txojkevphoojywg

Qhov tseem ceeb yog txoj kev phooj ywgTxoj kev thaj yeeb yog txhua tus sib hlub thiab sib pab


    Kev sau poem rau public nyeem

    Share

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 2 Apr - 10:31


















    Kuv twb nyob nrog koj ua luag
    Kuv twb ua txhua kom tau cuag
    Kuv twb nyob nrog koj txhua hnub
    Kuv twb cia txhua lo koj qhub
    Kuv thiaj li muab kuv txhua los lus pub
    Muab los cawm koj thiaj li nco ntsoov koj txoj kev hlub
    Me nplooj siab, txoj kev hlub yeej zoo heev
    Kuv thiaj muab koj txhua lo lus teev
    Luab teev zais cia kuv lub nruab siab
    Muab yug kuv ncauj lo thaum tsis kiab
    Koj txhua lo lus muaj nuj nqis
    Kuv thiaj qhia koj paub tias yuav khaw ib txhiab mus ib txhis
    nkaujhnubqub


    Last edited by nkaujhnubqub on Tue 7 May - 4:23; edited 4 times in total

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Sun 7 Apr - 14:32

    Ncaim koj tau ntev tav no
    Ua rau kuv nco nco koj kawg li
    Nco thaum i wb tuaj sau lus paj
    Nyob nrog siab kaj nim tshav ntuj nrig
    Wb sib caum ncig vaj paj zoo nkauj
    Wb mus xauj txhua tas
    Koj nyob li cas lawm xwb ne
    Kuv tsis muaj suab nthe los tau ntev
    nyob zov tsev los ua twj ywm
    Tsis xav mus tshwm qhov twg kiag
    Lub suab npliag thiaj tso tseg




    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Sun 7 Apr - 14:42



    Lub paj dej zoo nkauj tshiab
    Cas kuv nco nco kuv nplooj siab
    Lub paj dej tawg xwj yeem kawg
    Cas kuv nco nco kuv leej nus ncawg

    Nws txhua lo lus yog lus nyiaj
    Kuv nyob nrog nws zoo li kuv tsim txiaj
    Nws lo lus zoo tau ntxim hlub
    Kuv thiaj nco nws tam kuv thooj kub

    Nws ib leeg nyob hauv kuv siab
    Nws yog kuv txoj kev tawg tau paj tshiab
    Nws yog txoj kev tawg paj tau tshiab khiv heev
    Taug nws thiaj li xav seev.







    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Thu 25 Apr - 11:52

    Sijhawm no cia kuv mam hais
    Valentine's twb los yuav txog
    Koj thiaj yog tus uas kuv hlub
    Thaum nruab hnub koj ua kuv luag
    Tsaus ntuj zuag koj puag kuv pw
    Txaj chaw sw los wb tsis txhawj
    Koj yeej txawj los pab kuv tu
    Vaj tse du twb vim muaj koj
    Yog tus coj peb cov niam tub
    Koj yeej hlub peb txhua txhia leej
    Wb lub neej thiaj zoo xws luag
    Txawm muaj pluag wb nyob sib hlub
    Tswj tej tub tej ntxhais lub neej
    Kom peem tsheej ib tug neeg zoo
    Txog caij nyoog lawv thiaj tau noj
    Vim muaj koj kuv thiaj ua tau
    Thiaj peem dhau los txog hnub no
    Kuv tau so vim koj txawj hais
    Valentine cia kuv hlub koj
    Cia kuv coj wb mus ua si
    Wb mus ncig yuav khoom sib pub
    Tus kuv hlub nrog kuv mus mog
    Vim kuv nco xav nyob ze koj
    Thiaj li coj koj nrog kuv mus
    Wb sib pus mus ncig tab laj
    Yuav lub paj cog wb kev hlub
    Li thaum ub uas wb tseem hluas
    Wb sib puag koj hais kuv teb
    Txawm kev deb npaum licas los
    Koj yuav tos kom tau kuv yuav
    Wb thiaj tuav cog kev hlub cia
    Kom tau qhia hnub Valentines
    Wb yuav hais tias, “I Love You.”
    Tus kuv hlub…, kuv nco koj heev
    Thiaj li seev hais qhia koj paub
    Thiaj tau saub qhia rau koj mloog
    Kaj ntug txoog hnov noog kab quaj
    Nco ua luaj tsis xav sib ncaim
    Valentines xav puag koj xwb
    Txawm pam rwb los yeej tsis sov
    Tsis xav vov yog tsis muaj koj
    Xav txav zoj puag koj pw xwb
    Hauv lub hlwb thiab kuv lub plawv
    Tuav koj rawv pw koj ib sab
    Tuav koj npab pw koj xub ntiag
    Mloog plawv dhia seb puas sib xws
    Thov txhob yws vim kuv hlub koj mog.

