txojkevphoojywg

Would you like to react to this message? Create an account in a few clicks or log in to continue.
txojkevphoojywg

Qhov tseem ceeb yog txoj kev phooj ywgTxoj kev thaj yeeb yog txhua tus sib hlub thiab sib pab


5 posters

    Kev sau poem rau public nyeem


    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Mon 28 Jan - 16:56




    Wb ua lub neej koom ib txoj sia
    Kuv muab rau koj khaw cia
    Wb ua lub neej koom ib lub plawv
    Yog koj lub nres ces kuv lub pawv

    Wb yuav nyob koom ib tus duab
    Wb txoj kev hlub yeej sib npuab
    Kuv kuv nrog koj koom ib lub siab
    Kuv thiaj tau hnia koj tus ntxhiab

    Muab wb ob txoj kev xav
    Kuv li rau koj es koj li rau kuv kav
    Muab kuv lub siab rau koj puag
    Muab koj lo lus qab zib xa tuaj rau kuv kom cuag

    Thaum kuv pw tsaus ntuj
    Kuv lub cev pw tus sawv yog kuv tus ntsuj
    Yog tus mus nrhiav koj rau qhov txhia chaw
    Vim koj xwb yog tus kuv ntshaw

    Pw txhua hmo ua npau suav toog
    Yog ua tau, kuv twb xav txia ua dab poj ntxoog
    Los nrhiav thiab yaj ua huab ua cua
    Nug txhua tus seb puas pom koj tus kuv hlub tshua

    Lub caij thaum pw tsaus ntuj nti
    Kuv xav hnov koj lo lus ntxhi
    Kuv ua qhov muag qaib xam pom koj
    Xav tias ua yog toog tab sis ho tsis ploj

    Qhov pom ntawv yuj nyob ntawm kuv hauv pliaj yim pliag
    Tsis dag li kuv yeej pom tiag tiag
    Zoo li kuv lub siab lam xav lam pom xwb
    Tiam sis ho muaj tiag tiag vim kuv tsis tau puas hlwb

    Ntshe yog nco koj heev
    Lub siab thiaj xav teev
    koj cov lus zoo cia
    nrog kuv lub neej nyob nrog kuv txoj sia







    Last edited by nkaujhnubqub on Fri 15 Mar - 9:36; edited 1 time in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Tue 12 Feb - 11:13

    Puas muaj tseeb li koj hais qhia
    Kuv nplooj siab nws nyob twg tiag
    Thov pab qhia kom kuv tau ntsib nws
    Kuv yuav nws los ua kuv txij nkawm
    Kom neej sawv tsheej cuab ntseg yim
    Kom nyob phim nrog rau lub ntiaj teb
    Qhia los seb kuv yuav ua li cas tiag
    Kuv lub siab xav tau nws los hlub
    Thov qhia pub kom kuv tau nws yuav
    Lub kua muag thiaj li tsis los los
    Niaj hnub tos seb yog leej twg
    Pab los plhw thiab hlub kuv tau hau
    Kom kuv tau lub neej nrog luag muaj
    Txoj kev quaj thiaj tsis muaj ntxiv lawm
    Kev txij nkawm thiaj tsis nrog luag ntshaw
    Kom neej sawv nrog luag tsheej neeg
    Kev ua neej kom nrog luag muaj tug hlub os


    Tus sau yog Xy.Y
    kuv nqa koj zaj paj huam tso rau nov lawm nawb tus nus yog koj tsis kam no qhia kuv mam li tshe os

    [center]


    Last edited by nkaujhnubqub on Fri 15 Mar - 9:06; edited 2 times in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Sat 16 Feb - 5:07

    koj yog tus phooj ywg muaj lub siab zoo
    yog tus kuv xav nrog nroo
    yog tus kuv tos los ntev lawm
    hnub no koj mam li tawm
    txawm kuv muaj cuab muaj yim tag
    kuv txoj kev hlub li phooj ywg yeej tsis dag
    yog koj tsis xaiv phooj ywg lub ntsej muag
    ntawm kuv txoj kev hlub thov koj txhob luag
    ntawm koj kuv thov ua ib tus phooj ywg yuav tsis thuam
    yuav ua zoo kom yog koj ib leej muam
    Kuv txawm tsis txawj tsis ntse
    los kuv yeej hwm koj koom tau ib tse
    kuv txawm tsis yog ib tus hluas nkauj zoo soj
    Los kuv yeej muaj lub siab zoo hlub tau koj
    vim txoj kev hlub tsis yog yuav ua nkauj nraug
    yuav sib tham kom ib tus qaug
    txoj kev hlub yog kev sib txhawb siab
    kuv thiaj hais rau koj tias kuv yeej hlub koj thiab
    koj tsis txhob to taub yuam kev rau txoj kev hlub tiag
    nws yog kev sib pab sib txhawm sib npliag
    nws tsis yog kev qia los kev ua plees
    tus neeg siab zoo yeej hais lo lus tus yees
    Tus uas nws saib txoj kev hlub muaj nuj nqis
    Nws yeej hwm raws li kuv hwm thiab mus ib txhis
    Txawm wb tsis sib yuav
    Los kev hlub yeej tsis rhuav
    Tsis yog yuav ua niam txiv thiaj li yog sib hlub
    Piv rau tus me nyuam nrog tus laus twb txawj sib pub
    Lawv txoj kev no thiaj yog kev sib hlub
    Vim txawj sib puag mus rau qhov zoo thiaj txawj sib qhub
    Yog tus tsis tau taub thiaj tias kuv nrog lawv tham
    luag khib ces luag thiaj tshum rhuav kom plam
    kuv li kuv tsis hais li ntawv laiv
    kuv tsis tsuas txhawb xwb kuv tsis caiv
    Tsuas caiv lub cev tsis tsim neej nrog tus yus yuav
    Kuv yeej qhia kom meej yus lub neej yeej tsis kam rhuav



