag pas txheem rau hauv av. Tsab hla kiag, Tsab ya plaws lawm lauj, Tsab txawm ya mus poob rau Fab Kis lub teb chaws. Me txiv xyoob txiv ntoo ntau tas nrho. Tsab txawm mus hauv ib yig niam tub poj ntsuam, nyob puag torn ntug zos. Ua cas ob niam tub ntawd quaj quaj kawg li. Tsab nug los ob niam tub ntawd yeej tsis teb li. Tsab thiaj hais tias: "Niam pog, ntshai koj xav tias khaub hlab li kuv no, tsam tuaj so hauv koj, noj koj es koj pluag, koj thiaj li quaj, puas yog ? Ua cas kuv hais lus, koj tsis teb kuv li ?" Tus niam pog ntawd mam li teb tias: "Tsis yog li koj hais Twb yog Nyav yuav tuaj sau se ! Nws yuav tuaj noj teb noj chaw. Peb tus txlv Huab Tais teb chaws no, nws yeej tua kawg tswv yim lawm, nws tua tsis yeej li Nyav tuaj ib zaug, sau ib tug neeg. Peb tej txiv, Nyav yeej muab sau mus noj tas li lawm. Zaum no, Nyav yuav tuaj sau txiv Huab Tais tsev neeg ib tug no. Mas txiv Huab Tais muaj ib tug ntxhals hu ua Nas Hoom, yuav muab tus ntxhais ntawd rau Nyav noj. Peb hlub hlub nws es peb thiaj li quaj xwb." Tsab txawm teb tias: "Ua li, lawv yuav muab xa mus rau Nyav noj qhov twg ?" Tus niam pog ntawd teb tias: "Lawv yuav muab xa mus rau puag tim lub tsev loj loj slab siab, puag tid. Nyob puag tim lub tsev peb tshooj, nyob kawg nkaus tshooj saum ub. Tag kis qaib qua mas Nyav tuaj noj ntag." Tsam txawm hais tias: "Niam pog lauj ! Koj kav tsij ua hmo rau peb noj, kuv khaub khaub hlab, kuv yuav mus nrhiav zog ua. Tsam tsis muaj neeg yuav kuv ua hauj lwm. Kuv yuav mus ntxov ntxov, saib puas tau hauj Iwm." Niag niam pog ntawd thiaj ua hmo rau Tsab lawv noj tsuag tsuag tas. Tsab thiaj li khiav khiav mus txog tim qab lawj Ua cas dej mas nrov tsij tsuag rau hauv qab lawj. Cov dej ntawd mas yog Nas Hoom cov kua muag xwb. Tsab thiaj li nee kiag mus xyuas. Tsab mus txog theem ib, muaj ib lub niag hub dej. Hub dej ntawd yog Nyav hub dej ntxuav taw. Tsab tib roob riag rau hub niag dej tawg tas. Tsab ho nee mus txog theem ob, muaj ib lub hub dej thlab. Yog Nyav hub dej da. Tsab kuj muab tsoo tawg tas thiab. Tsab nee mus txog theem peb, kuj muaj ib lub thoob dej huv huv. Thoob dej ntawd yog Nyav thoob dej yaug ncauj. Tsab kuj roob riag ua tawg tas nrho lawm thiab. Tsab thiaj li mus txog, Tsab pom Nas Hoom quaj tib tug pos muag nti xwb lauj ! Tsab mus hais hais lus rau los tsis teb. Tsab thiaj hais tias: "Nas Hoom, ua cas kuv hais lus rau koj, koj yuav tsis teb kuv ? Koj xav tias tsam kuv tuaj noj koj, koj ntshai tsam koj tuag, koj thiaj tsis teb kuv, puas yog ?" Nas Hoom thiaj hais rau Tsab tias: "Koj kav tsij khiav. Nyob tsam ib me ntsis koj ntshai." Tsab hais tias: "Yog vim li cas koj hais li kod ?" Nas Hoom teb tias: "Yog kuv niam thiab kuv txiv lawv muab kuv xa tuaj rau Nyav noj. Koj kav tsij khiav tsam koj ntshai." Tsab thiaj nug hais tias: "Nyav yuav tuaj thaum tav li cas ?" Nas Hoom teb tias: "Tag kis thaum qaib qua thawj tsig, ces Nyav tuaj ntag." Tsab hais tias: "Yog li no tsis ntshai! Kav tsij so kua muag, es los kho chaw rau wb pw. Yog hais tias tag kis kuv pab tsis tau, koj yuav quaj mam quaj. Cia li so kua muag los kho chaw pw." Ces Nas Hoom thiaj li so kua muag kiag los kho chaw rau nkawd pw lawm. Tag kis qaib qua thawj tsig, Tsab sawv ntxov ntxov los. Tsab nug .Nas Hoom tias: "Yuav tuaj los tsis tau ?" Nas Hoom teb tias: "Qaib twb qua thawj tsig lawm, ib me ntsis yuav tuaj ntag laiv!" Ua cas Nyav twb tuaj txog pern qaum tsev lawm tiag lauj ! Cuag nkaus li xob daj zaj nroo xwb lauj ! Nyav mas nim luag cuag nkaus li txiv nees hee. Nyav nkag kiag los rau theem ib, pom lub hub ntxuav taw tawg lawm. Nyav cem cem tias: "Tus me txiv Huab Tais no, cas yuav heev tas npaud? Tseem muab kuv lub hub ntxuav taw no tsoo tawg tas lawm ne !" Nce mus txog theem ob, cas pom lub hub dej da tawg tas lawm thiab. Nyav ho nce mus txog theem peb, uas muaj lub hub yaug ncauj. Ua cas kuj tawg tas lawm thiab. Ces Nyav npau npau taws, Nyav hais tias: "Txiv Huab Tais no, cas yuav heev ua luaj! Kuv sim mus xyuas nws saib." Nyav nyuam qhuav muab tau hau thiab ib sab taw nkag kiag los hauv tsev xwb. Tsab cia li tib ntag rau, ua nqaj tsuag tu nrho, mus txiav kiag Nyav caj dab tu nrho. Rab riam plam plaws mus tib teg tus taw fab tu nrho. Rab riam mus ntsia kiag rau hauv av, mus tob li ib dag thiab. Nyav thiaj li poob los huab cheej rau hauv qab lawj, ua lub roob ntawd mas deeg daws cuag li xob tua. Tsab rab ntaj ntais kiag ib qho luaj li ib nti. Tsab thiaj dawj kiag los txog ntua, Tsab muab kiag qhov ntaj ntais ntawd rau Nas Hoom. Tsab rho hlo nws daim ntaub thav ntxwv los hlai kiag ib qho rau Nas Hoom thiab. Tsab thlaj hals rau Nas Hoom tias: "Nas Hoom, koj nyob twj ywm nawb ! Kuv mus nclg ntuj peb xyoos kuv mam los yuav koj. Koj tsis txhob yuav leej twg nawb ! Yog muaj neeg nqa cov puav pheej no tuaj piv tsis haum, mas koj txhob yuav nawb!" Tsab thiaj li khiav khiav los lawm lauj ! Tsab los hais rau ob niam tub tias: "Ab ! Kuv nrhiav 1b hmo zog ua tsis tau li, kuv txom nyem dhau hwv lawm, ces koj ua tshals rau peb noj tso kuv yuav rawm mus. Tsam pom kev ces kuv txaj muag." Niag niam pog ua tshais tsuag tsuag rau Tsab lawv noj tas. Tsab mus txog ntua ntawm ntug zos. Ces Tsab ya plaws lawm. Tag kis kaj ntug, txiv Huav Ta1s tso tub mab tub qhe tuaj mus xyuas. Ua cas yawg Nyav taub hau tu lawm. Hos yav cev nyob tib ya ntxeev kws pern qab lawj xwb lauj ! Tub mab tub qhe cav qhua qhua hais tias yog tub mab tub qhe tuaj no. Hos Nas Hoom mas zoo slab kawg li lauj ! Txiv Huab Tais qhov ntaub thiab rab ntaj uas Tsab muab ntawd tas. Txiv Huab Tais thlaj li hu tas txiv Huab Tais yim meem teb ntawd tuaj. Kom nqa ntaj tuaj piv tag, los tsis muaj leej twg li phlm rau qhov ntais ntawd li. Nqa ntaub tuaj piv los tsis muaj leej twg muaj daim ntaub txaij li ntawd li thiab. Tsab thlaj li ya mus poob rau Yij Poos teb chaws. Tsab tseem mus pom ib tug niam pog quaj quaj thiab. Tsab hais lus rau los tsis teb li thiab. Tsab hais ib yam li uas Tsab hais rau tus niam pog Fab Kis los tsis teb li thiab lauj! Tsab nug nug ces niam pog ntawd thiaj li teb hals tias: "Kuv quaj no mas twb yog muaj ib tug niag niam Poj Dab nqws ib sab pob ntseg tuaj muab peb teb chaws noj. Zaum no nws noj txog txiv Huab Tais lawm. Txiv Huab Tais yuav muab nws tus ntxhais hu ua Nas Vab rau Poj Dab noj. Peb hlub hlub nws, peb thiaj quaj. Niag Poj Dab ntawd nws tuaj mas tej hnub nws noj kaum tus, muaj tej hnub nws tsis noj kuj muaj." Tsab txawm hais tias: "Txiv Huab Tais nws twb yog ib tug Huab Tais diam ! Ua cas nws tsis tua kom yeej." Niag niam pog ntawd teb tias: "Txiv Huab Tais mas tua kawg txuj ci lawm." Tsab hais tias. "Yog txiv Huab Tais tua tiag mas yeej yeej xwb. Nws tsis ua tiag ces nws kuj tsis yeej xwb." Niag niam pog ntawd