txojkevphoojywg

Qhov tseem ceeb yog txoj kev phooj ywgTxoj kev thaj yeeb yog txhua tus sib hlub thiab sib pab


    Kev sau poem rau public nyeem

    Share

    poeme
    Guest

    Re: Kev sau poem rau public nyeem

    Post by poeme on Fri 2 Sep - 7:48


    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Fri 2 Sep - 7:59





    Xav nyob ze
    Nrog koj ua ke
    Tsis xav nrug koj ib pliag
    Xa nyob rawv koj xub ntiag

    Tiam twg los tsuav muaj koj
    Tsis xav ncaim kom ploj
    Nyob nrog koj tas mus li
    Mloog koj lub suab ntxhi

    Yog muaj koj lub siab yeej kaj
    Tus me neeg ntxim hlub tshaj
    Kuv nco koj tsis muaj tag
    Thov koj tsis txhob hais dag


    nkaujhnub



    Last edited by nkaujhnub on Fri 2 Sep - 8:34; edited 1 time in total

    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Fri 2 Sep - 8:22



    Kuv tos koj ua hnub
    Lub siab tseem xav hlub
    Kuv tos koj txhua hmo
    Koj yog kuv nploojsiab nco

    Kuv tos koj tas li
    Muaj koj kuv siab luag ntxhi
    Kuv tos koj mus ib txhis
    Vim koj yog rau kuv tus muaj nuj nqis

    Kuv tos koj mus ib kom tas sim neej
    Kuv yuav nrog nraim koom ib lub neej kom tsheej
    Kuv tuav rawv koj tw tsho
    Yuav hlub koj ib txhis tsis tso



    Last edited by nkaujhnub on Wed 14 Sep - 3:53; edited 2 times in total

    nkaujnas
    Member
    Member

    Posts : 231
    Join date : 2011-07-26

    Re: Kev sau poem rau public nyeem

    Post by nkaujnas on Fri 2 Sep - 22:04




    pajhuam nkaujnraug sibsib hlub tsis sib tau.[b]
    zaj ntawm no ces yog pajhuam
    hais los tshuam ntawm ibnkawm nkauj nraug
    ntawv tsis raug thiaj tsis sib tau
    tim dab laug tus tub tuaj yuav
    kho siab khuav xav dai caj dab
    ua neeg npab kom tuag kiag mus
    siab lwj tsus tas niaj tas xyoo
    hnov lub moo yus tus hluas nkauj
    puag qe qauj tsis xav kom dhaug
    vim nkauj nraug txoj kev sib hlub
    niam txiv rub tsis pub sib yuav
    neej tsw q.uav mas phem tshaj plaws
    raug luag ncaws tsis pub sib cuag
    nco tshuav tuag los luag tsis kay
    cev txhais tes tuaj mus sib ntsiab
    chim lub siab hajyam quaj heev
    kev sib deev thiaj yog txoj sia
    tsa hau ntsia twb mus dua toj
    kuv thiab koj yuav ua licas
    kawg lub ntxa thiaj li pab tau
    cim nkauj nraug chim siab ua luaj
    tsa suab quaj mus ua dab ua tsov
    kom txhob hnov txoj kev mob siab
    nyaj cuam liab thiaj lirub mus nyob havzoov
    me noog roov ya ua tsheej ntsau
    thiaj daws tau txoj niag kev chim
    thiaj li dim ntawm txoj kev tuag
    kev ua ntsuag thiaj li zam dhau
    tsoom nkauj nraug txhob ua li kuv
    luag xuas hmuv los hno yus plab
    plam tus nyab uas yus sibntseeg
    ua tib neeg ces zoo li tsiaj
    tus muaj nyiaj ces luag thiaj pom
    tus ua nom ces luag thiaj pab
    yus tus nyab luag thiaj txeeb tau
    hlob kav hlau los yeej tsis ntshai li lawm tiag lawv aw!!!
    ....

    http://servumpecus.canalblog.com/images/Vietnam_napalm_19721.jpg

    pajhuam uarog cobfab niamtxiv tuag tas.