    Last edited by nkaujhnubqub on Fri 15 Mar - 9:41; edited 8 times in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Sat 16 Feb - 6:10










    txoj kev hlub cia kuv muab sau txhawb
    mam sau pub dawb muab rau koj kiag
    txoj kev hlub tiag yog kev sib txhawbsiab
    kom koj nyob kiab kuv ho nyob tus
    kuv me leej nus tus siab zoo tshaj plaws
    tos koj, kuv raws, vim koj siab zoo
    xav tias muaj hmoo kuv thiaj ntsib koj
    thaum dej muaj dej loj xav tias koj yuav pab
    thiaj lawv koj qab ncuj ncia li no
    thov koj txhob tso koj me nkauj muam tes mog
    ntshe kuv lub kuamuag yuav nrog yog koj khiav lawm
    me muam nkauj ntxawm ces ntshe yuav tu siab heev
    lo lus sau teev cia rau ntawm no tseg
    tias koj txhob veg txawm tsis hlub los
    lam tuaj tos nrog kuv sau lus npliag siab
    ua kuv lub hnub tshiab mas me nraug nus siab dawb



    Last edited by nkaujhnubqub on Fri 15 Mar - 9:24; edited 7 times in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Sat 16 Feb - 6:16

    tus neeg siab dawb, muab koj lub plawv rau kuv puag
    Cia kuv mam ua koj luag raws koj qab ncuj ncia
    Tsis txhob cia koj nplooj siab mob nrog koj lub plawv
    cia kuv tuav rawv koj lub nqaws tsho
    kuv yuav tsis tso koj mus taug kev ib leeg
    kuv yeej ntseeg tias kev hlub muaj nuj nqis
    kuv thiaj ntshaw ib txhis tsis muab tso tseg
    kuv tsis vag vim koj muaj kev hlub dawb huv
    cia kuv thuv los pab txhawb koj lub zog
    thov kom koj ua lub siab loj thiab mog me leej nus hmoob
    kuv tsis ua kom poob thiab koj qaug li
    kuv tos luag ntxhi saib koj tuaj deb deb xwb
    yog kuv tau dwb los yog kuv nraim kuv lub siab
    kom nyob kiab tsis txhob quaj rau koj pom xwb tiag




    Last edited by nkaujhnubqub on Tue 7 May - 4:15; edited 4 times in total
    nkaujhnub
    nkaujhnub
    Member
    Member


    Posts : 585
    Join date : 2011-01-23

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnub Tue 19 Feb - 11:37

    cua tuaj cia cua sov,
    cua txias cia cua rov
    ib hnub koj tos thiaj tau kuv
    cia hnub wb thuv
    Kuv mam li muab txoj kev hlub
    nqa los qhia los pub
    hnub ntawv thiaj yog hnub tseeb
    Mam tos caij nyoog xeeb
    thiaj li los muaj hmoo
    Wb lub neej thiaj muaj zoo
    Rub koj lub siab me ntsis
    Tseem yuav muaj kev rau wb hlub ib txhis
    Rub siab kom loj loj mog
    thiaj tsis muaj lub kua muag nrog
    Vim kuv hlub koj tas txhua tsav yam
    Wb ua zoo cheem wb lub siab thiaj tsis plam

    Tam lub tsev nyob theem siab
    Es wb ua twb zoo xiab
    Wb lub tsev thiaj li nyob ruaj
    Thaum muaj huab cua tuaj
    Lawv ntsawj thiaj tsis vau mus
    Wb txoj kev hlub thiaj yuav nyob tau tus
    Yog wb txawj xaab tsev yuav khov heev
    Wb ua zoo wb lub vaj tse thiaj tsis raug dej teev
    Koj hlub kuv tag nrho siab
    Los kuv yeej hlub koj tos ntsoov tiam tshiab
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Fri 22 Feb - 17:50











    Mam tso tseg
    Koj twb tsis hlub cia kuv mam tso
    Mam ua ib siab tsis txhob nco
    Koj twb tsis hlub koj lam nroo
    Cia kuv mam mus ntsiag hlo moo

    Kuv paub lawm hais tias koj hlub cuav
    Kuv ces koj yeej tsis xav yuav
    Kuv paub lawm tias kuv ces koj lam hlub ua si
    Kuv ces koj tsuas lam hlub kom tau chaw nti