txawm ua hmo rau lawv noj tag. Niag Niam poj ntsuam ntawd txawm khiav khiav mus taug xaiv rau txiv Huab Tais tias: "Muaj ib tug me nyuam hlua, nws ntsej muag liab ploog, nws hais tias koj twb yog Huab Tais koj tseem tua tsis yeej Poj Dab thiab. Nws hais li ntawd tej zaum nws muaj txuj ci yuav pab tau koj laiv, txiv Huab Tais." Txiv Huab Tais xav xav, txiv Huab Tais ua tau plaub txwm tswm ciab. Muab tsheb mus tos Tsab los Tsab tsis kam li. Txib Huab Tais ho ua rau txwm tswm ciab. Los Tsab tsis kam tuaj li thiab. Txiv Huab Tais xav xav, hos ua kaum ob txwm tswm ciab mas tos Tsab. Tsab xav xav, Tsab hais tias: "Ab ! Txiv Huab Tais, pom xeeb ua npaud, kuv lam mus, ntshai yuav pab tsis tau txiv Huab Tais." Tsab thiaj li mus txog, mas txiv Huab Tais lawv nim quaj quaj. Tsab thiaj hais tias: "Tij laug txiv Huab Tais, ua cas koj tseem tua tsfs yeej thiab. Huab tua pov tseg las as ! Yuav tseg nws ua dab tsi ? Niag nyob noj yus teb chaws xwb, tseem tsis tua." Txiv Huab Tais teb tias: "Kuv twb tua kawg kev lawm, tua tsis yeej li. Koj twb tuaj txog ntawm kod lawm, thov koj pab tua." Tsab hais tias: "Txiv Huab Tais lauj ! Kuv txawm tuaj txog lawm los kuv yuav pab tsis tau koj thiab. Tab sis kav tsij so kua muag. Yog tias tag kis, pab tau no ho pab, pab tsis tau no nej mam ho quaj dua." Huab Tais lawv thiaj li so kua muag tas. Lawv pw ib hmo kaj ntuj. Tav li noj tshais tas, tshav ntuj tuaj puv nras. Ces Poj Dab ya tuaj tsaws nkaus nram hav dej. Tsab thiaj li khiav nkaum zoj. Poj Dab los txog ntua, Poj Dab ua tawv tawv rau txiv Huab Tais. Tsab mam li tawm plaws los ntsiab nkaus Poj Dab plaub hau. Tsab hais rau poj Dab tias: "Nyuag tsov torn no ! Koj tsis paub hais tias kuv twb hlais koj ib sab pob ntseg cim lawm no los ua cas ! Kuv twb hais rau koj tias kom koj txhob tuaj noj kuv teb kuv chaw lawm no nev ! Zaum no, mas kuv yuav muab koj tua pov tseg kiag xwb." Ces txiv Huab Tais lawv mas nim zoo zoo siab li lauj ! Tsab thiaj li muab niag Poj Dab pav kiag, caws tib pob. Tsab yuav muab tua. Niag Poj Dab thov thov tias: "Tsab, yog koj yuav tua kuv no, cia kuv hu cov noj teb noj chaw ib yam li kuv tuaj tso. Kom lawv pom thiab lawv paub, lawv thiaj li tsis tuaj noj teb noj chaw." Tsab thiaj li hais tias: "Yuav hu los hu." Niam tais Poj Dab thiaj hu tuaj sawv tsheej phiaj ntsia lauj! Tsab thiaj li muab niag Poj Dab tua kiag pov tseg. Niag Poj Dab thiaj li tuag kiag zaum ntawd lawm. Txiv Huab Tais lawv zoo siab kawg. Huab Tais thiaj li muab kiag Tsab tsa ua Huab Tais. Huab Tais thiaj muab kiag Mas Vab rau Tsab yuav ua Tsab poj niam. Txiv Huab Tais lawv txo dej txo cawv haus. Noj nqaij haus cawv tau peb hnub peb hmo. Txiv Huab Tais thiaj muab kiag Huab Tais rau Tsab ua. Tsab tsis kam ua, Tsab hais tias: "Txiv Huab Tais, kuv tsis ua Huab Tais. Yog koj teb koj chaw. Kuv tsuas pab koj xwb. Qhov kawg kiag, kuv tsuas yuav koj tus ntxhais xwb. Ntawm Huab Tais, mas cia koj ua koj li qub. Zaum no yuav tsis muaj tus tuaj noj teb noj chaw qhov twg li lawm. Kuv tuaj pab tau koj teb koj chaw. Kuv yuav koj tus ntxhais lawm, kuv yeej yuav hlub xwb. Kuv yuav rov qab nawb ! Txiv, koj lub teb chaws no, tsuas muaj zoo mus lawm yav torn ntej xwb nawb." Tsab thiaj li coj nws tus poj niam los txog torn ntug zos. Ob tug ya plaws lawm lauj! Ob tug ya plaws los tsaws ntua rau Fab Kis lub teb chaws. Tsab rov qab los nyob hauv niag niam poj ntsuam tsev. Niag niam poj ntsuam ntawd txawm mus taug xaiv rau Huab Tais Fab Kis tias: "Hmo uas tuaj tua tus Nyav ntawd, muaj ib tug me nyuam hluas me me, nws tuaj nyob hauv kuv tsev. Hmo ntawd tsis pom nws lawm, tag kis nws los ntxov ntxov, nws los noj mov tag ces nws txawm mus lawv. Nyav cia li tuag lawm xwb. Ntshai yuav yog nws tua xwb." Txiv Huab Tais nug tias: "Nyem no, tus ntawd nyob qhov twg ?" Niam poj ntsuam teb tias: "Nws los nyob nram kuv tsev nrad." Txiv Huab Tais hais rau nws cov tub mab tub qhe tias: "Tub mab tub qhe mus hu nws los saib!" Tub mab tub qhe mus hu nws los txog, ua cas ris rawv rab nyuag ntaj. Txiv Huab tais kom nws thau nws rau ntaj los xyuas, na has ua ciav nws rab ntaj ntals tlag. Ces Txiv Huab Tais muab qhov nyuag ntais coj los piv, ua cas dhos daws tiag lauj! Txiv Huab Tais hais tias: "Yog tus no ntag lauj!" Txiv Huab Tais hos xam tsis pom daim nyuag ntaub li. Nas Hoom thiaj hais tias: "Txiv, tshawb hauv nws hnab tshos naj." Ces Txiv Huab Tais thiaj tshawb hauv Tsab hnab tshos tau ib lub nyuag txws xwb. Txiv Huab Tais txawm muab lub nyuag txws ntawd qhib, ua cas tau ib daim ntaub tiag lauj! Nas Hoom hais rau nws txiv tias: "Tus tua Nyav yog tus no tiag, txiv." Muab kiag qhov ntaub los piv, ua cas yog tiag lauj! Huab Tais thiaj li tshaj rau mam txiv zej tsoom paub tias: "Tus tua yawg Nyav yog tus no nawb !" Nyuam qhuav hais li no xwb, xob cia li tua tib rhe nrov nrov lauj! Tsab tsis, yog tus nyuam yau puag ta lawm. Ua cas yog tib tug yawg loj loj siab slab. Hos ua cas Tsab hnav tib ce ris tsho zoo zoo nkauj li lawm. Txiv Huab Tais thiaj li hais tias: "Tsab, koj tua yeej kuv teb kuv chaw lawm. Cia kuv muab kuv tus ntxhais rau koj. Muab kuv tus ntxhais rau koj yuav tso koj nrog kuv nyob." Tsab yuav Huab Tais tus ntxhais Fab Kis ntawd los ua niam yau. Tsab thiaj los nyob rau hauv Fab Kis teb. Tsab los ua Huab Tais Fab Kis. Tsab thiaj xa xov rau Twm, thiab rau cov pej xeem Hmoob nyob rau sab ntuj nraum no paub. Tsab hais rau Twm tias: "Twm, koj hais rau koj cov Hmoob paub tias kuv tuaj no, kuv tuaj ua Huab Tais Fab Kis lawm. Yog thaum twg nej muaj xwv txheej dab tsi no hais tuaj rau kuv paub. Kuv tuaj pab nej nawb." Ces thaum ua rog Fab Kis mas yog li ntawd. Yog muaj tsov muaj rog los Fab Kis thiaj 11 tuaj pab Hmoob. Huab Tais Tsab mas yog Hmoob, nws mus ua Huab Tais rau Fab Kis teb lawm xwb. Nws mus ua Huab Tais rau sab ntuj nraum ub lawm. Hos Twm ua Huab Tais rau sab ntuj nraum no. |
wb mus hauv chat kuv txuas lus me me nrog koj kuv yuav mus ostiamneejtshiab wrote:nkaujhnubqub wrote:nyeem tag nrho lawm na koj zaj no na, ua li os, koj puaj pe tsawg txoj diam nab?
Hauv ntawv yog muaj 70 tawm zaj, hos hauv kabxev yog 30 tawm zaj os. Seb koj puas xav kom kuv muab tuaj tso ntxiv xwb ma.
kuv xav mas ntshe koj yog neeg zoo heev, koj lub siab nws ntshiab, ntuj thiaj muab lub tswv yim pab koj kom koj tseb kev hlub kev zoo kev kaj siab rau ntiaj teb xwb...Cia lwm tus pom seb lawv yuav txhais li cas ntxiv mog...tiamneejtshiab wrote:Pab Txhais Npau Suav
Nag hmo yog lub 1/25/2013 ntawd kuv tau ua ib zaj npau suav tias peb cov tib neeg hmoob tau sawv tig los mus sib sau ua pab ua pawg ua ke tuaj mus nqaum paj nqaum nruas coob coob ua tsheej sob tsheej sob tuaj mus koom kev pe tsiab nyob rau hauv ib lub hav ntoo loj loj uas tsis pom muaj zej zog hlo li.