    ntawm mus yog lus pajhuam
    hais los tshuam lubneej cobfab
    thaum poob tomqab nyob rau Loojceeb
    vim yog qeeb nce tsis tau dav hlau
    thiaj poob rau lub tebchaws nplog
    vim tsov rog sib txeeb tebchaws
    thiaj tuaj aws Loojceeb Xas thoos
    yawg cov moos cojkhiam ntxoov Yias
    thiaj tuaj ntxias tias kom txhob khiav
    kev quaj nyiav yuav tsis muaj lawm
    txog sij hawm no lawv muab ntes
    muab xauv tes coj mus tsim txom
    ntes cov nom coj mus kaw nkuaj
    peb thiaj quaj khiav mus ua cobfab
    noj nplooj hmab ntxuag rau nplooj ntoo
    niaj dhau xyoo vajpov tsis los
    nyab laj nplog tuaj muab peb caum
    sib tsiv nkaum rau ub rau no
    yawg thiab pog thiaj li tuag tas
    peb thiaj nkag tuaj mus thaib teb
    tuaj tsis deb raug nyab laj tua
    tuag cuag npua ntshav liab pes vog
    hus nplooj npog nyab laj tsis pom
    nyab laj txhom thiab tseem tua ntxiv
    niam thiab txiv nkauj muam tuag tas
    kuv tsis dag yeej muaj tiag tiag
    muab nyiaj nyiag mus lawm du lug
    kuv thiaj pug tau wb ob kwvtij
    wb sib zij tuaj mus hla dej
    lam tuaj sej nyob rau VibNais
    xam phaj pais tuaj nyob tebchaws no
    niaj hnub nco tejniam tej txiv
    lam nyob ntxiv raws li txoj hmoo
    seb puas zoo rau cov menyuam
    ua neeg ruam tsis paub dabtsi
    quaj dhawv dhi rau tiam neej no
    lam muab kho kom puv txheej txheem
    nej tuaj nyeem txhob xav licas
    sau kom tas li kuv nco tau
    lam muab sau ua dab neeg cia xwb mog lawv.......





    Hmong: Un génocide silencieux 1/2 par Super_Resistence

    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Mon 5 Sep - 5:51



    Txoj kev hlub muaj kev tsim nuj
    Tsuas yog muaj koj nrog tsuj
    Txoj kev hlub muaj kev tsim nqi
    Tsuas yog muaj koj nrog ntxhi

    Hauv lub ntiaj teb yuav tsis pom kawg
    Yog muaj koj tseem ruaj siab nrog kev ncawg
    Hauv lub qab ntuj yuav muaj hnub kaj
    Yog tseem muaj koj thaiv kuv kev mob kev ntsaj

    Lub sij hawm txawm yuav tos tsawg tiam
    Tsuas koj lub siab tseem ruaj tseg rau kuv ib leeg nyiam
    Lub qab ntuj yuav tshiab khiv
    Kuv yuav tseg ncua txoj me kev quaj ua tau seev uj iv

    Yog kuv nyob nrog txoj me sia loj hlob zoo
    Los vim lub siab nrog koj tham tuj taws sib nrog nroo
    Yog kuv tus pa nws ua tau hlob lawm tiag
    Los vim kuv lub me siab hnov koj nrog kuv tham tuj taws lo lus npliag



    http://www.ironspider.ca/format_text/fontcolor.htm






    Nkaujhnub yuav ci thoob lub ntiaj teb, Koj txawm nyob deb los Nkaujhnub yuab ci, Sov rau koj kom koj nyob luag ntxhi

    Tsis ncav ces tsis cuag, tsis thov ces tsis tau, tsis nrhiab nrog lub siab, ces yuav tsis pom yam tshiab, yog li los peb kawm kom peb txawj, los peb ua zoo dawj, yam zoo thiab tawm los rau peb yooj yim dua


    nkaujnas
    Member
    Member

    Posts : 231
    Join date : 2011-07-26

    Re: Kev sau poem rau public nyeem

    Post by nkaujnas on Thu 8 Sep - 11:35



    pajhuam txhawj txog nws tus phooywg heev.

    kuv me phoojywg zoo koj nyob licas lawm
    tsis pom tawm kuv txhawj koj heev
    thiaj tuaj seev seb koj puas zoo
    tsis hnov moo kuv nyob tsis qab
    saib cab sab los tsis pom tuaj
    puas noj tshuaj es nyob li cas
    noj mov tas lawm los tsis tau
    tsis pom sau ib lo lus qhia
    me nkauj nyiag koj puas sawv taus
    muab dej haus kom koj puaj muajzog
    yuav tuaj nrog kuv tham ua si
    koj luag ntxhi kuv thiaj kaj siab
    txhob muaj txiab es kuv thiaj txhawj
    koj ua thawj kuv thiaj nquag caum
    muab tog zaum wb yuav hais lus
    coj kuv mus ncig saib tso duab
    muaj koj qhuab kuv thiaj li txawj
    kojtsis chawj kuv tsis paub hlo
    koj tsis kho ces tsis zoo saib
    me nkauj naib koj puas tau zoo
    kuv hnov moo mas siab thiaj kaj
    kuv qhia ncaj tsis yog lam dag
    me nkauj nag kom nws caiv ncauj
    yog qe qauj txhob muab ua noj
    tsam mob loj ces kuv tsis pom
    noj tej hom uas nws noj tau
    yog mob dhau ces mus cuag Doctor
    nws txhob txhawj mog me nkaujnoog
    ua yog toog yeej txhawj txog nws
    kuv thiaj yws nug nws lub moo
    seb puas zoo thiab puas mob lawm
    me nkauj ntxawm tagkis qhia kuv
    siab txhob luv ua tib zoo hais
    thaum noj tshais ua tib zoo noj
    kuv txhawj koj kuv thiaj li cem
    kuv tsis lem nws mus ntxiv lawm mog me phoojywg zoo....
    Tus sau yog hlubtastiam

    nkaujnas
    Member
    Member

    Posts : 231
    Join date : 2011-07-26

    Re: Kev sau poem rau public nyeem

    Post by nkaujnas on Fri 9 Sep - 12:00

    Pajhuam ua phoojywg/sibhlub kom kawg.