    Txoj kev hlub kuv lam nrog koj sib tuav cia
    Koj nplooj siab nws twb muaj tus zais tsis qhia
    Kuv xav tsis tso tseg koj ib hnub tiag
    Los ntshai rwg tsam koj lam muab kuv tso kiag

    Ntshe yuav mob kuv nplooj siab khis rhe
    Nplooj siab nplooj ntsws twb tsis muaj nuj nqe
    Ntshe koj yuav hlawv kuv nplooj siab no mob heev
    Kuv thiaj ntshai rwg tsam kuv lub kua muag teev

    Ua neeg zoo li kuv twb muaj siab muaj ntsws
    Kuv tsis ploj ces ntshe ib hnub koj yuav yws
    Kuv paub lawm tias koj yuav hlub kuv tsis meej
    Ntshe yuav ua cas ntseeg tau koj nyob rau tiam no ib sim neej
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Thu 28 Feb - 4:56












    vim muaj nqis

    Tus tau lwm tus txoj kev ntseeg kev hlub
    Vim nws lub siab ncaj ncees lawv thiaj pub

    Yog koj tau lawv txoj kev hlub kev qhub
    Los yuav tau khaws zoo cia txhob cia av thiab dej txhub

    Thiaj tsim nyog tias tus neeg ntawv cov lus nws muaj nuj nqis
    Vim cov lus zoo luag muab rau koj thiaj yuav pab koj ib txhis

    Txoj kev ua zoo tsis muaj leej twg lam tau lam muab rau koj li
    Tsuas yog tus pom koj tsim nqi nws thiaj cev rau koj luag ntxhi

    Yog koj khaw cia rau koj nruab siab yog ib qho zoo heev
    Thaum koj raug xwm tsis zoo thiaj tau thau los saib los deev

    Yog txoj kev hlub kev ua zoo deev koj lub siab yuav txawj tus
    Koj qhov teeb meem yuav txawj ploj lawm zuj zus

    Thiaj txhais tias kev hlub muaj nuj nqis dua txhua yam
    Tus neeg uas txawj xav yuav khaws tau nws tes yuav tuav tsis plam

    Khaws cia thiaj tsim nyog tus neeg ntawv ntseeg koj siab nawb
    Vim tiam no muaj tus neeg zoo txaus lawv tso siab lawv tej lus thiaj muab rau koj pub dawb

    Yog koj siab tsis ncaj tsis zoo lawv tsis pom txog
    Lawv lo lus zoo yeej tsis muab pab los pub rau koj li mog

    tus sau yog yajntshi thov nqa los cia saib rau ntawm no
    nkaujhnub
    nkaujhnub
    Member
    Member


    Posts : 585
    Join date : 2011-01-23

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnub Mon 4 Mar - 8:56

    kev hlub tsis yooj yim thov nco cia

    kev hlub tsis yooj yim
    thiaj li thim wb kev hlub
    txhua lo pub zoo li dag
    hlub tsis tag thiaj hloov siab
    yam tus ntxhiab tso yaj mus
    siab tsis tus mob ua luaj
    ua koj quaj siab tsis kam
    tsis xav plam los hlub tsis tau
    txhob siab yau zam txim pub
    kuv yeej hlub tsis xav tso
    vim kev nco twb loj hlob
    tseem xav nyob koj xub ntiag
    yuav tuag tiag vim hlub koj
    tsis cia ploj wb kev hlub li
    cia tuag nthi mam tos koj pus
    wb mam mus ua ib ke
    nyob ib tse tuav tes rawv
    koj lub plawv kuv pam khaws
    mam hlub raws luag tej thiab
    kuv nplooj siab txhob txhawj mog
    tiam no yog kev mob siab tiag
    vim kuv nyiag tsis tau tuaj cuag koj
    tsam muaj tus soj ces pawv quav ntshav
    tseg kev dav thiaj tsis txhaum nawb
    mam sib tawb rau lub caij nyoog zoo
    wb kev nroo ces ua siab tos
    koj rov los ib hnub tom ntej
    wb mam koom zej ua nkauj nraug
    kom txhob raug luag tej txeeb
    koj lub teeb mam cig loj
    pub rau koj ib leeg pom kev
    koj lub tsev kuv mam cheb dua
    kuv hlub tshua koj heev mog
    lub kuamuag nrog thov txiav kom tu
    vim tsam xu rau cov tsis paub tab
    koj leej nyab pw nraim koj nruab siab
    kom koj kiab tas mus li os



    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Fri 15 Mar - 3:48

    Hlub koj ntsuag nos




    Hlub koj ntsuag nos



    Ntuj e......me tub ntxawg tus ntxim hlub
    Los me nkauj muam mam qhub
    Cas nws yuav quaj ntxim hlub ua luaj
    Me muam nplooj siab mob hnov tawm tuaj
    Thiaj nrog nws tu siab kua muag poob nrog
    Nws niam ces ntshe yuav tsis los lawm os mog

    Cas luag muaj hmoo,
    Yuav muaj daim ntawv zoo
    Kuv me ntxawg tseem me me
    Kuv me ntxawg yuav hu leej twg ua niam ne...
    Nws yuav ua li cas ua lub neej
    Yuav peem li cas thiaj ua tau ib tus neeg tsheej