    Lubpaj_Rose





    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Thu 2 May - 8:25

    paj huam collection

    pajhuam hlub yus tustxiv.

    kuv me kojtxiv tus neeg kuv nco
    sim neej no koj yog tus kuv hlub
    ua lub hnub ci rau kuv tus kheej
    lub neej tsheej yog koj ua txiv
    los pib chiv lub neej hauv paus
    hlub tej laus tus hlob tus yau
    kev nkauj nraug koj yeej tsis ua
    koj hlub txhua kwv tij neej tsa
    hlub ti txha tabcuab tabyig
    kuv ib nrig koj tsis ntaus tsis cem
    koj tsis lem peb cov niam tub
    peb lub hnub yog koj ua txiv
    nyiaj txiag siv koj yog tus khwv
    koj tsis txwv tus hlob tus yau
    peb plab tsau koj ibleeg khwv
    tes tawm hlwv los koj yeej ua
    koj txiv nquag kuv yuav hlub koj
    ua koj noj kom txog hnub kawg
    kev sib ncawg thiab kev sib hlub
    koj khwv pub rau kuv noj kuv hnav
    kuv tus tav tsuas yog koj ib leeg
    kev ua plees kuv yeej tsis ua
    cia koj puag thiaj li tsim nyog
    hlub koj mog kuv me koj txiv
    yuav tsis siv lub siab lim hiam
    kuv ua niam qhia koj dawb paug
    kev nkauj nraug kuv qhia ncaj ncees
    tsis ua plees kom koj tu siab
    lus tseem ntsiab qhia koj li no mog me koj txiv....
    Neegthoobtsib




    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Thu 2 May - 8:27

    paj huam collection
    Zaj no muab sau pub koj
    Vim koj yoj koj li tes
    Kuv thiaj nres nrog koj tham
    Kuv yeej kam sau lus dhos
    Sau lus mos thiab lus muag
    Sau pub cuag kom koj tau nyeem
    Tsuav koj yeem taug kev tuaj
    Mam li luaj txoj kev hlub
    Qhia los pub rau koj paub
    Kuv kev saub mas yog paj lug
    Yuav pib ntug nqis rau plawv
    Mam li sawv mus tim nqhuab
    Tsis muaj kuab los txhob xav ntau
    Kuv li hlau tsis tshua ntse heev
    Kuv lus ceev tsis muaj txwm
    Txhob muab xwm rau kuv ev
    Kuv lub tsev yeej tos txais
    Nrog nej hais txhua lo lus
    Muaj tus mus ,tus tawm lawm
    Me nkauj ntxawm lam saub seev
    Yog tau teev tsis xwm yeem
    Los yeej meem sau tuaj qhia
    Yuav khaw cia ua kev sib kawm
    Yuav tsis tsawm leej twg hlo
    Yuav tsis tso nej tej lus qhia nawb