    ntawm no mus yog lus pajhuam
    hais cuam tshuam rau phoojywg ntsuag nos
    kom wb los ua phooj ua ywg
    mus txog twg cia wb ua ke
    kuv nyob ze txhawb koj lub zog
    koj txhob ntog es sawv wb mus
    kuv ua nus mam li hlub koj
    ua tus coj koj txoj hau kev
    yog luag sev kuv yeej tsis txeeb
    kuv tsuas feeb kom ua neej zoo
    kuv tsuas nroo kom neej txhob puas
    kuv yuav xyuas qhov kom tsimnyog
    me nyuam pog mas thiaj nto koob
    kuv yuav qhoob kom koj kaj siab
    txhob muaj txiab thiab txhob muaj mob
    ua neeg nyob kawg qhov ua zoo
    neej nto moo muaj tub muaj kiv
    ib leej txiv hlub tej me yuam
    kuv tsis thuam tias yog ntsuag nos
    niam yus los vim yog ntuj qee
    kuv mam nqee es txhob tu siab
    txhob muaj txiab kuv mam tuav tes
    kuv tsis veg yuav ua phooj ywg
    txawm tiam twg los tsuav koj ntseeg
    tuav ua neeg kom txog hnub laus
    nkag tsis taus kom koj zoo siab
    ua neeg tshiab nyob rau ceeb tsheej
    kuv tsis xyeej tias koj txom nyem
    kuv yuav em kom nce nto toj
    ua siab loj tsis yog kuv dag
    qhia tag tag kom koj to taub
    kuv tsis haub thiab yuav rhuav tshem
    kuv tsuas lem ua kev phooj ywg
    txawm leej twg los kuv yuav pab
    tuav txhais npab kom txhob qaug zog
    tsis pub ntog thiab kom txhob quaj
    kuv mam tuaj nrog koj hais lus
    txij no mus nws txhob quaj lawm
    me ntxhais ntxawm cia li sawvtsees los
    kuv yuav tos koj txhua sij hawm lawm xwb mog mephoojywg zoo.

    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Sat 7 Jan - 4:31

    Haub no kuv xav kom tsuas yog sau poem nkauj xwb



    Txoj kev phooj ywg yog yus txoj kev cia siab
    Txawm ncaim deb lub cev los yus tseem khaw nws tus ntxhiab
    Kuv me viv ncaus maiv nyiaj neeg siab zoo
    Koj los yog neeg siab zoo los txawj nroo

    Kuv twb tseg tsis tau koj ib pliag
    Kuv nco nco koj txoj me kev hlub tiag
    Wb kev phooj ywg yeej yog kev ruaj
    Thaum kuv mob los koj yeej yog kuv lub tshuaj

    Kuv txawm mus thoob ntuj lawm los
    Koj nyob deb dhau hiav txwv wb yeej tseem nco sib tos
    Thaum yus lub siab ruaj tau lawm tiag
    Leej twg txawm yuav tshum los yus txoj kev sib hlub tsis plam kiag

    Txoj kev sib hlub loj npaum li wb no
    Kuv thiaj tseg tsis taus koj lub suab nco
    Kuv nco koj vim koj hlub tsis dag
    Kuv qhib tau siab rau koj tag

    Yog tam li koj yog kuv qhov chaw cog sia
    Kuv thiab koj txoj kev hlub kuv yuav khaw cia
    Tsis pub leej twg nyiag mus zais rau qhov twg
    Nco ntsoov tuav rawv wb me kev phooj ywg









    Nkaujhnub yuav ci thoob lub ntiaj teb, Koj txawm nyob deb los Nkaujhnub yuab ci, Sov rau koj kom koj nyob luag ntxhi

    Tsis ncav ces tsis cuag, tsis thov ces tsis tau, tsis nrhiab nrog lub siab, ces yuav tsis pom yam tshiab, yog li los peb kawm kom peb txawj, los peb ua zoo dawj, yam zoo thiab tawm los rau peb yooj yim dua