Tau muaj ib tug me nyuam ntxhais hluas nkauj nws hnav ib lub tsho ua ntsej kheej kheej looj nws lub cev mus ti nkaus nram nws ko taw zoo li cov tsho uas Doctor hnav ntawd, nws tau coj kuv thiab ib tug phooj ywg peb 3 leeg mus taug ib txoj kev av thiab nqa ib txoj Xaim Yas dej ywg dej taug cov kev av ntawd mus rau tej liaj tej teb pob kws, ywg mus rau tej nroj tsuag xyoob ntoo, ywg rau hauv av, nce mus rau tej toj roob hauv hav tej teb nplej teb pob kws ywg dej mus rau txhua qhov li lawm.
nkaujhnubqub wrote:kuv nyeem tas lawm os, yog koj nquag no nqa tuaj ntxiv os tus nus tiamnejtshiab, ua nws tsaug tsis muaj tag li nawb, hom dab neeg zoo li no yog hom kuv nyiam mloog ntau ntau tiag.
| KEEB PUAV VIM NTUJ TSIM TEB RAUG ( Zaj dab neeg nov tsis ntev los no muaj ib tug neeg hais rau kuv sau khaws tseg nyob rau hnub 18/7/2002 ) Ntawm no kuv yuav piav txog lub hauv paus ntuj thaum ub uas Huab Tais Ntuj "Yawm Saub" nyuam qhuav los tsim tau qav kaws thiab vuj lis vag nkawv nyob rau hauv lub ntiaj teb nov, mas vuj lis vag los yog "Tooj Nchai Siv Yis" thiab qav kaws nkawv los ua neej rau ntiaj teb no mas Huab Tais Ntuj tau hais tias los tsim tau lub ntuj no nyuam qhuav yog 3 vaim xwb, tseem yog dej li dej xwb. Yawm Saub tso nkawv los nyob saum nplaim dej, mas nkawv ua lub neej khuam siab heev. Ces Yawm Saub thiaj li tau qhia txuj ci rau vuj lis vag hais tias kom nws los mus xav seb yuav tsim lub ntiaj teb zoo li cas mus lawm yav tom ntej no ? Ces thiaj li tau kom qav kaws mus ris av puag qaum ntuj coj los hliv rau saum nplaim dej. Ces qav kaws thiaj li tau mus ris av puag qaum ntuj coj los mus tso rau hauv ntiaj teb no ua tej pawg tej pawg ces Yawm Saub thiaj li kom nkawv muab haiv, ces nkawv muab haiv tag ces dej txawm khov ua pob zeb ces pob zeb txawm hlob hlav tuaj mus rau ib nta ntuj, ces pob zeb txawm hlav mus chob ntuj lau. Ces nkawv thiaj mus hais Yawm Saub tuaj saib, ces Yawm Saub thiaj li hais tias yog li ntawd no ces kuv mus muab taus tooj taus hlau tuaj rau neb mus ntov zeb ntov tsua. Ces Yawm Saub nqa taus tuaj rau nkawv, ces nkawv ces nkawv thiaj li mus ntov zeb ntov tsua vau los rau hauv lub ntiaj teb no. Ces zeb tsua poob los mus puv ntiaj teb lau. Ces thaum ntawd lub ntiaj teb no tseem tsis tau muaj hnub muaj hli lub ntiaj teb no tseem tsaus tsaus tsis tau pom kev, ces Yawm Saub thiaj li mus tsim tau 9 lub hnub 9 lub hli ntsa pom kev rau lub ntiaj teb no. Ces tshav ntuj tuaj ziab rau lub ntiaj teb no ces ua rau pob zeb kub kub ces pob zeb ntaiv ntaiv ua rau puas tsav yam tsiaj tuag tag. Ces Yawm Saub thiaj li tau hais rau qav kaws thiab vuj lis vag nkawv kom mus rau qaum ntuj es mus nqa tswm tooj tswm hlau tuaj tswm no. Ces thiaj li tswm pob zeb ploj tag ces av li tawm tuaj. Ces Yawm Saub mam li tsim tau ib puas tsav yam tsiaj rau lub ntiaj teb no, ces li mam los tsim tib neeg rau lub ntiaj teb no, ces thaum ntawd tsis muaj duab ntxoov ntxoo, tsis muaj xyoob muaj ntoo li. Av liab ploog tim qab ntuj li xwb ces thiaj li kom dev mus nqa noob xyoob noob ntoo qaum ntuj los cog no ces dev thiaj li mus plos plos ces noob xyoob noob ntoo thiaj li zeeg poob los mus lo dev cov plaub tag. Ces dev thiaj li nqa tau noob xyoob noob ntau coj los cog rau ntiaj teb no, ces noob xyoob noob ntoo mam li tuaj ces mam li muaj duab ntxoov ntxoo rau nkawv nyob. Ces thaum ntawd Huab Tais Ntuj mam li muab hwj chim rau lawv txhua txhua leej, ces Huab Tais Ntuj mam li hais tias kuv muab txuj ci rau nej sawv daws tag lawm es nej mus sim seb yog leej twg txuj ci heev ces leej twg nyob lub ntiaj teb no, yog tias leej twg txuj ci tsis heev ces yuav tsum nyob rau ob sab, yog leej twg txuj ci heev ces cia nyob nruab nrab. Ces lawv sawv daws thiaj li pom zoo ua li ntawd, ces thiaj li hu yawm xob, yawm ntxooj nyoog, hu yawm zaj thiab txhua txhua yam ces thaum no thiaj li kom yawm zaj ua yawm zaj li txuj ci. Zaj thiaj li tib teg nruab tiv txwv ces ntuj tsaus ntais teb tsaus nti, ces 9 npluav xob 8 npluav cua ces ntaus ntaus ntiaj teb ua xyoob ntoo vau tag, toj pob mas tu liab vog thoob ntuj plaws. Ces yawm zaj laug thiaj li hais tias li no nej puas ntshai, ces Yawm Saub teb hais tias tsis tau ntshai. Yog li ntawd no tsov koj ne, tsov thiaj li dhia plhaw xyab hlo tsov nyooj 3 suab tag tsov tias nej puas ntshai, Yawm Saub teb hais tias tsis ntshai, ces thiaj li hais tias Dais koj ne. Ces Dais hais tias kuv li mas txuj ci loj heev, Dais peb npuag tes dawj kiag tag nrho ib sab ntoo. Lawv ua txuj ci tag ces Yawm Saub thiaj hais tias nej ua tag li no lawm xwb los poj! Lawv teb tias tag li no lawm. Yog nej ua tag li no lawm no ces kuv ho ua, kuv li mas nej yuav tau mus txiav ntoo los thiab mus hlais nqeeb los tso mas kuv mam li ua rau nej saib. Ces lawv thiaj li mus txiav tau xyoob txiav tau ntoo thiab hlais tau nqeeb coj los ua tau ib lub tsev. Ces Yawm Saub thiaj kom lawv nkag tib si mus nyob rau hauv ces Yawm Saub hais tias kuv ua mas nej ntshai heev, mas nej nyob hauv tsev saib yog pom kev qhov twg no ces nej hais es kuv muab txhaws rau. Thaum twg yog tsis pom kev hlo li lawm lau no ces kuv li mam ua nej saib nawb. Ces ua tiav thiab txhaws tiav tag ces Yawm Saub thiaj li muab Yawm Saub lub ntais coj los txhuam liab pliv liab pliv ces Yawm Saub hais tias nej puas ntshai no ces lawv hais tias, zoo nyuag li ko xwb es leej twg yuav cas ntshai. Ces Yawm Saub thiaj hais tias kuv txuj ci tseem tsis tau kawg ces Yawm Saub thiaj li hais rau lawv tias, yog li ntawd no ces zaum no nej saib kuv ua nawb. Ces Yawm Saub thiaj li muab ntais zes puag ncig lub tsev ces hu kiag cua nplawm ces nplaim taws qhwv nkaus lawv ces Zaj laug ua tsis tau tes ces Zaj laug li tib teg hauv nruab tiv txwv lawm. Hos xob ua tsis tau tes ces xob thiaj li tib teg saum ntuj lawm. Ces hluav taws kub kub tsov thiab dais nkawv ces kub kub ua rau tsov txaij tag hos dais ces kub kub ua rau dais dub tag. Es nim no dais thiaj li tus niag dub dub hos tsov thiaj li tus txaij txaij li ntawd. Lub hauv paus ntuj los mus mas yog li ntawd ces thiaj li hais tias txuj ci loj tshaj ces yog Yawm Saub loj ( vuj lis vag ) ces lub ntiaj teb no ces cia Yawm Saub nyob, es cia xob mus nyob ib nta ntuj, tsov thiab tsiaj qus ces cia nyob tom hav zoov hav fab hos zaj ces cia nyob nruab tiv txwv xwb. Es saum ntiaj teb no yog hais tias tsis tsaus ntuj ces Yawm Saub yeej tseem nyob mus li xwb no. Es ib puas tsav yam tsiaj thiaj li khiav mus nyob rau tom hav zoov tsis kam tawm los mus nyob rau qhov do, mas vim yog lub ntuj tseem pom kev. Yawm Saub ( vuj lis vag ) thiaj los tsim noob neej rau ntiaj teb no, ces thiaj li hais tias lub ntiaj teb no es yuav tsim mus zoo li cas ? Nplooj lwg qav kaws hais tias lub ntiaj teb no ces nqaim xws li nre tiab es qav kaws dhia peb plhaw xwb ces twb dhau qab ntug lawm, mas tsis tau txaus nyob ces Huab Tais thiaj li los puab tau Liaj Ntsuab. Ces thiaj tso liaj ntsuab mus yuj saib qab ntug saib nyob deb los nyob ze. Ces liaj ntsuab thiaj mus yuj tau peb hnub thiab peb hmos ces liaj ntsuab khaub hlab tag, liaj ntsuab thiaj los txog liaj ntsuab thiaj hais tias ntiaj teb dav tis ua dav es nyob tsis tag li lawm lau no ces Huab Tais Ntuj thiaj li khaws nkaus tau tus qws ces xuas tib qws rau qav kaws ces qav kaws thiaj li tuag ntsaub ntsis tseg. Ces nplooj lwg qav kaws thiaj li tau foom cov lus tseg hais tias Liaj Ntsuab siab tsis zoo mas muaj ib hnub twg mas kom Yawm Saub muab liaj ntsuab dag muab liaj ntsuab tus nplaig hlais kom liaj ntsuab txhob los mus hu tau tib neeg ntiaj teb. Ces tom qab no ces Yawm Saub thiaj li tau muab liaj ntsuab tus nplaig txiav lawm, ces tam sim no thiaj li los hu tsis tau ntiaj teb tib neeg lawm. Lub ntiaj teb no thaum ntawd los mus nws tsuas yog muaj hmoob li hmoob xwb tsis tau muaj ib tug mab sua hlo li. Ces thaum ntawd hmoob sib sib ntxub ces hmoob sib ua plaub ces hmoob sib txeeb nom, ces sib ua plaub ces thiaj li mus hu