    Kuv pab koj tu siab tshaj li os
    Ntshe zaum no nws niam yuav tsis rov los
    Koj lub suab quaj ntxhe txog kuv pob ntseg
    Kuv thiaj pab nrog koj mob siab tsis tseg
    Nrog koj niam hlub koj heev
    Ua rau kuv lub kua muag teev

    Txoj kev ntsuag niam ntsuag txiv
    Ces yuav ua rau yus quaj uj iv
    Yus niam ntog nthav ib txoj pa tsis muaj
    Yus txoj kev hlub ces nyob nrog txoj kev quaj
    Thiaj tu siab mus ib sim mas lawv aw
    Yus pom leej twg muaj ces yus thiaj ntshaw ntshaw

    Yug niam thiab txiv ntog li nthav
    Pw ntub nthi ntog li ntua rau luaj av
    Cia yus mus ciaj luag me puab ntsa
    Ntshe yuav tau pw luag tej maum kaum qab kha
    Luag muaj noj muaj hnav zom zaws
    Yus ces thiaj yuav saib saib nrog lub kua muag phwj yaws

    Txoj kev ntsuag tsis zoo ua li
    Leej twg pom los tsis txhob lam luag ntxuj ntxhi
    Txoj kev txom nyem zoo li no
    Leej twg pom los yuav nrog mob siab tus siab nrhawv nrho
    Txoj kev tsis muaj hmoo
    Ces ib sim neej yus yuav hnov yus plooj siab mob quaj thiab nroo

    Kev sau poem rau public nyeem - Page 2 534345_291304430974770_1098978452_n
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Tue 2 Apr - 10:31


















    Kuv twb nyob nrog koj ua luag
    Kuv twb ua txhua kom tau cuag
    Kuv twb nyob nrog koj txhua hnub
    Kuv twb cia txhua lo koj qhub
    Kuv thiaj li muab kuv txhua los lus pub
    Muab los cawm koj thiaj li nco ntsoov koj txoj kev hlub
    Me nplooj siab, txoj kev hlub yeej zoo heev
    Kuv thiaj muab koj txhua lo lus teev
    Luab teev zais cia kuv lub nruab siab
    Muab yug kuv ncauj lo thaum tsis kiab
    Koj txhua lo lus muaj nuj nqis
    Kuv thiaj qhia koj paub tias yuav khaw ib txhiab mus ib txhis
    nkaujhnubqub


    Last edited by nkaujhnubqub on Tue 7 May - 4:23; edited 4 times in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Sun 7 Apr - 14:32

    Ncaim koj tau ntev tav no
    Ua rau kuv nco nco koj kawg li
    Nco thaum i wb tuaj sau lus paj
    Nyob nrog siab kaj nim tshav ntuj nrig
    Wb sib caum ncig vaj paj zoo nkauj
    Wb mus xauj txhua tas
    Koj nyob li cas lawm xwb ne
    Kuv tsis muaj suab nthe los tau ntev
    nyob zov tsev los ua twj ywm
    Tsis xav mus tshwm qhov twg kiag
    Lub suab npliag thiaj tso tseg

    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Sun 7 Apr - 14:42



    Lub paj dej zoo nkauj tshiab
    Cas kuv nco nco kuv nplooj siab
    Lub paj dej tawg xwj yeem kawg
    Cas kuv nco nco kuv leej nus ncawg

    Nws txhua lo lus yog lus nyiaj
    Kuv nyob nrog nws zoo li kuv tsim txiaj
    Nws lo lus zoo tau ntxim hlub
    Kuv thiaj nco nws tam kuv thooj kub

    Nws ib leeg nyob hauv kuv siab
    Nws yog kuv txoj kev tawg tau paj tshiab
    Nws yog txoj kev tawg paj tau tshiab khiv heev
    Taug nws thiaj li xav seev.




    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Thu 25 Apr - 11:52

    Sijhawm no cia kuv mam hais
    Valentine's twb los yuav txog
    Koj thiaj yog tus uas kuv hlub
    Thaum nruab hnub koj ua kuv luag
    Tsaus ntuj zuag koj puag kuv pw
    Txaj chaw sw los wb tsis txhawj
    Koj yeej txawj los pab kuv tu
    Vaj tse du twb vim muaj koj
    Yog tus coj peb cov niam tub
    Koj yeej hlub peb txhua txhia leej
    Wb lub neej thiaj zoo xws luag
    Txawm muaj pluag wb nyob sib hlub
    Tswj tej tub tej ntxhais lub neej
    Kom peem tsheej ib tug neeg zoo
    Txog caij nyoog lawv thiaj tau noj
    Vim muaj koj kuv thiaj ua tau
    Thiaj peem dhau los txog hnub no
    Kuv tau so vim koj txawj hais
    Valentine cia kuv hlub koj
    Cia kuv coj wb mus ua si
    Wb mus ncig yuav khoom sib pub
    Tus kuv hlub nrog kuv mus mog
    Vim kuv nco xav nyob ze koj
    Thiaj li coj koj nrog kuv mus
    Wb sib pus mus ncig tab laj
    Yuav lub paj cog wb kev hlub
    Li thaum ub uas wb tseem hluas
    Wb sib puag koj hais kuv teb
    Txawm kev deb npaum licas los
    Koj yuav tos kom tau kuv yuav
    Wb thiaj tuav cog kev hlub cia
    Kom tau qhia hnub Valentines
    Wb yuav hais tias, “I Love You.”
    Tus kuv hlub…, kuv nco koj heev
    Thiaj li seev hais qhia koj paub
    Thiaj tau saub qhia rau koj mloog
    Kaj ntug txoog hnov noog kab quaj
    Nco ua luaj tsis xav sib ncaim
    Valentines xav puag koj xwb
    Txawm pam rwb los yeej tsis sov
    Tsis xav vov yog tsis muaj koj
    Xav txav zoj puag koj pw xwb
    Hauv lub hlwb thiab kuv lub plawv
    Tuav koj rawv pw koj ib sab
    Tuav koj npab pw koj xub ntiag
    Mloog plawv dhia seb puas sib xws
    Thov txhob yws vim kuv hlub koj mog.