    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Sun 29 Jan - 11:55

    Kuv hlub koj






    Kuv hlub koj ces yog,
    Tsis xav pom koj kua muag nrog,
    Kuv hlub koj ces yog tawm nruab siab,
    Tsis xav pom koj muaj txiab,
    Kuv hlub koj vim kuv xav pom koj tas li,
    Kuv xav pom koj nyob tau luag ntxhi,
    Kuv hlub vim tsis xav pub koj mob,
    Kuv thiaj cia koj muab kuv txob,
    Txawm tias meem txom kuv kawg nkaus,
    Los kuv saib koj twb tsis mus taus,
    Ces kuv hlub koj kuv thiaj ua tiag nyiaj,
    Tsuav kuv mus khwv tau puav caum nyiaj,
    Coj los yuav khoom plig pub rau koj,
    Los muas zaub mov rau peb sawv daws noj,
    Thiaj tau koom rooj zaum ua ib tsum ua ke,
    Thiaj xam tau hais tias peb sib hlub nyob ib tse,
    Kuv hlub koj yam tsis xav zais siab,
    Mus rau txhua txoj kev thiaj xav kav kiab,
    Kuv hlub koj tag nrho siab ntsws,
    Thaum koj ua txhaum rau kuv los kuv thiaj tsis yws,
    Kuv hlub koj kuv thiaj ua zoo,
    Kuv hlub koj kuv thiaj xav nrog koj nroo,
    Kuv hlub koj thiaj zam txim tau,
    Kuv hlub koj thiaj tso koj nyob ywj siab ntau,
    Kuv hlub koj thiaj ntseeg koj tas li,
    Kuv hlub koj thiaj ua ntsej muag luag ntxhi,
    Kuv hlub koj thiaj hais rau koj txhua lo lus zoo,
    Kuv hlub koj kuv thiaj faib txoj kev hlub rau koj tsis cia koj nroo
    Tsis pub koj quaj, koj txoj sia kuv nrog koj tuav kom ruaj,
    Los lus hlub thiaj txhawv rau kuv, lub ncauj thiaj hais tawm tuaj...
    Thov koj saib kuv muaj nuj nqis,
    Wb txoj kev hlub thiaj muaj nyob ib txhis..
    .




    Last edited by nkaujhnub on Tue 6 Mar - 8:12; edited 3 times in total






    Nkaujhnub yuav ci thoob lub ntiaj teb, Koj txawm nyob deb los Nkaujhnub yuab ci, Sov rau koj kom koj nyob luag ntxhi

    Tsis ncav ces tsis cuag, tsis thov ces tsis tau, tsis nrhiab nrog lub siab, ces yuav tsis pom yam tshiab, yog li los peb kawm kom peb txawj, los peb ua zoo dawj, yam zoo thiab tawm los rau peb yooj yim dua


    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Sun 29 Jan - 12:10

    Haub no kuv xav kom tsuas yog sau poem nkauj xwb



    Pajhuam ua phoojywg/sibhlub kom kawg.

    ntawm no mus yog lus pajhuam
    hais cuam tshuam rau phoojywg ntsuag nos
    kom wb los ua phooj ua ywg
    mus txog twg cia wb ua ke
    kuv nyob ze txhawb koj lub zog
    koj txhob ntog es sawv wb mus
    kuv ua nus mam li hlub koj
    ua tus coj koj txoj hau kev
    yog luag sev kuv yeej tsis txeeb
    kuv tsuas feeb kom ua neej zoo
    kuv tsuas nroo kom neej txhob puas
    kuv yuav xyuas qhov kom tsimnyog
    me nyuam pog mas thiaj nto koob
    kuv yuav qhoob kom koj kaj siab
    txhob muaj txiab thiab txhob muaj mob
    ua neeg nyob kawg qhov ua zoo
    neej nto moo muaj tub muaj kiv
    ib leej txiv hlub tej me yuam
    kuv tsis thuam tias yog ntsuag nos
    niam yus los vim yog ntuj qee
    kuv mam nqee es txhob tu siab
    txhob muaj txiab kuv mam tuav tes
    kuv tsis veg yuav ua phooj ywg
    txawm tiam twg los tsuav koj ntseeg
    tuav ua neeg kom txog hnub laus
    nkag tsis taus kom koj zoo siab
    ua neeg tshiab nyob rau ceeb tsheej
    kuv tsis xyeej tias koj txom nyem
    kuv yuav em kom nce nto toj
    ua siab loj tsis yog kuv dag
    qhia tag tag kom koj to taub
    kuv tsis haub thiab yuav rhuav tshem
    kuv tsuas lem ua kev phooj ywg
    txawm leej twg los kuv yuav pab
    tuav txhais npab kom txhob qaug zog
    tsis pub ntog thiab kom txhob quaj
    kuv mam tuaj nrog koj hais lus
    txij no mus nws txhob quaj lawm
    me ntxhais ntxawm cia li sawvtsees los
    kuv yuav tos koj txhua sij hawm lawm xwb mog mephoojywg zoo.
    mv ua tus sau




    Last edited by nkaujhnub on Fri 18 Jan - 7:38; edited 2 times in total






    Nkaujhnub yuav ci thoob lub ntiaj teb, Koj txawm nyob deb los Nkaujhnub yuab ci, Sov rau koj kom koj nyob luag ntxhi

    Tsis ncav ces tsis cuag, tsis thov ces tsis tau, tsis nrhiab nrog lub siab, ces yuav tsis pom yam tshiab, yog li los peb kawm kom peb txawj, los peb ua zoo dawj, yam zoo thiab tawm los rau peb yooj yim dua