    Kuv pib tshawb ntawm nov tuaj
    Kev hlub ruaj yeej tsis xaiv
    Yeej tsis caiv yog hlub tiag
    Ua ntxuj ntxiag nyob sib qhub
    Yog ntuj pub thiaj sib ntsib
    Kev hlub pib yog muaj wb
    Qab ntuj khwb tsuas muaj koj
    Kev hlub loj los tau ntev
    Koom ib tsev nyob ib cuab
    Kuv thiaj npuab koj txog txij no
    Koj puas nco tau koj cov lus
    Tias yuav hlub mus kom kawg keeb
    Koj cim xeeb puas nco zoo cia
    Koom ib txoj sia koj nyob twg
    Wb puag pwg nyob ntawv no ne
    Wb koom ua ke nyob nto npe
    Koj thiaj pe kuv txiv kuv niam
    Tias koj nyiam thiaj li yuav
    Yuav tsis rhuav wb kev txij nkawm
    Vim hmoov sawm wb thiaj tau ua ke
    Koj lub npe kuv thiaj tau coj
    Kuv hlub koj ib txhiab ib txhis
    Tsis txhob lis lwm yam kev ntseeg
    Ua tib neeg yuav tau xav thiab
    Yus nplooj siab muab dua rhe
    Puas tau ne me leej hlub
    Tej me tub thiab me ntxhais
    Tsis zoo cais lawv lawm tiag
    Rov los npliag tsib txhob ntxub
    Nyob li qub Thiaj tsim nyog
    Thiaj yuav yog kev hlub zoo
    Wb kev nroo txog kev ntseeg
    Ua tib neeg ces sib hwm xwb
    Thiaj tsis mob hlwb mas mog
    Txawm tsis yog ib txoj kev cai
    Los txhob hai kev ntseeg los
    Ua kev mob es mam xyaum sib pab
    Koj txhais npab kuv thiaj tau zov
    Kuv lub cev tau puag koj sov
    Txhob muab cov kab lis kev cai
    Coj los dai wb nplooj siab os mog

    Kuv tsis yog hais neb sib cais
    Qhov kuv hais yog kom neb sib hlub
    Kev cai qub kev cai tshiab
    Los twb zoo siab ib yam nawb
    Ntuj yeej txhawb neb ob leeg
    Txawm yuav ntseeg yam twg los tau
    Ntuj yeej sau tias sawv daws
    Nyob sib xyaws yuav tsum sib hlub
    Txhob sib ntxub thiaj yog kev hlub nawb
    Kuv thov txhawb kom neb siab kaj
    Nws zoo tshaj kev sib nrug
    Tsis muaj tug tsis muaj hlub
    Nyob ntuj dub tsaus ntuj nti
    Lub hnub ci tsis txog yus
    Txhob ncaim mus yuav zoo dua
    Tseem hlub tshua yus lub plawv
    Txawm ntseeg txawv los nyob sib koom
    Txhob sib loom txoj kev hlub tiag nawb mog



    ntxawmhmongza




    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Thu 2 May - 8:42

    Pajhuam hmoob





    kev hlub tsis yooj yim
    Ntshe twb vim neb lo lus pub
    Muab hais qhub zoo li dag
    hlub tsis tag thiaj hloov siab
    yam tus ntxhiab tso yaj mus
    siab tsis tus mob ua luaj
    ua koj quaj nws siab tsis kam
    tsis xav plam los hlub tsis tau
    txhob siab yau zam txim pub
    Nws yeej hlub tsis xav tso
    vim kev nco twb loj hlob
    Neb twb nyob txhua xyoo ntev
    Koj tsis ev nws ua koj lub kawm
    Ntshe nws thiaj tawm tsis nrog koj
    Los uv siab loj yog ntawv txog
    Koj lub zog hlub nws ib leeg
    Kuv xav ntseeg tias neb yeej sib tau
    Txhob siab yau yog koj hlub
    Nws txawm ntxub los tsis ntiab
    Nws nplooj siab twb tso tsis taus koj
    Nws, ntshe soj koj qab nraim li
    Tsuas tsis ntxhi kom koj hnov
    Ntshe nws zov sim koj siab xwb
    Txhob puas hlwb yog koj yeej hlub
    Kav tsij qhub yog nws tseem txais
    Kav tsij hais lo lus muag nthav
    Qhia koj siab dav rau nws pom
    Txhob xav lom koj nplooj siab
    Lub tshuaj iab tsis txhob noj
    Thiab hais rau koj txhob xav tuag
    Yus tsuas muaj ib vuag ib txoj sia
    Kuv tsuas qhia li rau koj
    Ua siab loj thiaj tau ntuj ntoo
    Maj mam nroo rub siab xwb tiag
    Nws xub ntiag yuav yog koj kav
    Ua zoo xav yog nws yog koj tus
    Neb yeej mus tau ib txoj kev hlub
    Nws tias ntxub los koj qhub li qhub
    Muaj ib hnub nws yuav tig rov los
    Yog koj tos nws ib leeg tiag
    Kuv tsuas npliag kom koj kaj siab
    Kuv lus tsis muaj ntsiab los txhob xav li cas mog
    .