    Lubpaj_Rose


    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Thu 2 May - 8:25

    paj huam collection

    pajhuam hlub yus tustxiv.

    kuv me kojtxiv tus neeg kuv nco
    sim neej no koj yog tus kuv hlub
    ua lub hnub ci rau kuv tus kheej
    lub neej tsheej yog koj ua txiv
    los pib chiv lub neej hauv paus
    hlub tej laus tus hlob tus yau
    kev nkauj nraug koj yeej tsis ua
    koj hlub txhua kwv tij neej tsa
    hlub ti txha tabcuab tabyig
    kuv ib nrig koj tsis ntaus tsis cem
    koj tsis lem peb cov niam tub
    peb lub hnub yog koj ua txiv
    nyiaj txiag siv koj yog tus khwv
    koj tsis txwv tus hlob tus yau
    peb plab tsau koj ibleeg khwv
    tes tawm hlwv los koj yeej ua
    koj txiv nquag kuv yuav hlub koj
    ua koj noj kom txog hnub kawg
    kev sib ncawg thiab kev sib hlub
    koj khwv pub rau kuv noj kuv hnav
    kuv tus tav tsuas yog koj ib leeg
    kev ua plees kuv yeej tsis ua
    cia koj puag thiaj li tsim nyog
    hlub koj mog kuv me koj txiv
    yuav tsis siv lub siab lim hiam
    kuv ua niam qhia koj dawb paug
    kev nkauj nraug kuv qhia ncaj ncees
    tsis ua plees kom koj tu siab
    lus tseem ntsiab qhia koj li no mog me koj txiv....
    Neegthoobtsib

    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Thu 2 May - 8:27

    paj huam collection
    Zaj no muab sau pub koj
    Vim koj yoj koj li tes
    Kuv thiaj nres nrog koj tham
    Kuv yeej kam sau lus dhos
    Sau lus mos thiab lus muag
    Sau pub cuag kom koj tau nyeem
    Tsuav koj yeem taug kev tuaj
    Mam li luaj txoj kev hlub
    Qhia los pub rau koj paub
    Kuv kev saub mas yog paj lug
    Yuav pib ntug nqis rau plawv
    Mam li sawv mus tim nqhuab
    Tsis muaj kuab los txhob xav ntau
    Kuv li hlau tsis tshua ntse heev
    Kuv lus ceev tsis muaj txwm
    Txhob muab xwm rau kuv ev
    Kuv lub tsev yeej tos txais
    Nrog nej hais txhua lo lus
    Muaj tus mus ,tus tawm lawm
    Me nkauj ntxawm lam saub seev
    Yog tau teev tsis xwm yeem
    Los yeej meem sau tuaj qhia
    Yuav khaw cia ua kev sib kawm
    Yuav tsis tsawm leej twg hlo
    Yuav tsis tso nej tej lus qhia nawb

    Kuv pib tshawb ntawm nov tuaj
    Kev hlub ruaj yeej tsis xaiv
    Yeej tsis caiv yog hlub tiag
    Ua ntxuj ntxiag nyob sib qhub
    Yog ntuj pub thiaj sib ntsib
    Kev hlub pib yog muaj wb
    Qab ntuj khwb tsuas muaj koj
    Kev hlub loj los tau ntev
    Koom ib tsev nyob ib cuab
    Kuv thiaj npuab koj txog txij no
    Koj puas nco tau koj cov lus
    Tias yuav hlub mus kom kawg keeb
    Koj cim xeeb puas nco zoo cia
    Koom ib txoj sia koj nyob twg
    Wb puag pwg nyob ntawv no ne
    Wb koom ua ke nyob nto npe
    Koj thiaj pe kuv txiv kuv niam
    Tias koj nyiam thiaj li yuav
    Yuav tsis rhuav wb kev txij nkawm
    Vim hmoov sawm wb thiaj tau ua ke
    Koj lub npe kuv thiaj tau coj
    Kuv hlub koj ib txhiab ib txhis
    Tsis txhob lis lwm yam kev ntseeg
    Ua tib neeg yuav tau xav thiab
    Yus nplooj siab muab dua rhe
    Puas tau ne me leej hlub
    Tej me tub thiab me ntxhais
    Tsis zoo cais lawv lawm tiag
    Rov los npliag tsib txhob ntxub
    Nyob li qub Thiaj tsim nyog
    Thiaj yuav yog kev hlub zoo
    Wb kev nroo txog kev ntseeg
    Ua tib neeg ces sib hwm xwb
    Thiaj tsis mob hlwb mas mog
    Txawm tsis yog ib txoj kev cai
    Los txhob hai kev ntseeg los
    Ua kev mob es mam xyaum sib pab
    Koj txhais npab kuv thiaj tau zov
    Kuv lub cev tau puag koj sov
    Txhob muab cov kab lis kev cai
    Coj los dai wb nplooj siab os mog