Huab Tais Ntuj tuaj txiav txim. Ces Huab Tais Ntuj tuaj txog ces Huab Tais Ntuj thiaj li hais tias nej yog ib haiv hmoob yog ib haiv tib neeg xwb ces cia muab rau ib tug ua xwb, es sawv daws koom tus ntawd xwb no. Ces hmoob txawm hais tias Huab Tais Ntuj pab tog tov lawm xwb no ces hmoob thiaj li tau rov taw tuam ntuj, ces Huab Tais Ntuj thiaj li tau tso dej nag los mus nyab tib neeg ntiaj teb tuag tag. Ces cov hmoob uas Yawm Saub tau los tsim tau ntawd ces tuag tag lawm. Dej dag nyab tag ces li los poob rau ntawm uas ob muag nus nyob hauv lub nruas daj es yog Yawm Saub qhia kom txua. Dej nyab ces thiaj li ntab mus txog rau qaum ntuj ces thiaj li mus tsoo Huab Tais Ntxwj Nyoog lub rooj loog nrov peb teg qeeg nkaws ces Huab Tais Ntxwj Nyoog xav hais tias yog dab tsi no ces Yawm Ntxwj Nyoog li tawm tuaj xauj na has ua ciav dej dag twb nyab qab ntuj tag lawm. Ces thiaj li rho hmuv tooj hmuv hlau los nkaug, nkaug lwj nkaug liam ces ua rau ntiaj teb no thiaj li ua roob ua hav, ua qhov ntuj ces dej li nqis tag. Ces nkawv lub nruas li poob los rau ntiaj teb no, ces tsis muaj ib tug tib neeg li lawm. Ces nkawv li mam los tsim tib neeg, ntiaj teb tsis muaj tib neeg li lawm ces cia koj mus rau hauv ntuj es tso kuv mus rau qab ntug. Es mus nrhiav tib neeg es koj mus xya xyoo kuv mus xya xyoo, es yog tias nrhiav tsis muaj tib neeg li lawm no ces wb ob muag nus wb li rov qab los es wb li mam los sib yuav. Ua li los ua li no ces tus muam thiaj mus hauv ntuj hos tus nus mus qab ntug. Nkawv ib leeg thiaj mus tau xya xyoo ces thiaj rov qab los sib nrhiav tau ces thiaj li hais tias yuav ua li cas, tsis paub ua li cas li lawm, wb ob nus muag ces ntshe wb yuav pw tsis tau ua ke. Tus nus thiaj li hais tias yog li ntawd no ces cia koj tuaj ib sab zeb kuv tuaj ib sab zeb, es wb ris ib leeg ib sab zeb es wb ib leeg tuaj ib sab roob es wb dov los es yog ob txhib zeb los sib khwb no ces nws sib yuav tau. Tus muam mus tuaj ib sab roob hos tus nus mus tuaj ib sab roob es wb dov txhib zeb ntawd los mus, ces tus muam li ces yog poj niam ces mus qeeb hos tus nus yog txiv neej ces mus nrawm zog ces tus nus dhia mus txog ces ob txhib zeb tsis khwb, ces tus nus txawm mus muab txhib txiv los khwb kiag rau txhib niam ces tus muam tuaj txog, ces tus nus thiaj hais tias sib khwb lawm ces sib yuav lau. Ces tus muam thiaj li chim chim ces tus nus thiaj li tias khwb tsis khwb los khwb lawm ces kawg yuav. Ntiaj teb tsis muaj tib neeg lawm ces kawg wb sib yuav no ces nkawv thiaj li sib yuav. Nkawv sib yuav tau xya xyoo ces muaj ib tug me nyuam ces tus me nyuam ntawd zoo nkaus li lub taub twg xwb. Thaum tus me nyuam ntawd txog caij yug ces yug tau los ces tib tus kheej loos toos, tes los tsis muaj tes, taw los tsis muaj taw zoo nkaus li lub taub xwb. Ces nkawv thiaj li muab hlais lau, muab hlais ib daig pov ub ib daig pov no ces muab hlais tag ces muab pov khuam ntsis ntoo maj ces mus ua hmoob yaj, hlais ib cov mus khuam ntsis taub ces mus ua hmoob lauj, hlais ib cov mus khuam ntsis xyoob ces mus ua hmoob xyooj, ib cov mus khuam nra vaj ces mus ua hmoob vaj, nkawv muab hlais pov li ntawd tag ces nkawv pw ib hmos tag kis kaj ntug sawv los na has ib zog li lawm. Nkawv mus xauj qhov los ob niam txiv, tov los ob niam txiv. Ces nkawv mam los tsim noob neej noob tsav mas thaum ntawd txhua yam tseem tsis tau muaj mob tsis tau muaj nkees, tsis tau muaj tuag hlo li. Ces Yawm Saub thiaj li qhia rau nkawv hais tias neb los tsim tau noob neej noob tsav los mus puv qab ntuj lawm ces kuv muab noob taub rau neb coj mus cog. Ces nkawv thiaj li mus cog taub, ces taub mam li loj taub mam li txi ces txi tau ib lub loj loj rau tom lub ntsis, ces nkawv mus muab lub taub ntawd de coj los khaws cia. Ces Yawm Saub hais tias neb lub taub no mas neb tsis txhob muab phua li nawb, thaum twg yog neb mus tsim tau ntiaj teb tib neeg es neb lub teb lub chaw vam meej lawm es neb tib neeg nyob puv qab ntuj tag, muaj nom muaj tswv, muaj teb muaj chaw lawm no ces neb li mam phua neb lub taub ov. Hos yog hais tias neb mus tsim tsis tau puv qab ntuj no ces neb txhob rawm phua neb lub taub nawb, tsam ces neb phua taub ces thaum ntawd ces luag los txeeb teb txeeb chaw nyob ces, thaum ntawd neb yuav tsis tau teb tsis tau chaw nyob ces thaum ntawd neb ho yuav txom nyem. Ab yog Yawm Saub hais li ntawd no ces cia muab ua xya xyoo lau, ces nkawv thiaj los tsim tau xya xyoo ces ntiaj teb nyuam qhuav tau li ib nyuag ces kaum xwb. Ab...Yawm Saub hais li ntawd no muab lub taub coj los phua saib yog dab tsi nyob rau hauv. Ces thiaj li muab lub taub coj los phua rhe ob sab ces muaj mab sua txhua txhua haiv neeg tawm coob coob los mus sib txeeb teb chaws nyob tiag lawm lau. Ces thaum ntawd Yawm Saub thiaj los qhia nkawv hais tias neb lub teb lub chaw neb twb tsis tau los tsim puv qab ntuj es neb muab lub taub phua lawm es ib tsam no yuav ua li cas. Luag los coob heev luag yuav los txeeb liaj ia teb chaws nyob laiv. Neb yuav ua li cas ? Neb tsis mloog kuv lus li, nkawv thiaj li hais tias Yawm Saub lau vim rau qhov hais tias wb xav hais tias yog dab tsi no na has nws yog li no ces xyov yuav ua cas li lawm lau. Yawm Saub thiaj li hais tias yog li nov no ces ib tsam no neb muab lub taub phua lawm ces cia neb rov qab es tseg neb tus tub nrab cia xwb. Ces nkawv thiaj li rov qab ces thiaj tseg tus tub nrab tseg cia nrog ntiaj teb tib neeg nyob. Mas tam sim no thiaj li tsim tau mab sua los ces Yawm Saub thiaj li los ua tau 12 lub tsev ces Yawm Saub thiaj li muab tau 12 haiv neeg coj los mus tso rau 12 lub tsev, ces muab hmoob coj los tso rau lub 1 ces thaum no Yawm Saub thiaj li muab txuj ci los rau txhua txhua haiv neeg tag nrho, los rau hmoob tib si. Ces Yawm Saub hais tias kuv muab noob ntaub noob ntawv rau nej hmoob thib ib es nej nqa nawb, nej nqa rau ntawm nej daim xib tes es luag thiaj li los txeeb tsis tau. Es lub ntiaj teb yog nej xub los tsim ces cia nej nyob hauv daim av, hos luag li ces luag los tom qab ces cia luag ua tsev txij hauv caug rov rau saud luag nyob rau ib nta xwb. Hos nej thiaj nyob tau hauv av nawb, daim av yog nej tsim ces cia nej nyob hauv av, hos mab sua luag los tom qab ces cia luag nyob txij lub hauv caug rov saud. Yog hais tias mab sua tseem los nyob rau hauv av thiab mas puas tsav yam tsiaj yuav tsum los mus ua phem rau, ces Yawm Saub thiaj li foom ib lo lus li ntawd tseg. Thaum ntawd mas 12 haiv neeg ntawd mas tsis tau paub hais lus li zoo li tus ruam xwb. Ces Yawm Saub thiaj li los qhia lus, qhia txhua yam lus rau noob neej ntiaj teb txhua haiv tag ces pub thawj yog tus tom qab kawg ces tsis muaj lus qhia lawm ces Yawm Saub thiaj kom pub thawj mus luaj ib thaj hav xyoob tso es kuv tso 9 lub hnub los mus ziab 3 hnub rau kom qhuav qhuav es nej muab hlawv es nej mus nyob tom ntug teb qog xyaum nawb. Xyoob tawg li cas ces nej kawm li ntawd no ces pub thawj thiaj li mus ua li ntawd ces xyoob tawg li cas ces pub thawj hais li ntawd es pub thawj thiaj li hais lus ua nplib, ua nplob ntawd mas yog pub thawj mus kawm ntawm cov xyoob tawg ntawd los xwb. Mas thaum zoo li ntawd lawm ces Yawm Saub thiaj li hais tias txuj ci ces muab tag rau nej lawm thiab Yawm Saub tu liaj ia teb chaws rau lawv ib leeg ib qho tag. Ces Yawm Saub thiaj li hais rau hmoob hais tias kuv pom xeeb los tu liaj ia teb chaws rau nej nyob tag lawm mas kuv yuav rov qab mas nej mus nrhiav 12 yam tsiaj los ua 12 yam qav rau kuv noj tso es kuv yuav muab txuj ci rau nej no ces hmoob mus nrhiav nrhiav tsis tau 12 yam tsiaj li ces ees dias thiaj li mus muab ib tug tsiaj coj los ua tau 12 yam qav rau Yawm Saub no ces Yawm Saub thiaj li tso txhua yam kev cai dab qhuas ncaj ncees, kev cai hauj sam rau ees dias lawm. Ces tam sim no tshuav 3 lo lus ces tseg cia rau hmoob, mas tam sim no thiaj li hais tias tsim tau ntau haiv neeg mas nyuaj dhau hwv lawm ces cia lawv kav kom tas lawv zim txwv tso es txog nej