    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Sun 29 Jan - 14:28


    Pajhuam ua phoojywg/sibhlub kom kawg.

    ntawm no mus yog lus pajhuam
    hais cuam tshuam rau phoojywg ntsuag nos
    kom wb los ua phooj ua ywg
    mus txog twg cia wb ua ke
    kuv nyob ze txhawb koj lub zog
    koj txhob ntog es sawv wb mus
    kuv ua nus mam li hlub koj
    ua tus coj koj txoj hau kev
    yog luag sev kuv yeej tsis txeeb
    kuv tsuas feeb kom ua neej zoo
    kuv tsuas nroo kom neej txhob puas
    kuv yuav xyuas qhov kom tsimnyog
    me nyuam pog mas thiaj nto koob
    kuv yuav qhoob kom koj kaj siab
    txhob muaj txiab thiab txhob muaj mob
    ua neeg nyob kawg qhov ua zoo
    neej nto moo muaj tub muaj kiv
    ib leej txiv hlub tej me yuam
    kuv tsis thuam tias yog ntsuag nos
    niam yus los vim yog ntuj qee
    kuv mam nqee es txhob tu siab
    txhob muaj txiab kuv mam tuav tes
    kuv tsis veg yuav ua phooj ywg
    txawm tiam twg los tsuav koj ntseeg
    tuav ua neeg kom txog hnub laus
    nkag tsis taus kom koj zoo siab
    ua neeg tshiab nyob rau ceeb tsheej
    kuv tsis xyeej tias koj txom nyem
    kuv yuav em kom nce nto toj
    ua siab loj tsis yog kuv dag
    qhia tag tag kom koj to taub
    kuv tsis haub thiab yuav rhuav tshem
    kuv tsuas lem ua kev phooj ywg
    txawm leej twg los kuv yuav pab
    tuav txhais npab kom txhob qaug zog
    tsis pub ntog thiab kom txhob quaj
    kuv mam tuaj nrog koj hais lus
    txij no mus nws txhob quaj lawm
    me ntxhais ntxawm cia li sawvtsees los
    kuv yuav tos koj txhua sij hawm lawm xwb mog mephoojywg zoo.








    Nkaujhnub yuav ci thoob lub ntiaj teb, Koj txawm nyob deb los Nkaujhnub yuab ci, Sov rau koj kom koj nyob luag ntxhi

    Tsis ncav ces tsis cuag, tsis thov ces tsis tau, tsis nrhiab nrog lub siab, ces yuav tsis pom yam tshiab, yog li los peb kawm kom peb txawj, los peb ua zoo dawj, yam zoo thiab tawm los rau peb yooj yim dua


    nkaujnoog
    Member
    Member

    Posts : 204
    Join date : 2011-06-28

    Re: Kev sau poem rau public nyeem

    Post by nkaujnoog on Fri 18 May - 16:11

    Ncaim los tseem hlub tsis tso

    kuv nplooj siab zoo tsis xws koj nplooj ntsws
    wb thiaj ua hnub ua hmo sib yws
    Kuv txawm yuav hlub koj tsaj no tiag
    Los yeej yuav pw tsis tau koj xub ntiag

    Ces kuv thov koj es thim kuv tej lus cog
    Mam tos wb hmoov lwm tiam seb puas txog
    Cia wb nyias mus nyias raws siab xav
    Vim ntiaj teb ntuj tseem dav

    Kuv thov kom koj tsis txhob tuag nthi
    Tseem tshuav koj tej me nyuag tub ki
    Tsis txhob cia lawv txob txhawj
    Vim lawv yuav tsis muaj tus ntau thawj

    Yog koj vwm rau txoj kev mob siab
    Ntshe koj yuav mus nrhiav tsis tau nkaujmim tus ntxhiab
    Kuv yuav nco ntsoov koj mus tas wb tiam no
    Kuv nplooj siab khaub zig koj nplooj ntsws ua chaw nco

    Tiam neej no wb yeej tsis sib tau li hais
    Kuv thiaj tau ua koj mob muab koj cais
    Kuv thov koj zam lub txheej
    Kuv yuav muaj koj khuam kuv siab ib sim me neej

    yuav noj mov tsis qab pw tsis tsaug zog
    Yuav nco thiab hlub koj twb ywm kuv lub nruab nrog
    Kuv txawm yuav nyob zov koj
    Los koj nploojsiab twb tsis loj

    Txoj kev khib siab twb tsis pawv
    Kuv thiaj ntshai tsam koj mob plawv
    Kuv thov ncaim koj txhob tuaj
    Koj thiaj tsis rau lom raug kuv cov tshuaj

    Thov ua siab ncaim koj rau lwm txoj kev
    Ib hnub yog wb mus thov tau daim ntawv sibyua
    Kuv mam los ua koj tus niam tsev
    Rau koj hlub thiab koj tshua