    Kuv tsis yog hais neb sib cais
    Qhov kuv hais yog kom neb sib hlub
    Kev cai qub kev cai tshiab
    Los twb zoo siab ib yam nawb
    Ntuj yeej txhawb neb ob leeg
    Txawm yuav ntseeg yam twg los tau
    Ntuj yeej sau tias sawv daws
    Nyob sib xyaws yuav tsum sib hlub
    Txhob sib ntxub thiaj yog kev hlub nawb
    Kuv thov txhawb kom neb siab kaj
    Nws zoo tshaj kev sib nrug
    Tsis muaj tug tsis muaj hlub
    Nyob ntuj dub tsaus ntuj nti
    Lub hnub ci tsis txog yus
    Txhob ncaim mus yuav zoo dua
    Tseem hlub tshua yus lub plawv
    Txawm ntseeg txawv los nyob sib koom
    Txhob sib loom txoj kev hlub tiag nawb mog



    ntxawmhmongza

    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Thu 2 May - 8:42

    Pajhuam hmoob


    Kev sau poem rau public nyeem - Page 2 Mujer-triste


    kev hlub tsis yooj yim
    Ntshe twb vim neb lo lus pub
    Muab hais qhub zoo li dag
    hlub tsis tag thiaj hloov siab
    yam tus ntxhiab tso yaj mus
    siab tsis tus mob ua luaj
    ua koj quaj nws siab tsis kam
    tsis xav plam los hlub tsis tau
    txhob siab yau zam txim pub
    Nws yeej hlub tsis xav tso
    vim kev nco twb loj hlob
    Neb twb nyob txhua xyoo ntev
    Koj tsis ev nws ua koj lub kawm
    Ntshe nws thiaj tawm tsis nrog koj
    Los uv siab loj yog ntawv txog
    Koj lub zog hlub nws ib leeg
    Kuv xav ntseeg tias neb yeej sib tau
    Txhob siab yau yog koj hlub
    Nws txawm ntxub los tsis ntiab
    Nws nplooj siab twb tso tsis taus koj
    Nws, ntshe soj koj qab nraim li
    Tsuas tsis ntxhi kom koj hnov
    Ntshe nws zov sim koj siab xwb
    Txhob puas hlwb yog koj yeej hlub
    Kav tsij qhub yog nws tseem txais
    Kav tsij hais lo lus muag nthav
    Qhia koj siab dav rau nws pom
    Txhob xav lom koj nplooj siab
    Lub tshuaj iab tsis txhob noj
    Thiab hais rau koj txhob xav tuag
    Yus tsuas muaj ib vuag ib txoj sia
    Kuv tsuas qhia li rau koj
    Ua siab loj thiaj tau ntuj ntoo
    Maj mam nroo rub siab xwb tiag
    Nws xub ntiag yuav yog koj kav
    Ua zoo xav yog nws yog koj tus
    Neb yeej mus tau ib txoj kev hlub
    Nws tias ntxub los koj qhub li qhub
    Muaj ib hnub nws yuav tig rov los
    Yog koj tos nws ib leeg tiag
    Kuv tsuas npliag kom koj kaj siab
    Kuv lus tsis muaj ntsiab los txhob xav li cas mog
    .


    Last edited by nkaujhnubqub on Thu 2 May - 9:24; edited 1 time in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Thu 2 May - 9:17



    Ntuj thaum ub muaj koj nrog kuv
    sijhawm luv thaum wb ob leeg
    yeej tsis nkees tsis hnov tshaib li
    tham luag ntxhi wb tuav tes rawv
    hauv lub plawv xav ntsoov kev hlub
    tsis siab dub ob leeg sib pab
    sib tuav npab taug kev yuj yees
    yeej tsis nkees txhua hnub txhua hmo
    txoj kev nco kev hlub kev tshua
    wb muaj txhua tsis nco leej twg
    tej phoojywg pom wb zoo tshaj
    lub ntuj kaj nyob nrog wb nraim
    tsis xav ncaim nyob ua ke rawv
    thaum pw sawv tsis hnov plab tshaib
    kuv me naib koj puas tseem nco
    txog tej no li kuv nco koj
    mov tsis noj vim nco koj dhau
    thiaj tuaj taug wb tej hneev taw
    ncig tej chaw seb puas hnov ntxhiab
    hnub tuaj ziab yeej tsis hnov kub
    tus kuv hlub kuv nco koj heev
    thiaj tuaj seev nyob ntawm no tos
    thov rov los wb mam pib dua
    kuv mam ua tus koj hlub xwb
    kom koj wb nyob mus ib txhis
    koom ib yig mus tag tiam no mog.