    Last edited by nkaujhnubqub on Thu 2 May - 9:24; edited 1 time in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Thu 2 May - 9:17



    Ntuj thaum ub muaj koj nrog kuv
    sijhawm luv thaum wb ob leeg
    yeej tsis nkees tsis hnov tshaib li
    tham luag ntxhi wb tuav tes rawv
    hauv lub plawv xav ntsoov kev hlub
    tsis siab dub ob leeg sib pab
    sib tuav npab taug kev yuj yees
    yeej tsis nkees txhua hnub txhua hmo
    txoj kev nco kev hlub kev tshua
    wb muaj txhua tsis nco leej twg
    tej phoojywg pom wb zoo tshaj
    lub ntuj kaj nyob nrog wb nraim
    tsis xav ncaim nyob ua ke rawv
    thaum pw sawv tsis hnov plab tshaib
    kuv me naib koj puas tseem nco
    txog tej no li kuv nco koj
    mov tsis noj vim nco koj dhau
    thiaj tuaj taug wb tej hneev taw
    ncig tej chaw seb puas hnov ntxhiab
    hnub tuaj ziab yeej tsis hnov kub
    tus kuv hlub kuv nco koj heev
    thiaj tuaj seev nyob ntawm no tos
    thov rov los wb mam pib dua
    kuv mam ua tus koj hlub xwb
    kom koj wb nyob mus ib txhis
    koom ib yig mus tag tiam no mog.

    Nco koj os, me hlub, I love you
    LubPaj_Rose



    Last edited by nkaujhnubqub on Tue 7 May - 3:59; edited 1 time in total



    ♥Hlub♥♥koj♥
    hlub koj tsis muaj lwm tus

    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Mon 6 May - 2:29

    paj huam collection
    Kuv me phooj ywg tus siab zoo
    Cas yuav nroo tus siab ua luaj
    Tsis txhob quaj txhob poob rau kev tu siab
    Nyob kiab kiab nws thiaj nyob zoo
    Nws muaj hmoo thiaj tau ua luag zog
    Nws rov los txog tau them nuj nqis
    Tsuas yog lis cov me ntaub ntawv
    Los nws neej sawv thiab neej muaj
    Tuav siab ruaj ma kuv me phooj ywg e
    Nws lub tse twb muaj tus tuav
    Nws tus yuav twb hlub nws heev
    Ua cas seev tu siab tu saus
    Twb nyob laus txog tav li no
    Tsis txhob kho kho nws me plawv
    Muaj nyiaj ntawv thiaj tau them nqi
    Kav tsij luag ntxhi nawb mog
    Xav los txog tsis khwv los tsis tau noj
    Muaj tus loj luag kuj pab
    Ces cev npab nrog luag khwv
    Thiaj li chwv lub neej kaj siab
    Thaum muaj txiab mus nyob hoo maum
    Thiaj tau caum puav them rau lawv
    Kuj daws rawv nws kev nyuaj siab lawm os mog
    Tsis txhob ntog tsis txhob poob
    Me phooj ywg hmoob Tus txawj xav
    Ua tib zoo kav nws lub neej
    Thiaj yuav tsheej mus ciaj meej
    Thiaj li yeej txoj kev nyuaj
    Tsis txhob quaj so kua muag kiag
    Rub siab tiag koj siab thiaj uv taus nawb










    Nkaujhnub yuav ci thoob lub ntiaj teb, Koj txawm nyob deb los Nkaujhnub yuab ci, Sov rau koj kom koj nyob luag ntxhi

    Tsis ncav ces tsis cuag, tsis thov ces tsis tau, tsis nrhiab nrog lub siab, ces yuav tsis pom yam tshiab, yog li los peb kawm kom peb txawj, los peb ua zoo dawj, yam zoo thiab tawm los rau peb yooj yim dua


    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 7 May - 1:52


    Me phooj ywg tus nyob deb
    Koj thaj teb kuv twb tuaj pab
    Tuaj lauj npab nrog koj ncaws
    Kuv tuaj raws koj lawm tiag
    Ncauj lus nkaig tsim nuj kawg
    Tus kuv ncawg ces yog koj nawb
    Kuv tuaj tawb koj lawm ne
    Tuaj taug ke nrog koj thiab
    Hnub no kiab tshav ntuj heev
    Kuv siab xeev los pom paj
    Zoo nkauj tshaj thiab nroj ntsuab
    Muaj nplooj tuab hlav zom zaws
    Tej ntsis caws ntshuav duj das
    Saib ntuj mas huv ntshiab si
    Pom hnub ci tuaj ziab peb
    Saum ntoo seb hnub ci ntsa
    Sab hnub kaj liab pluj ploog
    Yuav rov yoog nws mus dua ib hnub thiab lauj.
    .