    Wb txoj kev hlub zoo li tus dej ntws tsis rov
    Cia nyias ntws mus nyias sab siab thiaj sov
    Yog txoj hmoov muaj tiag li hais tseg
    Wb mam tig rov los koom nyob ib cuab kom ntseg


    Admin
    Member
    Member

    Posts : 105
    Join date : 2011-01-23

    Re: Kev sau poem rau public nyeem

    Post by Admin on Wed 21 Nov - 5:41

    paj huam collection
    Paj Huam Nyob Ze Koj

    Thaum kuv nyog ze koj
    Kuv lub siab thiaj hnov loj
    Thaum kuv nyob nrog koj ua ke
    Kuv thiaj hnov wb nyob ib tse
    Kuv nco koj vim tseg tsis tau li
    Thiaj maub nuj nuag tuaj nrhia koj luag ntxhi







    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Wed 23 Jan - 13:50































    Last edited by nkaujhnubqub on Fri 15 Mar - 9:35; edited 3 times in total

    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Mon 28 Jan - 16:56




    Wb ua lub neej koom ib txoj sia
    Kuv muab rau koj khaw cia
    Wb ua lub neej koom ib lub plawv
    Yog koj lub nres ces kuv lub pawv

    Wb yuav nyob koom ib tus duab
    Wb txoj kev hlub yeej sib npuab
    Kuv kuv nrog koj koom ib lub siab
    Kuv thiaj tau hnia koj tus ntxhiab

    Muab wb ob txoj kev xav
    Kuv li rau koj es koj li rau kuv kav
    Muab kuv lub siab rau koj puag
    Muab koj lo lus qab zib xa tuaj rau kuv kom cuag

    Thaum kuv pw tsaus ntuj
    Kuv lub cev pw tus sawv yog kuv tus ntsuj
    Yog tus mus nrhiav koj rau qhov txhia chaw
    Vim koj xwb yog tus kuv ntshaw

    Pw txhua hmo ua npau suav toog
    Yog ua tau, kuv twb xav txia ua dab poj ntxoog
    Los nrhiav thiab yaj ua huab ua cua
    Nug txhua tus seb puas pom koj tus kuv hlub tshua

    Lub caij thaum pw tsaus ntuj nti
    Kuv xav hnov koj lo lus ntxhi
    Kuv ua qhov muag qaib xam pom koj
    Xav tias ua yog toog tab sis ho tsis ploj

    Qhov pom ntawv yuj nyob ntawm kuv hauv pliaj yim pliag
    Tsis dag li kuv yeej pom tiag tiag
    Zoo li kuv lub siab lam xav lam pom xwb
    Tiam sis ho muaj tiag tiag vim kuv tsis tau puas hlwb

    Ntshe yog nco koj heev
    Lub siab thiaj xav teev
    koj cov lus zoo cia
    nrog kuv lub neej nyob nrog kuv txoj sia







    Last edited by nkaujhnubqub on Fri 15 Mar - 9:36; edited 1 time in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 12 Feb - 11:13

    Puas muaj tseeb li koj hais qhia
    Kuv nplooj siab nws nyob twg tiag
    Thov pab qhia kom kuv tau ntsib nws
    Kuv yuav nws los ua kuv txij nkawm
    Kom neej sawv tsheej cuab ntseg yim
    Kom nyob phim nrog rau lub ntiaj teb
    Qhia los seb kuv yuav ua li cas tiag
    Kuv lub siab xav tau nws los hlub
    Thov qhia pub kom kuv tau nws yuav
    Lub kua muag thiaj li tsis los los
    Niaj hnub tos seb yog leej twg
    Pab los plhw thiab hlub kuv tau hau
    Kom kuv tau lub neej nrog luag muaj
    Txoj kev quaj thiaj tsis muaj ntxiv lawm
    Kev txij nkawm thiaj tsis nrog luag ntshaw
    Kom neej sawv nrog luag tsheej neeg
    Kev ua neej kom nrog luag muaj tug hlub os


    Tus sau yog Xy.Y
    kuv nqa koj zaj paj huam tso rau nov lawm nawb tus nus yog koj tsis kam no qhia kuv mam li tshe os

    [center]


    Last edited by nkaujhnubqub on Fri 15 Mar - 9:06; edited 2 times in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Sat 16 Feb - 5:07