zim txwv no ces nej mam li rov qab los. Ces nkawv thiaj li rov qab lawm ces thiaj tso peb hmoob rau lub ntiaj teb no tseg ces tam sim no mab sua thiaj li los mus nyob puv ntuj puv teb, ces luag thiaj li muab peb hmoob tsuj. Thaum nkawv yuav rov qab ces nkawv hais tias nej nyob nawb mas wb tseg koj txiv rab qeej rau tim tus nqe lauj nawb hos lub nruas daj dai ntawm tus ncaj tas ov, nej nyob nej muaj kam dab tsi los nej tsis txhob muab koj txiv lub nruas los siv thiab txhob muab rab qeej los tshuab li. Nkawv mus lawm ces thaum ntawd ntiaj teb tsis paub, thaum Huab Tais nyob mas Huab Tais ntaus lub nruas ces hu tib neeg sawv daws tuaj sib tham xwb. Huab Tais mus lawm ces tsis muaj leej twg lawm ces yog tias tsis ntaus lub nruas ces ntshe tib neeg yuav tsis tuaj li lau, muab lub nruas ntaus tag ces nrov qeeg daws mus txog Huab Tais ces Huab Tais tias Aub...cov nyuag dev ntawd tsis tsim txiaj ces lub ntiaj teb tib neeg ces yuav tuag li lau, ces cia xij peem tso es kav liam lau. Yog ntaus lub nruas lawm ces yuav muaj kev mob kev nkees kev ploj kev tuag. Nyob nyob tuag ib tug tib neeg ces txawm muab lub nruas ntaus hu sawv daws tuaj zov thiab cia li muab rab qeej uas thaum Huab Tais nyob es xa xa nyab ntawd coj los mus tshuab rau tus tuag thiab ces tam sim no thiaj li muaj kev mob kev nkees kev ploj kev tuag rau noob neej ntiaj teb lawm. Mas thaum ntawd mas txiv neej tseem yug me nyuam, txiv neej yug me nyuam tau 9800 xyoo ces tib neeg tsis puv qab ntuj li. Ces Yawm Saub thiaj li hais tias yog li ntawd yuav cia poj niam yug los yuav cia txiv neej yug, ces cov poj niam thiaj li hais tias Yawm Saub lau, txiv neej yug me nyuam mas yug nyuab hwv da cuaj hnub cuaj hmo es yug tau tus luaj kooj tshuab xwb, es txiv neej yuav noj twm xwb no ces ntshe peb yuav nrhiav tsis tau li lau. Laj nrhiav nyuj nrhiav twm rau noj, yuav ceeb laj nrhiav tau puv hli li. Ces cia koj muab rau peb yug es cia peb tsa ces cos yug es peb noj qaib xwb lau, Yawm Saub lau no ces thiaj li hais tias ua li ntawd los ua li ntawd los mas ces thiaj li tso rau poj niam yug. Thaum txiv neej yug mas luaj tus kooj tshuab xwb 30 xyoo nyuam qhuav txawj ua nyuj sib nraus xwb mas thaum ntawd txiv neej yug me nyuam mas tsis muaj mob tsis muaj nkees tsis muaj tuag. Ces thaum Yawm Saub muab rau poj niam yug ntawd lawm ces Yawm Saub thiaj hais tias yog muab rau poj niam yug mas poj niam yug tsa ceg cos ces ntshe ntiaj teb yuav ntim tsis tag, mas xyov yuav ua li cas li lau. Ces poj niam yug tau 9 tiam xwb ces tib neeg puv ntiaj teb nov tag, ces tsis txaus nyob lawm lau. Ces thiaj li mus nug Yawm Saub hais tias tib neeg coob tag npaum li nov es yuav ua li cas. Ces Yawm Saub thiaj tias ua li cas los tsis tau ces cia kuv txiav peb tus xyoob rau nej es nej mus muab ib tus dev tua es muab tis npe hu ua Nplias es nej muab pav rau saum peb tus xyoob es muab kwv ncig ntuj ncig teb rov qab los mas thiaj li yuav tau. Yawm Saub hais li ntawd ces ces thiaj li muab dev tua kwv ncig ntuj ncig teb tag ces tam sim no noob neej ntiaj teb thiaj li tau kev mob kev nkees kev ploj kev tuag rau ntiaj teb no ces thiaj li tuag tuag puv rau qab ntuj no, ces nim no noob neej noob tsav thiaj li tsawg zuj zus lawm. Thaum ntawd ces Yawm Ntxwj Nyoog mus deev tau Huab Tais Ntuj tus ntxhais muaj ib plab me nyuam yuav yug lau. Ces Yawm Saub thiaj li hais rau ci tuj thiab tuj nplug nkawv tias ib tsam no ntxwj nyoog plab me nyuam yuav yug. Ces kuv tso plaub tug me nyuam rau nej yug es nej xub xub yug nej plaub tug ua ntej nawb. Ces ci tuj thiab tuj nplug nkawv thiaj li yug tau xwm kab, los yej, ncej dab thiab txhiaj meej. Nkawv yug tau plaub tug tub ces nkawv thiaj li mus sab laj rau Yawm Saub tias wb yug tau plaub tug me nyuam lawm es yuav muab tis npe hu li cas. Ces Yawm Saub hais tias yug tau lawm no ces cia kuv li tuaj tis npe, ces Yawm Saub thiaj li tuaj muab tis npe ib tug hu ua xwm kab, ib tug hu ua los yej, ib tug hu ua ncej dab hos ib tug hu ua txhiaj meej no. Ces thaum Yawm Ntxwj Nyoog yug tau yawm ntxwj 3 tug dab noj nyoos haus txias ntawd lawm ces Yawm Saub thiaj li hais tias yog li ntawd no ces nej tso nej plaub tus tub nqis ua ntej mus rau ntiaj teb. Ces yawm ntxwj nyoog yug kiag tau peb tug tub noj nyoos haus txias ces tso plhuav rau ntiaj teb nqis los mus noj nyoos haus txias. Ces xwm kab, los yej, ncej dab thiab txhiaj meej lawv 4 tug thiaj li muab dab caum tua, ces caum caum dab khiav mus rau tim npoo ntuj tag. Ces Yawm Saub thiaj hu lawv rov qab los, ces lawv rov qab los txog tsev tag. Ces thaum no Yawm Saub thiaj li hais tias nej caum dab mus rau qhov twg lawm. Peb caum mus ti nkaus tim rooj ntug es luag chaw noj qe tooj qe hlau, Yawm Saub thiaj li hais tias yog li ntawd no ces cia los yej zov tsev hos xwm kab yog tus nrawm ces cia xwm kab nyob pem ua tus saib, ncej dab cia nyob nruab nrab hos txhiaj meej ces cia ua tus thaiv. Lawv thiaj li los zov lub tsev ces tam sim no peb ntiaj teb tib neeg peb thiaj teev daim xwm kab rau ped es tso tus ncej dab nyob nruab nrab hos tso txhiaj meej nyob nram qhov rooj hos los yej ces cia los yej zov tsev. Ces tam sim no yog tias dab tuaj txog nram qab tsib taug dab pom xwm kab ces dab tiaj ntees rau nruab zoov nruab tsuag ces dab tsis kam los li lawm. Mas tam sim no peb thiaj pheej teev daim xwm kab rau ped, thaum ub mas yog tus tseem nyob ped tab sis ua ua ntev heev los ces muab pauv pauv los mus ces tam sim no peb siv dai daim ntawv lawm xwb. Thaum ub mas yog ib tsob Faj Khaum nyob rau hauv ntiaj teb no, es leej twg mus kov los ntshai. Ces Yawm Saub thiaj li tso los yuj nkawv mus muab ces nkawv thiaj li mus muab tsob ntoo ntawd dawj cag ces muab cov nplooj coj los rhais rau pem hauv tag hos muab cov ceg coj los mus rhais puag ncig tsev ces dab tuaj kov raug ces dab tuag tag. Ces nim no tsob ntoo ntawd ntab ya rau saum lub hli lawm. Ces tam sim no tsob ntoo faj khaum ntawd mus nyob rau saum lub hli lawm ces ntiaj teb muab tsis cuag lawm es nim no thiaj pheej tseem muab daim nplooj coj los rhais rau ped, mas tam sim no daim xwm kab mas yog daim nplooj ntoos uas nyob rau saum lub hli es tsob faj khaum ntawd cov nplooj nawb. Mas tam sim no lub hauv paus neej mas yog los mus li nov, ces tam sim no yog hais tias av qeeg thiab huab cua nplawm thoob ntuj lawm, hos dej nyab tib neeg tuag thoob ntuj lawm ces yog tib neeg sib tua hauv ntuj tuaj no ces lub ntiaj teb no kawg kub hnyiab nawb. Hos yog tias xub tua qab ntug tuaj no ces lub ntiaj teb no kub tsis taus hnyiab ov es hais li no rau nej. Mas yog tias hnub twg lub ntuj kub hnyiab los no ces kom peb tsis txhob mus rau sab ntuj dub no mas luag hais li ntawd mas tsis paub hais tias yog sab twg mas kuv qhia li no rau nej. Ces lub hauv paus ntuj ces los kawg rau ntawm tus zauv 2000. Txuas ntawd mus rau tov mas yuav txog ntawm "Yob Nraug Ntsuag" mas luag hais tias yog li ntawd thaum uas ntiaj teb no sib txeeb nom sib txeeb tswv ua, sib txeeb nom tag ces tej nom yuav khiav mus dai tuag ces ntiaj teb yuav ua rog ces tej nom tej tswv yuav sib hais tsis haum siab ces tej nom yuav khiav mus dai tuag, ces tej nom tej tswv yuav tuag tag nawb. Ces thaum ntawd tus pej xeem txom txom nyem khaub khaub hlab li mam sawv los mus ua nom ces yuav los kav 99,000 xyoo. Mas yav nov mus rau tom ub ces luag hais tias hauj sam daj yuav sib tua hauj sam, tej nom tej tswv yuav sib tua, pej xeem yuav sib tua pej xeem, mas thaum ntawd dab yuav sawv los ua rog rau ntiaj teb. Mas tom ntej no yog sib tua thoob ntuj ces dab yuav sawv los ua rog nawb, ces yuav ua rog neej rog dab nawb. Mas zoo li ntawd ces thaum ntawd Xeem Xais yuav nqis rov qab los, luag hais li ntawd. |
nkaujhnubqub wrote:haib kawg zaj dab neeg no na!!!
ua tsaug nawb tiamneejtshiab; koj yuav tsum piav dab neeg rau kuv mloog niaj hnub xwb nawb me nus...
nkaujhnubqub wrote:kuv nyiam kawg li os, koj nyiam hais dab neeg heev li thiab tiag lov?