    Last edited by nkaujhnubqub on Tue 7 May - 4:35; edited 2 times in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 7 May - 2:48


    Ua tib neeg nyuaj lub siab
    Ces muaj txiab thiaj laus zus
    Yam nkaus yus tsis muaj hmoo
    Thiaj tsuas nroo txoj kev tu
    Kev tsis du rau yus taug
    Zaum puav qaug maj mam rov sawv
    Kawg li ntawv lawm xwb tiag
    Xav yuj ntxiag mus qab roob
    Pom txhua hmoob yuj qas lis
    Yog muaj tis mus kom deb
    Es yuav feb ua loj leeb
    Mus nug tseeb rau yawm saub
    Kom nws qhia paub tiam yog tim li cas
    Yug tiam no mas yuav tu siab ua luaj
    Thiaj tau quaj txhua zaus
    Nyob nyob laus txog tav no
    Los tseem xav nco tus tiam dhau
    Los twb tsis tau los ua ib yig
    Lub txiaj ntsig ntawm yus tus yuav
    Yeej tsis rhuav vim nuj nqis muaj
    Mam tuav ruaj kom dhau tiam no




    Last edited by nkaujhnubqub on Tue 7 May - 3:54; edited 1 time in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 7 May - 2:52


    Kuv lub siab yuav tsis tso
    Yuav nrog hlo koj lub plawv
    Yua nyob sawv koj ib sab
    Koj txhais npab yeej yuav tuav
    Txog thaum yuav ua koj li
    ntuj tsaus nti los tsis ntshai
    Yuav rau hai lo av tas
    Yuav tsis ras lo lus phem
    Txawm luag nyem kuv siab mob
    Los mam txob rau koj hnov
    Vim koj zov kuv lawm tiag
    Kuv tig ntiag los rau koj
    Thov koj coj kom muaj tseeb
    Wb thiaj xeeb tau lwm tiam
    Kuv yeej nyiam koj ib leeg
    Kuv yeej ntseeg li koj hais
    Kuv tsis cais yog koj pab
    Kev kaj ntsab rau kuv tsev
    Ua koj sev yeej ncaj ncees
    Yeej kam lees yog koj hais tiag
    Kuv xub ntiag yeej pub koj pw
    Koj tus lw kuv yeej yuav taug mog



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 7 May - 3:52













    Me noog nquab dawb koj puas tseem ya,
    Nrog huab nrog cua sib nqa.
    Me noog tis dawb tis txawj ntxuaj,
    Ua cas nkauj qaum ntuj hnov koj quaj quaj
    Nws mus ya thoob lub me ntuj ntshiab
    Ua li yeej tsis pom nws me nplooj siab
    Nws lub cev lam nyob lam ua ntsej muag luag
    Es nws tus tav nws txawm yuav cev tes muab tsis cuag
    Ua li nws nplooj siab thiaj poob rau ntuj twg
    Lawm ne kuv me nquab dawb nquab rwg
    Nws seev tau kho siab zim li
    Nkauj qaum ntuj thiaj hnov nws lub me siab cas nyob tsau nti
    Nws tsis txhob quaj es lam muab lub chaw pw dua
    Cia tag kis kaj ntug nws mam mus nrhiav dua nws tus hlub tshua



    Last edited by nkaujhnubqub on Sat 18 May - 7:25; edited 2 times in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 7 May - 5:06









    Los pw nthi hauv kuv xub ntiag
    Los puag kuv ib pliag
    Los nqa koj lub siab tuaj
    Los hais qhia tias hlub kuv yeej muaj

    Yog hlub ces yuav tau qhia
    Txhob tos kom kuv tu txoj sia
    Yog hlub tsis dag li
    Ces los nyob nrog kuv mus li