    Nco koj os, me hlub, I love you
    LubPaj_Rose



    Last edited by nkaujhnubqub on Tue 7 May - 3:59; edited 1 time in total
    nkaujhnub
    nkaujhnub
    Member
    Member


    Posts : 585
    Join date : 2011-01-23

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnub Mon 6 May - 2:29

    paj huam collection
    Kuv me phooj ywg tus siab zoo
    Cas yuav nroo tus siab ua luaj
    Tsis txhob quaj txhob poob rau kev tu siab
    Nyob kiab kiab nws thiaj nyob zoo
    Nws muaj hmoo thiaj tau ua luag zog
    Nws rov los txog tau them nuj nqis
    Tsuas yog lis cov me ntaub ntawv
    Los nws neej sawv thiab neej muaj
    Tuav siab ruaj ma kuv me phooj ywg e
    Nws lub tse twb muaj tus tuav
    Nws tus yuav twb hlub nws heev
    Ua cas seev tu siab tu saus
    Twb nyob laus txog tav li no
    Tsis txhob kho kho nws me plawv
    Muaj nyiaj ntawv thiaj tau them nqi
    Kav tsij luag ntxhi nawb mog
    Xav los txog tsis khwv los tsis tau noj
    Muaj tus loj luag kuj pab
    Ces cev npab nrog luag khwv
    Thiaj li chwv lub neej kaj siab
    Thaum muaj txiab mus nyob hoo maum
    Thiaj tau caum puav them rau lawv
    Kuj daws rawv nws kev nyuaj siab lawm os mog
    Tsis txhob ntog tsis txhob poob
    Me phooj ywg hmoob Tus txawj xav
    Ua tib zoo kav nws lub neej
    Thiaj yuav tsheej mus ciaj meej
    Thiaj li yeej txoj kev nyuaj
    Tsis txhob quaj so kua muag kiag
    Rub siab tiag koj siab thiaj uv taus nawb




    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Tue 7 May - 1:52


    Me phooj ywg tus nyob deb
    Koj thaj teb kuv twb tuaj pab
    Tuaj lauj npab nrog koj ncaws
    Kuv tuaj raws koj lawm tiag
    Ncauj lus nkaig tsim nuj kawg
    Tus kuv ncawg ces yog koj nawb
    Kuv tuaj tawb koj lawm ne
    Tuaj taug ke nrog koj thiab
    Hnub no kiab tshav ntuj heev
    Kuv siab xeev los pom paj
    Zoo nkauj tshaj thiab nroj ntsuab
    Muaj nplooj tuab hlav zom zaws
    Tej ntsis caws ntshuav duj das
    Saib ntuj mas huv ntshiab si
    Pom hnub ci tuaj ziab peb
    Saum ntoo seb hnub ci ntsa
    Sab hnub kaj liab pluj ploog
    Yuav rov yoog nws mus dua ib hnub thiab lauj.
    .


    Last edited by nkaujhnubqub on Tue 7 May - 4:35; edited 2 times in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Tue 7 May - 2:48


    Ua tib neeg nyuaj lub siab
    Ces muaj txiab thiaj laus zus
    Yam nkaus yus tsis muaj hmoo
    Thiaj tsuas nroo txoj kev tu
    Kev tsis du rau yus taug
    Zaum puav qaug maj mam rov sawv
    Kawg li ntawv lawm xwb tiag
    Xav yuj ntxiag mus qab roob
    Pom txhua hmoob yuj qas lis
    Yog muaj tis mus kom deb
    Es yuav feb ua loj leeb
    Mus nug tseeb rau yawm saub
    Kom nws qhia paub tiam yog tim li cas
    Yug tiam no mas yuav tu siab ua luaj
    Thiaj tau quaj txhua zaus
    Nyob nyob laus txog tav no
    Los tseem xav nco tus tiam dhau
    Los twb tsis tau los ua ib yig
    Lub txiaj ntsig ntawm yus tus yuav
    Yeej tsis rhuav vim nuj nqis muaj
    Mam tuav ruaj kom dhau tiam no




    Last edited by nkaujhnubqub on Tue 7 May - 3:54; edited 1 time in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Tue 7 May - 2:52


    Kuv lub siab yuav tsis tso
    Yuav nrog hlo koj lub plawv
    Yua nyob sawv koj ib sab
    Koj txhais npab yeej yuav tuav
    Txog thaum yuav ua koj li
    ntuj tsaus nti los tsis ntshai
    Yuav rau hai lo av tas
    Yuav tsis ras lo lus phem
    Txawm luag nyem kuv siab mob
    Los mam txob rau koj hnov
    Vim koj zov kuv lawm tiag
    Kuv tig ntiag los rau koj
    Thov koj coj kom muaj tseeb
    Wb thiaj xeeb tau lwm tiam
    Kuv yeej nyiam koj ib leeg
    Kuv yeej ntseeg li koj hais
    Kuv tsis cais yog koj pab
    Kev kaj ntsab rau kuv tsev
    Ua koj sev yeej ncaj ncees
    Yeej kam lees yog koj hais tiag
    Kuv xub ntiag yeej pub koj pw
    Koj tus lw kuv yeej yuav taug mog
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Tue 7 May - 3:52