Cas kuv nyiam mloog kawg li thiab os, tab sis cas kuv tsis txawj piav li koj ne...
nkaujhnubqub wrote:koj twb khaws tau dab neeg tseg nov ne, kuv thiaj li tau mloog mas.
Kuv ua koj tsaug ntau ntau nawb tus me nus Tiamneejtshiab e.
kuv thov koj ib hnub nqa ib zaj dab neeg tuaj tso tseg hauv no rau kuv nyeem mog ua tsaug ntau os
| NRAUG NTSUAG THIAB TSOG Puag thaum ub ov ! Niam tuag nrauj txiv, txiv tuag tseg Ntsuag ib tug nyob txom txom nyem lauj! Txawm muaj ib tug Tsog, nws muaj ib lub taub hau noog tsw tsw qab. Ntsuag nws tsis muaj dab tsi noj, Ntsuag txawm mus qiv los hnia ntxuag mov. Ntsuag coj los hnia cas tsw qab kawg li lauj ! Ntsuag hnia hnia, nws txawm tsis nco qab, Ntsuag txawm muab noj lawm lauj ! Ib tsam Tsog txawm tuaj nug hais tias: "Ntsuag, kuv yuav tuaj nqa kuv lub taub hau noog mus tsev no." Ntsuag txawm hais tias: "Aub ! Txiv yawg Tsog, kuv muab koj lub niag taub hau noog ntawd hnia hnia, kuv tsis nco kuv muab noj lawm. Salb koj yuav hals li cas xwb lauj ?" Tsog txawm hals tias: "Aub ! Ntshai tsis tau nawv ! Yog koj muab noj lawm mas koj yuav tsum mus nrhlav Ib lub los rau kuv thiaj li tau xwb nawv !" Ntsuag tsis pom qab yuav ua li cas, ces Ntsuag txawm mus cuab cej lawm cuaj ntxug zoov. Tas kis Ntsuag mus suav. Rooj twg los tsls txhals, rooj twg los tsis txhals li. Nws suav suav mus thoob tsls mag li lauj I Ntsuag rov qab los. Ua ciav txawm muaj Ib rooj mag tau Ib tug nas. Ntsuag txawm muab rau hauv hnab, muab kwv los yuav txog tsev. Niag nas ntawd txawm xeev los, tus nas ntawd mas yog Ib tug Tsog thlab. Txawm hais tias: "Aub ! Yog leej twg kwv kuv ? Kuv mus haus haus cawv ntuj sua teb tom pem los, kuv qaug qaug cawv, kuv thiaj li los ntog ntawm no lawm. Yog leej twg kwv kuv nev ?" Ntsuag teb hals tias: "Kuv yog Ntsuag, yog kuv kwv koj." Niag Tsog ntawd txawm hais rau Ntsuag tias: "Aub ! Me Ntsuag, koj rau rau slab kwv kuv kom mus txog tsev. Kuv mus nrog koj nyob tso koj rau rau slab ua qoob kom tau ib txhab qoob, kuv yuav mus muab Xeev Laus ntxhals nkauj Ntxawm los rau koj ua poj nlam nawv, Ntsuag." Ntsuag thiaj kwv kwv tus Tsog ntawd los txog tsev. Tus Tsog ntawd nrog Ntsuag nyob. Ntsuag rau rau siab ua ib xyoos, tau ib txhab qoob tiag lauj ! Tsog txawm hais rau Ntsuag tias: "Ntsuag, tag kls koj ua tshals ntxov ntxov rau kuv noj, kuv yuav mus muab Xeev Laus ntxhais nkauj Ntxawm rau koj ov !" Tag kis qaib qua ib tsig xwb, Ntsuag sawv los ua zaub ua mov tsuag tsuag rau txiv yawg Tsog noj tas. Noj tshais tas txiv yawg Tsog txawm hais tias: "Koj nyob, kuv mus lawm nawb !" Ntsuag ntsia ntsia yawg Tsog ya ya dua qaum ntuj lawm lauj ! Ntsuag ntsia ntsia, Ntsuag txawm yws yws hais tias: "Ab ! Niag tsov tom Tsog ntawd ! Ntshai lam dag, kom nws dim xwb." Yawg Tsog ntawd ya ya mus tsaws ntua ntawm Xeev Laus taw rooj. Ib me ntsis Xeev laws ntxhais Ntxawm txawm tawm plaws tuaj txog ntawd. Tsog txawm rho hlo Xeev Laus ntxhais Ntxawm Ib txog plaub hau lawm lauj ! Xeev Laus ntxhais Ntxawm txawm khiav khiav lawv Tsog qab los. Tsog los txog ntua ntawm qhov rooj tag, Tsog hais tias: "Ntsuag, tsuag tsuag! Kav tsij cheb tsev. Niam tij los txog tod lawm." Ntsuag nyuam qhuav cheb tsev tsuag tsuag tas nrho xwb, Ntxawm txawm siv khiav tib tug me plaub hau ntxhov nphoov los txog ntua, chaws kiag los hauv Ntsuag tsev. Ntsuag ntsla mas zoo nkauj tsis zoo li lauj ! Ntxawm cla li los ua Ntsuag poj nlam lawm ov. Ib ntsls yuav tsaus ntuj, Tsog txawm hals tias: "Ntsuag, tag kis koj ua tshais ntxov ntxov rau kuv noj. Kuv sim mus mloog saib yawm txiv lawv fi xov li cas lawm ov." Tag kis qalb qua ib tsig xwb, Ntsuag txawm sawv los ua mov tsuag tsuag rau yawg Tsog noj tas, yawg Tsog rov qab ya ya dua qaum ntuj lawm thiab lauj ! Nws ya ya mus tsaws rau ntawm Xeev Laus taw rooj mloog. Xeev Laus txawm hu tau kab laum kib tshooj tuaj. Xeev Laus txawm hais rau tias: "Me kab laum kib tshooj, me qab ca koj nkag txhua, me qab zeb los koj nkag txhua. Koj nqes lawm ntiaj teb, koj mus nyob hauv lub niag pau tsu. Tag kis kuv Ntxawm sawv los ua tshais, koj da li tib kaug rau kuv Ntxawm, ces kuv Ntxawm nws yeej txawj los nws lawm, yuav tsls tas koj coj." Tsog twb hnov lawm lauj ! Tsog txawm ya ua ntej los lawm, Tsog ya ya los txog Tsog hais tias: "Tij laug Ntsuag, tag kis koj tsis txhob pub nlam tij sawv los ua tshals nawb ! Cia kuv mam li sawv los ua rau peb noj." Tag kis Tsog sawv los, Tsog tsis niam mus kov lub tsu li, nws mus rhaub tau ib nlag yias roj npau npau, nws maj mam mus muab lub nlag tsu los nphau kiag rau hauv yias niag roj. Ua dav tuag tib tug kab laum kib tshooj loj loj lauj ! Hmo ntawd yuav tsaus ntuj, Tsog txawm hais tias: "Ntsuag, tag ki koj ua tshais ntxov ntxov rau kuv noj, kuv slm rov mus mloog saib yawm txiv lawv fi xov li cas lawm." Tag ki Ntsuag sawv ntxov ntxov los ua tshais tsuag tsuag rau Tsog noj tas nrho, Tsog rov ya ya dua qaum ntuj lawm. Tsog ya mus tsaws ntua ntawm Xeev Laus taw rooj. Xeev Laus txawm nroo nroo hais tias: "Ab ! Ua cas kom me kab laum kib tshooj mus los nws lawm ploj ntais tsis los ? Nej sim mus hu nab raj tuaj, kuv hais nws saib." Mus hu tau nab raj tuaj txog, Xeev Laus txawm hais tias: "Me nab raj, qab ca los koj ntaug txhua, qab zeb los koj ntaug txhua. Kuv twb kom me kab laum kib tshooj mus lawm, tab sis tsis pom nws los li. Koj slm lawv qab mus. Koj mus nyob saum nthab. Yog kuv Ntxawm nee tuaj no ces koj tib nkaug rau. Kuv Ntxawm yeej txawj los kuv Ntxawm lawm." Tsog twb hnov lawm thiab, Tsog ya ya rov los txog tsev, nws hais tias: "Tij laug Ntsuag, tag kis niam tij neb tsis txhob sawv los ua tshais, da kuv mam li sawv los ua." Tag kis Tsog sawv los, Tsog txawm nqa rab niag rauj maj mam nee mus saum nthab. Ua ciav tib tug nab raj kub sai chev tib niag kaug luaj nkaus lub nlag vab loog. Tsog da li xuas rau tuav cuag tuav ncuav rau, tuav tuav niag nab tuag, nws thiaj muab niag nab cab mus pov tseg. Nyob nyob yuav tsaus ntuj, Tsog rov hais tias: "Tij laug Ntsuag, tag kis koj ua tshais ntxov ntxov rau kuv no, kuv yuav rov mus mloog saib yawm txiv lawv fi xov li cas lawm nawb." Tag kis qaib qua, Ntsuag sawv los ua tshais rau Tsog noj tas, Tsog rov qab ya ya mus tsaws ntua ntawm Xeev laus taw rooj, txawm hnov Xeev Laus hals tlas: "Ob tug Ntshiab, neb mus hu liv nyug tuaj, kuv hais liv nyug saib." Ob tug Ntshiab mus hu tau liv nyug tuaj txog. Xeev Laus hais tias: "Liv nyug, kuv xav kom koj mus coj kuv Ntxawm los, vim neeg ntiaj teb tuaj coj kuv Ntxawm lawm. Kuv twb kom kab laum kib tshooj mus, los kab laum kib tshooj lawm ntstag tos. Kuv kom nab raj mus los nab raj lawm ntsiag to tsis pom los li thiab. Kuv thiaj li hu koj tuaj, kom koj mus hu, vim qab ntug hauv ntuj los koj mus txhua, kom nqes lawm ntiaj teb. Koj mus nyob saum tej tsob ntoo uas siab siab, koj ntsia saib kuv Ntxawm tawm tuaj mus yos qhov twg no koj ya ntxiag mus rho kiag kuv Ntxawm ib txog plaub hau xwb, ces kuv Ntxawm nws yeej txawj los nws lawm." Nyuam qhuav hais tas li ntawd xwb, liv nyug txawm tso taw nplhuav ya los ntiaj teb lawm lauj ! Tsog ya qeeb dua, nws raws raws tsis tau liv nyug li, Tsog txawm hu tias: "Leej luag es ! Koj tos kuv thiab os. Me txiv hais tias kom kuv nrog koj mus thiab no ! Koj tos kuv thiab os !" Liv nyug teb hais tias: "Ab ! Koj tsis txhob ua li kod ! Kuv yuav rawm mus lawm ntiaj teb. Vim deb deb li." Tsog hais tias: "Me txiv yuav kom kuv nrog koj