    Last edited by nkaujhnubqub on Mon 20 May - 6:53; edited 1 time in total

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 7 May - 5:16








    Kuv lub siab yuav tsis tso
    Yuav nrog hlo koj lub plawv
    Yua nyob sawv koj ib sab
    Koj txhais npab yeej yuav tuav
    Txog thaum yuav ua koj li
    ntuj tsaus nti los tsis ntshai
    Yuav rau hai lo av tas
    Yuav tsis ras lo lus phem
    Txawm luag nyem kuv siab mob
    Los mam txob rau koj hnov
    Vim koj zov kuv lawm tiag
    Kuv tig ntiag los rau koj
    Thov koj coj kom muaj tseeb
    Wb thiaj xeeb tau lwm tiam
    Kuv yeej nyiam koj ib leeg
    Kuv yeej ntseeg li koj hais
    Kuv tsis cais yog koj pab
    Kev kaj ntsab rau kuv tsev
    Ua koj sev yeej ncaj ncees
    Yeej kam lees yog koj hais tiag
    Kuv xub ntiag yeej pub koj pw
    Koj tus lw kuv yeej yuav taug mog















    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Mon 20 May - 10:30




    Cas koj tsis hlub

    Me phooj ywg, cas koj tsis hlub
    koj thiaj tsub ua cua daj cua dub
    Kom los txhub kuv txoj kev taug
    Ua kuv raug nag ntub npliag nplaws
    Tu siab tshaj plaws kua muag ntws
    Vim raug koj yws kuv tas li
    Tsis tau nti tsis tau ntxeev cev
    Yam tus dev tsis muaj tsim
    Kuv tsis phim koj tus hmuv hlau
    Chob taub hau mob ua luaj
    Kuv thiaj quaj los koj tsis rho
    Thov koj tso kuv thiab mog
    Ntshav twb nrog puv ntiaj teb
    Thov txhob feb rov los tshem
    Kuv tsis lem tsis nthuav koj
    Kuv tsis soj thiab tsis thuam
    Kuv thov tshuam koj ntxiv dua
    Thov koj hlub tshua txog neeg ruam
    Me leej nuam tsis paub qab hau
    Thiaj li tau los yuam kev
    Rau koj tsev los thov tso
    Tsis txhob hno kuv lub plawv
    Thov cia kuv sawv mus lawm nraum zoov thiab...
    Kev mob siab vim tsis tau txhaum
    Raug fais fab laum mas ib ce tuag
    Txhua yam tsuag noj tsis hnov qab
    Thiaj thov pab thov cawm xwb
    Yuav tsis dwb ua siab ncaj
    Tag kis ntuj kaj thov koj daws
    Thiab koj yaws koj rooj ntxiab
    Kuv nplooj siab thiaj tsis lwj
    Tsis ua rwj ua kab mob
    Nyob to tob rau kuv lub cev
    Tsis xav ev lub nra nyhav lawm os


    Last edited by nkaujhnubqub on Thu 4 Jul - 5:23; edited 2 times in total

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Fri 7 Jun - 9:26




    kuv xav tias cia ua ib siab hlub koj
    thiaj xyaw tau npoj nyob nrog sawv daws
    Los koj ncaws thiab ntxub kuv no
    Kuv hlub tsis tso los vim koj yog kuv li
    Hais lus luag ntxhi nyob koj ib sab
    Koj txhais npab kuv thiaj kam pw
    Koj tus lw uv thiaj xav taug
    Ntshe yog qaug rau tus neeg
    Thiab tau ntseeg koj lub siab txias
    Thiaj tau ntxias tus neeg siab me
    Ua kuv raug de los tsis hnov mob
    Me pos chob los kuv tiv kawg
    Vim kuv ncawg tau tus siab luv
    Thiaj tsis uv pab kuv lub neej
    Tsuas pom xyeej pluas mov qab
    Tsis kaj ntsab los yog koj nrhiav
    Tsoo wb siav kom nyob tsis tus
    Los kuv tsis mus vim kuv hlub tiag
    Cia mam npliag kom koj kaj siab
    Lub tshuaj iab thiaj tsis noj
    Vim xav coj kom neej ntseg
    Thiaj tsis veg tsis tso koj rau luag
    Lub kua muag kuv mam so kuv
    Yog koj thuv rov puag kuv dua
    Tus hlub tshua nws yog koj nkaus
    Ua neej laus kom plaub hau dawb
    Los kuv tawb es kaj siab mog
    Kuv lub zog mam mua rau koj
    Mam ua koj noj kom koj nyob zoo
    Kuv lub moo ua tau phem
    Mam muab kem kom tau qhov ncaj
    Siab thiaj kaj li luag tej os
    Ces yus rov los qhuab qhia yus tus kheej
    Tim ntshaw neej ces rub siab ntev
    Vim ua niam tsev ces muaj hnub phem
    Raug mag cem los twb nyob muaj hnub zoo
    Maj mam nroo thiab lam tsoo kom txog kev kajnrig