    koj yog tus phooj ywg muaj lub siab zoo
    yog tus kuv xav nrog nroo
    yog tus kuv tos los ntev lawm
    hnub no koj mam li tawm
    txawm kuv muaj cuab muaj yim tag
    kuv txoj kev hlub li phooj ywg yeej tsis dag
    yog koj tsis xaiv phooj ywg lub ntsej muag
    ntawm kuv txoj kev hlub thov koj txhob luag
    ntawm koj kuv thov ua ib tus phooj ywg yuav tsis thuam
    yuav ua zoo kom yog koj ib leej muam
    Kuv txawm tsis txawj tsis ntse
    los kuv yeej hwm koj koom tau ib tse
    kuv txawm tsis yog ib tus hluas nkauj zoo soj
    Los kuv yeej muaj lub siab zoo hlub tau koj
    vim txoj kev hlub tsis yog yuav ua nkauj nraug
    yuav sib tham kom ib tus qaug
    txoj kev hlub yog kev sib txhawb siab
    kuv thiaj hais rau koj tias kuv yeej hlub koj thiab
    koj tsis txhob to taub yuam kev rau txoj kev hlub tiag
    nws yog kev sib pab sib txhawm sib npliag
    nws tsis yog kev qia los kev ua plees
    tus neeg siab zoo yeej hais lo lus tus yees
    Tus uas nws saib txoj kev hlub muaj nuj nqis
    Nws yeej hwm raws li kuv hwm thiab mus ib txhis
    Txawm wb tsis sib yuav
    Los kev hlub yeej tsis rhuav
    Tsis yog yuav ua niam txiv thiaj li yog sib hlub
    Piv rau tus me nyuam nrog tus laus twb txawj sib pub
    Lawv txoj kev no thiaj yog kev sib hlub
    Vim txawj sib puag mus rau qhov zoo thiaj txawj sib qhub
    Yog tus tsis tau taub thiaj tias kuv nrog lawv tham
    luag khib ces luag thiaj tshum rhuav kom plam
    kuv li kuv tsis hais li ntawv laiv
    kuv tsis tsuas txhawb xwb kuv tsis caiv
    Tsuas caiv lub cev tsis tsim neej nrog tus yus yuav
    Kuv yeej qhia kom meej yus lub neej yeej tsis kam rhuav



    Last edited by nkaujhnubqub on Fri 15 Mar - 9:41; edited 8 times in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Sat 16 Feb - 6:10










    txoj kev hlub cia kuv muab sau txhawb
    mam sau pub dawb muab rau koj kiag
    txoj kev hlub tiag yog kev sib txhawbsiab
    kom koj nyob kiab kuv ho nyob tus
    kuv me leej nus tus siab zoo tshaj plaws
    tos koj, kuv raws, vim koj siab zoo
    xav tias muaj hmoo kuv thiaj ntsib koj
    thaum dej muaj dej loj xav tias koj yuav pab
    thiaj lawv koj qab ncuj ncia li no
    thov koj txhob tso koj me nkauj muam tes mog
    ntshe kuv lub kuamuag yuav nrog yog koj khiav lawm
    me muam nkauj ntxawm ces ntshe yuav tu siab heev
    lo lus sau teev cia rau ntawm no tseg
    tias koj txhob veg txawm tsis hlub los
    lam tuaj tos nrog kuv sau lus npliag siab
    ua kuv lub hnub tshiab mas me nraug nus siab dawb



    Last edited by nkaujhnubqub on Fri 15 Mar - 9:24; edited 7 times in total



    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Sat 16 Feb - 6:16

    tus neeg siab dawb, muab koj lub plawv rau kuv puag
    Cia kuv mam ua koj luag raws koj qab ncuj ncia
    Tsis txhob cia koj nplooj siab mob nrog koj lub plawv
    cia kuv tuav rawv koj lub nqaws tsho
    kuv yuav tsis tso koj mus taug kev ib leeg
    kuv yeej ntseeg tias kev hlub muaj nuj nqis
    kuv thiaj ntshaw ib txhis tsis muab tso tseg
    kuv tsis vag vim koj muaj kev hlub dawb huv
    cia kuv thuv los pab txhawb koj lub zog
    thov kom koj ua lub siab loj thiab mog me leej nus hmoob
    kuv tsis ua kom poob thiab koj qaug li
    kuv tos luag ntxhi saib koj tuaj deb deb xwb
    yog kuv tau dwb los yog kuv nraim kuv lub siab
    kom nyob kiab tsis txhob quaj rau koj pom xwb tiag




    Last edited by nkaujhnubqub on Tue 7 May - 4:15; edited 4 times in total



    ♥Hlub♥♥koj♥
    hlub koj tsis muaj lwm tus

    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Tue 19 Feb - 11:37

    cua tuaj cia cua sov,
    cua txias cia cua rov
    ib hnub koj tos thiaj tau kuv
    cia hnub wb thuv
    Kuv mam li muab txoj kev hlub
    nqa los qhia los pub
    hnub ntawv thiaj yog hnub tseeb
    Mam tos caij nyoog xeeb
    thiaj li los muaj hmoo
    Wb lub neej thiaj muaj zoo
    Rub koj lub siab me ntsis
    Tseem yuav muaj kev rau wb hlub ib txhis
    Rub siab kom loj loj mog
    thiaj tsis muaj lub kua muag nrog
    Vim kuv hlub koj tas txhua tsav yam
    Wb ua zoo cheem wb lub siab thiaj tsis plam