mus no nev." Liv nyug thiaj li tos tos. Tsog tuaj txog, liv nyug hais tias: "Cas koj yuav ua li kod?" Tsog hais tias: "Aub ! Mas me txiv yuav kom kuv nrog koj mus thiab no nev. Tab sis wb twb tuaj txog ntawm no lawm ces koj tos kuv khiav khiav mus yuav ib qho khoom tim khw tso. Yog me txiv hais kom kuv mus yuav." Liv nyug nyob ntawd tos. Tsog txawm khiav khiav mus yuav tau ib co tshuaj Hab los pleev nws tus nplaig. Nws yuav tau Ib rab nyuam chais thiab. Nws txawm khiav khiav rov los txog, Tsog txawm los hais tias: "Aub ! Leej luag, kuv mus yuav tau ib co tshuaj los pleev kuv tus nplalg mas cas yuav Hab zoo nkauj ua luaj. Koj puas nyiam ne yuad ?" Tsog muab rau liv nyug saib. Liv nyug hais tias: "Aub ! Liab zoo nkauj kawg tiag laiv yuam ! Kuv nyiam kawg thiab tiag." Tsog hais tias: "Yog koj nyiam thiab no mas koj hlev koj tus nplaig los rau kuv pleev." Liv nyug txawm hlev nws tus ntsis nplaig los rau Tsog pleev. Tsog pheej kom nws hlev ntev ntev, liv nyug thiaj li hlev yuav luag txog lub niag pob qa. Tsog muab chais los tib niag suam rau liv nyug niag nplaig tu nrho lawm lauj ! Ces niag liv nyug tsis txawj hais lus lawm. Tsog thiaj ya ya los txog ntiaj teb. Hos liv nyug ces nws rov qab mus saum ntuj. Nws mus txog pem Xeev Laus. Xeev Laus nug los liv nyug tsls txawj teb li lawm, nws ua tug ntag awv uav lawm xwb. Tsog rov los txog tsev, nws hais tias: "Tij laug Ntsuag, tag kis koj ua tshais ntxov ntxov rau kuv noj, kuv sim rov mus mloog saib yawm txiv lawv fi xov li cas lawm." Tag kls Ntsuag sawv los ua tshais ntxov ntxov rau Tsog noj tas. Tsog rov qab ya ya dua qaum ntuj lawm thiab, nws mus tsaws ntua ntawm Xeev Laus taw rooj. Nws txawm hnov Xeev Laus yws yws hais tias: "Kuv kom kab laum kib tshooj mus los, nws mus lawm ntsiag tos. Kom nab raj mus los, nws lawm ntsiag tos. Kom koj nyuag liv nyug ntawm kod mus, koj haj tseem rov los hais ua tib tug me awv uav li kod thiab. Txij no mus ces kuv Ntxawm yuav ua neeg ntiaj teb li lauj !" Tsog txawm ya ya rov los hais rau Ntsuag nkawd hais tias: "Aub ! Nyem no mas yawm txiv tswv yim tas li no lawm. Neb rau rau slab ua neej mus mog." Ntxawm thiab Ntsuag nkawd txawm rau rau siab khwv, nkawd thiaj li muaj muaj. Tsog nrog nkawd nyob tau ib xyoos. Muaj ib hnub Tsog txawm hais tias: "Ab ! Ntsuag thlab Ntxawm, kuv los muab neb txiv, kuv los nrog neb nyob tau ib xyoos ntau no lawm. Nyem no, kuv yuav mus xyuas kwv xyuas tij lawm ntuj sua teb tom peg, xyov yuav yog xyoo twg kuv thiaj li yuav rov los ntsib neb. Peb noj su tas no, neb ua mov ntim kuv su tso kuv yuav mus. Neb nyob neb rau rau siab ua rau neb tej me tub me nyuam noj nawb mog." Ntsuag teb hais tias: "Ab ! Tsog, koj los nrog kuv nyob tau ntev npaum li no lawm, kuv cav tsis muaj kwv muaj tig, wb twb los nyob ua ke yam kwv tij lawm. Koj tsis txhob mus los pov !" Tsog teb hais tias: "Aub ! Kuv nyob tsis taus lawm, vim kuv tseg kwv tseg tij tau ntev lawm, kuv yuav tsum mus xyuas lawv xwb xwb mog ! Neb nyob sib sib hlub, rau siab ua neej." Ntsuag thiab Ntxawm nkawd thiaj li ua su noj tag, thiaj ntim su rau Tsog tas. Tsog tawm mus txog ntawm qhov rooj. Tsog tig los hais tias: "Neb nyob, es neb sib sib hlub mog, Ntsuag thiab Ntxawm ! Xyov kuv puas yuav tau los xyuas neb lawm." Ntsuag thiab Ntxawm nkawd mas quaj quaj kawg li. Nyias nyo nyias, yeej hais tsis tau ib lo lus. Tsog tawm plaws ya lawm. Tsog ya ya mus txog ib nta ntuj, Tsog tig ntsia cas Ntxawm thiab Ntsuag nkawd yuav quaj heev ua luaj ? Tsog thiaj ya ya rov qab los. Ntsuag thiab Ntxawm nkawd xav hais tias ntshai yog Tsog yuav rov los nrog nkawd nyob. Tsog ya rov los txog, Ntsuag nkawd hais tias: "Ab ! Koj rov los nrog wb nyob lawm mas zoo siab heev. Koj nyuam qhuav mus lawm xwb, wb twb nco nco koj, wb twb quaj tas npaum no." Tsog hais rau nkawd tias: "Ntxawm thiab Ntsuag, tsis yog kuv rov los nrog neb nyob. Kuv ntsia neb quaj heev hwv lawm, kuv hlub hlub neb kuv rov los xyuas neb ib pliag xwb, kuv yuav rov mus. Neb muab neb ob txhais tes los rau kuv saib." Nkawd thiaj li cev tes rau, Tsog thiaj nti niam ob tawb ob ncaug, txiv ib tawb ob ncaug, Tsog hais tias: "Zaum no, kuv yuav mus tiag tiag, kuv yuav tsis rov los lawm. Neb nyob sib hlub rau siab ntso ua kom neb tau noj mog !" Tsog txawm ya plho lawm lauj ! Ob niam txiv quaj quaj tsaug zog kus. Nkawd tsaug zog tsim los. Ua ciav txiv tuav lub pov nyiaj, niam tuav lub pov kub. Nkawd thiaj li los ua neej nyob noj tsis txob hnav tsis txhawj li lawm lauj ! (Zaj dab neeg nkauj nraug)XIA&XAIS zaj dab neeg no tej zaum nej kuj tau hnov lo lawm thiab tiam si kuv lam muab coj lo sau dua kom tu tsi tau hnov lo kom lawv ho tau twm ua dab neeg cia nawb. Thaum ub muaj ib khub hluas nkauj hluas nraug sib hlub heev li tu hlua nkauj lub npe hu ua xia ho tu hlua nraug hu ua xai. nkawv nyia nyob nyias ib lub zos mus ntawm tu hlua nraug rau tom tu hlua nkauj lub zos kheev mu li ib tav su dua thiaj li yuav mu txog tu hlua nkauj thiab tu hlua nraug nkawv kuj sib tham lo tau ntau xyoo lawm tiam si tu hlua nraug tsi muaj nyiaj tuaj yuav tu hlua nkauj xai thiaj li hai rau xia tia koj nyob kuv mu khwm nyiaj lawm tej zaum kuv yuav mu li 2-3 hli tej kuv mam li los nawb mog koj nyob to ku7v nawb kuv mu lo kuv yuav tuaj yuav koj nawb mog xia ces xai txawm mu khwv nyiaj rau mab suav teb lawm ce xai nyuam qhuav mu tau li 2-3 hnub xwb xiab twb mob ceev2 ce xia tuag lawm ce lawv cao laus txawm muab xia coj lo ua dab ua qhua tau 2-3 hnub ce txog hnub yuav coj xia mu zais ce lawv txawm kwv xia mu ce txawm mu daig ntawm qhov rooj mu tsi tau li ce lawv txawm muab xia coj mu dai rau pem hauv plag mu dawj phob ntsa tso mam li lo kwv dua no ce thaum lawv dawj tau qhov rooj tag ce xia ho nplaum pem hauv plag lawm ce lawv saib ua li ca lo xia tsi kam mu ce lawv thiaj li kav liam xia rau pem hauv plag ce niam txiv kwv tij neej tsa txawm dag xia hai tia kom xia nyob zov tsev e lawv mu ua teb lawm ce lawv cia li sau nra khiav mu tag li lawm tsi muaj leej twg nyob hauv lub zos ntawv li lawm ces tau li 3 lub hli ce xai txawm los tsev ce xai nco xia heev lawm ce hmoob zej zog yeej hai rau xai tia xia twb tuag lawm kom xai tsi txhob mu li hai npaum li ca lo xai yeej tsi ntseeg lawv li ce thaum kawg xai thiaj li mu ce xai txawm noj su tsuag2 e npaj mu kom yuav luag txog tom xia lawv lub zo ce tab tom pib tsau ntuj e thiaj li tsi txaj 2 muaj rau xia no ce xai txawm npaj tsuag2 li hai ntawv tag ce xai txawm mu lawm xai mu2 tsau ntuj zuag mu txog tom xia lawv ntug zos ce xai mu tsghwm plaw na ua li ca neej zegj zog ntsiag to lawm xwb ua li ca tsi muaj ib tug neeg ua sub sab li ce xai txawm xav txawv li cov hmoob tau hai xai ce tsau ntuj kiag lawm ce xa mam li mu tom xia tsev na ha nyuam qhuav mu txog nraum zoov xwb twb tsi tau mu hauv tsev ce xia txawm siv hu ti ab xai kuv me nplooj siab koj twb tuaj lawm lod ua li ca koj yuav mu ntev ua luaj li na kuv to 2 koj tav li no os lod xai a ce xai txawm teb xia hai tia kuv twb tuaj lawm ops lod kuv nco koj heev li os lod ce xia txawm hai tia xai koj lo tsev tso wb mam li tham os nawb ce xai tia ua li ma ce xia txawm cev kiag te tuaj tuav xai sab na ha xia sab te yuav txia ua luaj li ce xai txawm hai raui xia tia ab ua li ca koj sab te yuav txia ua luaj li no na lo xia teb tia ab twb yog kuv nyuam qhuav da dej tag xwb e thiaj li txia xwb os lod los tsev tso wb mam li tham