    Last edited by nkaujhnubqub on Fri 7 Jun - 9:55; edited 2 times in total

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Fri 7 Jun - 9:41




    Kuv lam txawj ya nrog huab nyob
    Nplooj siab yuav tsis mob
    Kuv lam txawj ya nro cua nti
    Kuv nplooj siab yuav kaj tas li

    Pom nplooj ntoo nrov li xiab
    Xws li lawv hu nkauj tau kho siab
    Me kab me noog ya ua npoj nthwv
    Lub me hnub yus pom zoo li qi los cev tes tsis chwv

    Me huab ya ntsuam ntuj ntuab
    Txoj kev hlub yuav yog muaj zoo duab
    Ya loj li mus rau ntuj kawg
    Sib hlub ces ntshaw muaj tus ncawg


    Last edited by nkaujhnubqub on Thu 4 Jul - 5:21; edited 1 time in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Fri 7 Jun - 9:41



    Kuv tsis muaj txoj hmoo
    Kuv ua zoo los tau phem
    Kuv ces lem tas mus li
    Thiaj tau ntxhi tsis xws koj siab
    Kuv yog liab txais ntoo qhuav
    Thiaj ua rhuav koj nplooj siab hlub
    Yav thaum ub thov tso tseg
    Thov muab veg yog kuv ua txhaum
    Tsis txhob nkaum khiav kuv mog
    Xav los txog twb tsis phem heev
    Twb tau seev yam tsis nco ras
    Hnub hli tas twb ploj saib diam
    Koj tsis nyiam kuv los tso cia
    Tov teb qhia tias kuv zam txim
    Thov txhob chim txhob ntxub
    Tsis txhob txhub wb kev phooj ywg mog



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Thu 4 Jul - 5:14

    http://hmongheaven.freeforumlife.com/f11-poem-paj-huam mus nyeem paj huam hauv hmongheaven


    Xav muaj koj nyob ze
    Xav pom koj lub npe
    Xav  hnov koj lub suab
    Los tsuas pom koj li tauv huab
    Xav txog koj ib leeg
    Txoj kev hlub kuv ntseeg
    Thiaj ua lub siab tus
    Xav tuav koj tes mus
    Xav nrog koj ncig
    Xav ntsib koj tus ntsuj plig
    Kuv siab thiaj li kaj
    Koj yog kuv lub hnub kaj
    Li ntawv xwb tiag
    Leej nus siab zoo tus kuv xav npliag





    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Mon 25 Aug - 16:38








    Ntiaj teb twb mus lawm zuj zus
    tsis xav txog tus neeg kuv hlub
    tus thaum ub yog kuv lub teeb thawj
    tus neeg txawj hlub thiab txawj qhia
    Yug kuv txoj sia nres kuv lub suab quaj

    Tus neeg muaj txoj kev hlub tseeb
    Yog lub teeb ua rau kuv pom kev
    Leej txiv tsev tus zoo rau kuv tshaj
    Lub ntuj kaj kuv muaj koj tas li
    Luag ntxhwb ntxhi nrog koj nyob

    Tus kuv txob tas txhua sij hawm
    Koj mus lawm tau ntev loo tiag
    Koj suab npliag tsis hnov lawm zus
    Tsis paub mus nrhiav koj qhov twg
    Tam lub lwg poob rau hauv av

    Cug tes ncav kov tsis tau cuag
    Ua kua muag poob txeej los si
    Tam dej ci ntws mus lawm deb
    Nco thaum peb tseem sib hlub heev
    kuv thiaj seev txog koj lub npe

    Thaum  ua ke tsis sib nrug kiag
    Kuv nco tiag tsis paub hais qhia
    Kuv txoj sia yuav tu tiag tiag
    Kuv sawv liag thiab zaum ntua
    Cas yuav tshua thiab nco koj ua luaj