    Me noog nquab dawb koj puas tseem ya,
    Nrog huab nrog cua sib nqa.
    Me noog tis dawb tis txawj ntxuaj,
    Ua cas nkauj qaum ntuj hnov koj quaj quaj
    Nws mus ya thoob lub me ntuj ntshiab
    Ua li yeej tsis pom nws me nplooj siab
    Nws lub cev lam nyob lam ua ntsej muag luag
    Es nws tus tav nws txawm yuav cev tes muab tsis cuag
    Ua li nws nplooj siab thiaj poob rau ntuj twg
    Lawm ne kuv me nquab dawb nquab rwg
    Nws seev tau kho siab zim li
    Nkauj qaum ntuj thiaj hnov nws lub me siab cas nyob tsau nti
    Nws tsis txhob quaj es lam muab lub chaw pw dua
    Cia tag kis kaj ntug nws mam mus nrhiav dua nws tus hlub tshua



    Last edited by nkaujhnubqub on Sat 18 May - 7:25; edited 2 times in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Tue 7 May - 5:06









    Los pw nthi hauv kuv xub ntiag
    Los puag kuv ib pliag
    Los nqa koj lub siab tuaj
    Los hais qhia tias hlub kuv yeej muaj

    Yog hlub ces yuav tau qhia
    Txhob tos kom kuv tu txoj sia
    Yog hlub tsis dag li
    Ces los nyob nrog kuv mus li









    Last edited by nkaujhnubqub on Mon 20 May - 6:53; edited 1 time in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Tue 7 May - 5:16








    Kuv lub siab yuav tsis tso
    Yuav nrog hlo koj lub plawv
    Yua nyob sawv koj ib sab
    Koj txhais npab yeej yuav tuav
    Txog thaum yuav ua koj li
    ntuj tsaus nti los tsis ntshai
    Yuav rau hai lo av tas
    Yuav tsis ras lo lus phem
    Txawm luag nyem kuv siab mob
    Los mam txob rau koj hnov
    Vim koj zov kuv lawm tiag
    Kuv tig ntiag los rau koj
    Thov koj coj kom muaj tseeb
    Wb thiaj xeeb tau lwm tiam
    Kuv yeej nyiam koj ib leeg
    Kuv yeej ntseeg li koj hais
    Kuv tsis cais yog koj pab
    Kev kaj ntsab rau kuv tsev
    Ua koj sev yeej ncaj ncees
    Yeej kam lees yog koj hais tiag
    Kuv xub ntiag yeej pub koj pw
    Koj tus lw kuv yeej yuav taug mog














    avatar
    nkaujhnubqub
    Member
    Member


    Posts : 886
    Join date : 2011-01-25

    Kev sau poem rau public nyeem - Page 2 Empty Re: Kev sau poem rau public nyeem

    Post by nkaujhnubqub Mon 20 May - 10:30




    Cas koj tsis hlub

    Me phooj ywg, cas koj tsis hlub
    koj thiaj tsub ua cua daj cua dub
    Kom los txhub kuv txoj kev taug
    Ua kuv raug nag ntub npliag nplaws
    Tu siab tshaj plaws kua muag ntws
    Vim raug koj yws kuv tas li
    Tsis tau nti tsis tau ntxeev cev
    Yam tus dev tsis muaj tsim
    Kuv tsis phim koj tus hmuv hlau
    Chob taub hau mob ua luaj
    Kuv thiaj quaj los koj tsis rho
    Thov koj tso kuv thiab mog
    Ntshav twb nrog puv ntiaj teb
    Thov txhob feb rov los tshem
    Kuv tsis lem tsis nthuav koj
    Kuv tsis soj thiab tsis thuam
    Kuv thov tshuam koj ntxiv dua
    Thov koj hlub tshua txog neeg ruam
    Me leej nuam tsis paub qab hau
    Thiaj li tau los yuam kev
    Rau koj tsev los thov tso
    Tsis txhob hno kuv lub plawv
    Thov cia kuv sawv mus lawm nraum zoov thiab...
    Kev mob siab vim tsis tau txhaum
    Raug fais fab laum mas ib ce tuag
    Txhua yam tsuag noj tsis hnov qab
    Thiaj thov pab thov cawm xwb
    Yuav tsis dwb ua siab ncaj
    Tag kis ntuj kaj thov koj daws
    Thiab koj yaws koj rooj ntxiab
    Kuv nplooj siab thiaj tsis lwj
    Tsis ua rwj ua kab mob
    Nyob to tob rau kuv lub cev
    Tsis xav ev lub nra nyhav lawm os


    Last edited by nkaujhnubqub on Thu 4 Jul - 5:23; edited 2 times in total

    Sponsored content


    Kev sau poem rau public nyeem - Page 2 Empty Re: Kev sau poem rau public nyeem

    Post by Sponsored content


      Current date/time is Thu 28 Mar - 20:16