ce xai txawm lo hauv tsev ce xai hai rau xia tias : ab xia a tsau2 ntuj li e kuv xav pom koj lub ntsej muaj hai lus luag ntxhi rau kuv e yog li cia kuv rauv taw rau wb nte kom sov tsev thiab thiaj li pom koj nawb ces xia txawm hai rau xai tia ab kav liam os cia wb nyob maub li no xwb los kuv yeej zoo siab lawm ma lod? ce xai txawm hai tia twb no2 kuv thiab ce cia rauv taws xwb ma lod ce tu hlua nkauj hai tsi yeej xai ces xia thiaj li hai tia yog li rauv los rauv tiam si koj tsi txhob txaj hmuag rau kuv laiv ce xai txawm teb tia ab xia koj thiab kuv wb twb sib hlub tag npaum li no lawm es kuv tsem yuav txaj muag rau koj dab tsi thiab na lod? tham li ntawv tag ce xai txawm mu rauv taws tab tom rauv taw yuav pib ciaj xwb ce xia tib tsuag kua lwj rau lub qhov cub tuag kiag lawm thiab ce xai txawm hai xia tia koj tsi txhob muab dej lo tsuag ma lod ce xai rov qab loo rawv tab tom qhov cub ciaj kiag ua cov nplaim taws tab tom ntsa kiag ce xai txawm ua qhov muag tav toj ntsia xia na ha ntuj aw...qeej nruas tseem dhai pem hauv plag ho niaj nees lo tseem dai pem phab ntsa laub ce xai mam li tig ntsia xia na ha ntuj aw ...tib tug me lwj tsi lwj yoov ya ntaug nqeeg xwb lau ho ob lub me qhov muag ms dai ncuv ntawm ob sab plus ho lub ntsej muag ce plim pliaj ntu rau saum ntuj lawm xwb lau ce xai tshee li ntshee lawm xwb hai lus daig nrhoj daig qhuav lawm xwb lau ce xia txawm hai rau xai tia ab xai a ua li ca zoo li koj ntshee 2 heev li na tsi yog koj ntshai kuv lawm lod ce xai teb tia tsi yog os twb yog tia thaum kuv yuav tuaj saib koj e kuv noj mov tsi haum kuv lub plab es nw mob ib zag ib zag lawm es kuv thiaj li zoo li no xwb os ce xia txawm hai rau xai tia yog tia mob 2 koj plab heev lawm ce cia kuv mam li muab tshuaj rau koj noj nawb ce xai txawm teb xia tia ab kav liam os lod cia kuv mu tawm nrooj tag ce tej zaum zoo lawm os lod ce xai txawm hai xia tia ab xia a zoo li mob 2 kuv plab heev zog qub lawm e koj nyob hauv tsev no kuv mu tawj rooj tso yom ce xia txawm hai tia wb tsi kam os yog koj yuav plob sab ce plob hauv tsev no xwb e kuv mam li kaus pov tseg xwb ce xai txawm hai tia ab xia wb twb sib hlub tag npaum li no e kuv yuav ua li ca plob sab ntawm no rau koj ntsia na kuv txaj2 muag heev li e cia kuv mus tso nraum zoov xwb ce xia txawm hai tia wb tsam ib pliag koj khiav kuv lawm ne ce xai txawm hai tia ab yog tia koj tsi ntseeg kuv lo cia muab koj thiab kuv wb li tw siv los sib txuas e koj tuav tog tw e muab tog nov khi kuv duav tso kuv mam li mu ce xia txawm xav hai tia ab twb muab siv khi nw lawm ce tej zaum nw yuav tsi khiav tau kuv mu lawm ce xia thiaj li hai rau xai tia ua li lo ua kli kiag ce xia tuav tog qab ce txawm cia xai mus plob sab nraum zoov lawm ce xai txawm muab kiag nws lub niaj plaub taub tho qab kiag ce muab pav rau ib tug pas ce nw pheej nrov plauv2 plauv2 ce xai muab kiag txoj siv daw kiag mu khi rau ib lub niag hauv pau ntoo qhuav ce xai ceev cuag li kauv tu hlua lawm lau ce lub niag plaub taub pheej nrov plauv2 no ce xia pheej hai tia ab ua li ca yuav mob koj plab ua luaj li ko na lo xwb ce xai twb mu txog nrab ke lawm lau ce lub niag plaub taub nrov2 dej los tag lawm lau ce xia mam li rub na ha ua li ca e tawv tawv xwb hu lo tsi teb li lawm ce xia mam li mu saib na ha ntuj aw xai twb khiav mu lawm ce xia mam li mu loo rau hauv tsev ce nce hlo nw tu nee dai pem hauv plag ce caum xai laum lau caum2 ce yuav laib xai lau xai txog lub roob ce xia txog lub hav lawm xwb lau ce xai saib zoj ua li ca e yuav dawb paug nram qab tuaj lawm xwb ce xai saib zoj zaum no caum yuav tau xai tiag2 li lawm ce xai txawm muab kiag lub niag ntai coj lo txhuam kiag rau hmoob ib thaj qub teb ce cig lam luag ce xai ho khiav mu lawm thiab lau ce xia tuaj txog ntawv ce xia txawm tuaj zov daim niag teb kub2 tag ce xia mam li caum xai dua lau ce xai khiav 2 mu txog kiag hauv xais lub zo ce ua li ca lo tsi tau li lawm aub tom txog tom ntug zos lawm tiag ce xai cia li khiav loo mu nkag rau ib lub niag nkuaj me es nyob kiag rau hauv plawv lawm lau ce xia tuaj txog ntua ntawm lub niag nkuaj me es ua xai mu nkaum rau hauv lawm ce xia txawm ncav tes mus vos2 yuav tau xai ce xai muab kiag me es lub niag noob qes cev kiag rau xia tib nyem ce me es quaj meg ce xia tso pluav lawm ua ua li ntawv ce yuav kaj ntug laub ce xia yw2 tia wb nyuag neeg no nw niam heev diam os yom cia lwm zau tso kuv mam li muab nw ua ib pluag nyuag zaub kiag seb ce xia yw2 li ntawv mu lawm ce twb kaj kaj ntug heev lawm ce xai mam li tawm hauv lub niag nkuaj me es los ce xai khiav ceev li ceev mu rau hauv tsev lawm ce cov lau mam li nuj xai ce xai mam li hai rau niam thiab txiv hai tias twb yog kuv tsi mloog nej lus e kuv thiaj li zoo no ce lawv thiaj li ua ib thaj neeb kho thiab muab xai daws npe dua tshiab hu ua ceeb ce twb lo nyob tau 3 lub xyoo lawm ce tom lub qub zog ua xia nyob ntawv txawm muaj ib cov txiv cuab thoj siav2 heev li ce txawm muaj ib cov hluas nkauj mu yaum ceeb hai tia kom lawv rov qab de txiv cuab thoj tom lawv lub qub zog lo noj no ce ceeb txawm hai tia wb nej mu nej xwb os kuv tsi kam mu lawm os ce cov niag hlua nkauj ntawv txawm hai tia wb mu ma e peb mam li tsi muab koj nu ua xai lawm ce yeej tsi ua li ca lawm ma ce ceeb txawm hai tia ua li lo ua li kiag tiam si nej tsi yeem muab kuv hu ua xai no li nawb ce lawv tia ua li kiag ce ceeb lawv txawm mu de txiv cuab thoj rau tom qub zog lawm ce thaum lawv mu txog na ha muaj txiv cuab thoj siav ntau2 heev li ce ib tug lo hai tia ceeb koj de lub tov rau kuv ib tug lo tia ceeb kom de lub pev rau kuv no ce txawm muaj ib niag hu yuam kev tia xai koj de lub tov rau kuv no ce xia hnov dheev li ntawv ce xia nyooj laws tawm plaws tuaj ce cov niag hlua nkauj khiav tag lawm lau tshuav xai ib leeg nyob saum ntoo lawm xwb lau ce xia txawm hai rau xai tia seb koj yuav nqi lo los koj yuav kom kuv tuaj saum ko na yog cia kuv tuaj saum ko se koj txhob tu siab laiv ce xai txawm hai tia koj yuav tuaj lo koj tuaj koj xwb kuv li kuv niam thiab kuv txiv yeej yug kuv nyob rau saum no kuv yeej tsi nqi los li yog koj yuav tuaj ce koj tuaj koj xwb ce xia lo ho mu tsi tau rau saum ntoo thiab lau ce nyob ib hnub twb tsau ntuj zuag lawm ce ho muaj ib niag mab dai tuaj noj txiv cuab thoj thiab lau ce xai txawm muab niag mab dai ntawv nte ce xai muab xai cev khaub ncaws kho tsuag2 rau tu mab dai ntawv hnav ce xai cia li muab kiag niag mab ntawv pov los rau xia ce xia txai nkaus lawm ce xia thiaj li muab nwj hnia tawb2 rau hauv tsev lawm ce xai thiaj li nqi loo rau hauv av ce xai thiaj li khiav lo tsev lawm ce xia muab niag mab ntawv tawb mu tawb lo na ha mab tib kaug xia sab plu ce xia chim 2 ce xia cia li tib kaug niag mab ntawv tuag kiag lawm ce xia mam li saib na ha ua li ca tsi yog xai ce xia thiaj li hai tia ab " xoob xeu xoob xeu phuam kug tes taw tes taw tu nyeev ce zaj dab neeg xia thiab xai lo xau li no lawm xwb nawb es muab vaj rau tu me muam ua nw hai tia nw nyiam2 nyeem dab neeg no na tau saib thiab phooj ywg sawv daws tau twm lawm xwb nawb ua tsaug |
nkaujhnubqub wrote:zaj no kuv tsis tau hnov dua li
ua tsaug nawb kuv tus me nus siab zoo...kuv twb nyeem tas lawm os nyeem koj zaj dab neeg nkaujnraug tas lawm thiab zoo siab heev li os.
nkaujhnubqub wrote:lub title sau rau novNRAUG NTSUAG THIAB TSOG
sau rau ntawm no koj daim dabneeg xwb
Home
Page portail