    Kua muag tawm tuaj mob siab ntsws
    Txoj kev tws siab nrhiav koj nraim
    Kuv yeej maim tsis nrhau qhov nco
    Mus txhua hmo nyob txhua hnub
    Koj suab qhub kuv nco tsis ploj

    Xav hu koj tuav koj lub npe rawv
    Hnov kuv plawv mob ntoj nqig ntoj nqig
    Tig ib ncig los tsis txawj zoo li
    Ntuj tsaus nti teb tsaus ntais
    Xav tau txais koj lub suab npliag

    Nco koj tiag yuav tuag li os
    Cas siab yuav nco koj tag npaum li
    Tsis hnov koj ntxhi thiab koj lo lus
    Siab tsi tus yuav ua cas os tus kuv nco aw.....!












    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Mon 25 Aug - 16:51








    ua lub neej no yog kuv tsis muaj koj
    tsis xav noj tsis xav khwv li
    koj ua dab tsi cas ploj qab ntais
    koj lus hais puas hlub tiag

    cas lam nyiag lub siab tsis khaws
    kuv xav raws koj mus tiam tshiab
    kuv thov thiab koj yuav cia
    koj yuav qhia kuv rau tiam twg

    tias koj xwb pwg cia kuv pw
    koj ntxiab tsw kuv mam caum cuag
    kuv li kua muag poob rau wb txojkevhlub
    tias thaum ub koj kuv tau sib hlub


    koj thiaj pub tag koj lub siab rau kuv
    yog koj thuv ib hnub thov nco txog kuv thiab
    kuv nplooj siab tseem yog koj tus mog
    tiam no yuav nrog lub kua muag tsis tu
    nco koj lub plhu thiab lub xub ntiag sov


















    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 877
    Join date : 2011-01-25

    Re: Kev sau poem rau public nyeem

    Post by nkaujhnubqub on Sat 12 Mar - 5:04













    tus twg los yog luag tug
    kuv tus puas tau yug
    tus tseeb ho yog tus twg
    nws puas yog kuv tus phooj ywg
    tus tiag nws puas nrhiav kuv
    tus tiag puas thuv los qhia qhov tseeb
    kuv lub teeb nws ploj dua twg lawm
    kuv txij nkawm cas koj tdis los npliag
    Hlub puas tiag tag kis puas muaj
    Cia kuv quaj pos muag ntuj nti
    kua muag si nrhiav koj yuam kev rhuav
    koj mus yuav tus tshiab lawm lov
    nws puas sov koj nplooj siab tas
    ntawm kuv mas yeej nyob txias to
    nws mob nco txhua lub caij nyoog
    txoj kev yoog luag tsis yooj yim
    yuav muab thim los tsis zoo
    ntshe txoj hmoo los them nqi
    nws tjiaj li los tos tsis cuag
    mob yuav tuag tim wb kev hlub
    nco thaum ub yav dhau los xwb
    kuv tej hlwb thiaj puas li no
    nws puas nco kuv puas hnov mob
    puas hnov chob nws lub plawv
    nws tsab ntawv hlub nyob twg tiag
    lub suab npliag lo lus muaj tseeb
    cas tsis feeb qhia rau kuv paub
    cia kuv maub rau txhua txoj kab
    mob kuv plab thiab dias kuv hau
    thiaj xav ntau ntau ua luaj li
    nruab hnub hli txhua lub sij hawm
    Thov los cawm thaum muaj sia mog
    ib hnub txog ces yuav xav lig
    muam nkauj lig yuav ploj qab mus
    ua ntu zus mus ua dej hiav txwv
    koj yuav tsis chwv nws ntxiv lawm
    koj quaj tsawm los ntuj muab faib
    rov tsis laib li ntuj qub qab
    nrhiav koj npab thiab tos tas li
    thov hlub ntxhi thiab luag li nyav
    rov los kav koj niam kab yeeb
    vim ntuj feeb los yog koj li
    yog koj qi muag txiav hlo lub siab
    ntshe ntuj tshiab yuav tsis muaj tawm
    me nkauj ntxawm twb mus ploj ntais
    vim koj cai neb kev hlub hauv siab lawm tiag os hmoob aw




    ♥Hlub♥♥koj♥
    hlub koj tsis muaj lwm tus

    Sponsored content

    Re: Kev sau poem rau public nyeem

    Post by Sponsored content Today at 14:13


      Current date/time is Wed 7 Dec - 14:13