    Tam lub tsev nyob theem siab
    Es wb ua twb zoo xiab
    Wb lub tsev thiaj li nyob ruaj
    Thaum muaj huab cua tuaj
    Lawv ntsawj thiaj tsis vau mus
    Wb txoj kev hlub thiaj yuav nyob tau tus
    Yog wb txawj xaab tsev yuav khov heev
    Wb ua zoo wb lub vaj tse thiaj tsis raug dej teev
    Koj hlub kuv tag nrho siab
    Los kuv yeej hlub koj tos ntsoov tiam tshiab






    Nkaujhnub yuav ci thoob lub ntiaj teb, Koj txawm nyob deb los Nkaujhnub yuab ci, Sov rau koj kom koj nyob luag ntxhi

    Tsis ncav ces tsis cuag, tsis thov ces tsis tau, tsis nrhiab nrog lub siab, ces yuav tsis pom yam tshiab, yog li los peb kawm kom peb txawj, los peb ua zoo dawj, yam zoo thiab tawm los rau peb yooj yim dua


    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Fri 22 Feb - 17:50











    Mam tso tseg
    Koj twb tsis hlub cia kuv mam tso
    Mam ua ib siab tsis txhob nco
    Koj twb tsis hlub koj lam nroo
    Cia kuv mam mus ntsiag hlo moo

    Kuv paub lawm hais tias koj hlub cuav
    Kuv ces koj yeej tsis xav yuav
    Kuv paub lawm tias kuv ces koj lam hlub ua si
    Kuv ces koj tsuas lam hlub kom tau chaw nti

    Txoj kev hlub kuv lam nrog koj sib tuav cia
    Koj nplooj siab nws twb muaj tus zais tsis qhia
    Kuv xav tsis tso tseg koj ib hnub tiag
    Los ntshai rwg tsam koj lam muab kuv tso kiag

    Ntshe yuav mob kuv nplooj siab khis rhe
    Nplooj siab nplooj ntsws twb tsis muaj nuj nqe
    Ntshe koj yuav hlawv kuv nplooj siab no mob heev
    Kuv thiaj ntshai rwg tsam kuv lub kua muag teev

    Ua neeg zoo li kuv twb muaj siab muaj ntsws
    Kuv tsis ploj ces ntshe ib hnub koj yuav yws
    Kuv paub lawm tias koj yuav hlub kuv tsis meej
    Ntshe yuav ua cas ntseeg tau koj nyob rau tiam no ib sim neej

    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Thu 28 Feb - 4:56












    vim muaj nqis

    Tus tau lwm tus txoj kev ntseeg kev hlub
    Vim nws lub siab ncaj ncees lawv thiaj pub

    Yog koj tau lawv txoj kev hlub kev qhub
    Los yuav tau khaws zoo cia txhob cia av thiab dej txhub

    Thiaj tsim nyog tias tus neeg ntawv cov lus nws muaj nuj nqis
    Vim cov lus zoo luag muab rau koj thiaj yuav pab koj ib txhis

    Txoj kev ua zoo tsis muaj leej twg lam tau lam muab rau koj li
    Tsuas yog tus pom koj tsim nqi nws thiaj cev rau koj luag ntxhi

    Yog koj khaw cia rau koj nruab siab yog ib qho zoo heev
    Thaum koj raug xwm tsis zoo thiaj tau thau los saib los deev

    Yog txoj kev hlub kev ua zoo deev koj lub siab yuav txawj tus
    Koj qhov teeb meem yuav txawj ploj lawm zuj zus

    Thiaj txhais tias kev hlub muaj nuj nqis dua txhua yam
    Tus neeg uas txawj xav yuav khaws tau nws tes yuav tuav tsis plam

    Khaws cia thiaj tsim nyog tus neeg ntawv ntseeg koj siab nawb
    Vim tiam no muaj tus neeg zoo txaus lawv tso siab lawv tej lus thiaj muab rau koj pub dawb

    Yog koj siab tsis ncaj tsis zoo lawv tsis pom txog
    Lawv lo lus zoo yeej tsis muab pab los pub rau koj li mog

    tus sau yog yajntshi thov nqa los cia saib rau ntawm no



    ♥Hlub♥♥koj♥
    hlub koj tsis muaj lwm tus

    nkaujhnub
    Member
    Member

    Posts : 585
    Join date : 2011-01-23

    Re: Kev sau poem rau public nyeem

    Post by nkaujhnub on Mon 4 Mar - 8:56

    kev hlub tsis yooj yim thov nco cia

    kev hlub tsis yooj yim
    thiaj li thim wb kev hlub
    txhua lo pub zoo li dag
    hlub tsis tag thiaj hloov siab
    yam tus ntxhiab tso yaj mus
    siab tsis tus mob ua luaj
    ua koj quaj siab tsis kam
    tsis xav plam los hlub tsis tau
    txhob siab yau zam txim pub
    kuv yeej hlub tsis xav tso
    vim kev nco twb loj hlob
    tseem xav nyob koj xub ntiag
    yuav tuag tiag vim hlub koj
    tsis cia ploj wb kev hlub li
    cia tuag nthi mam tos koj pus
    wb mam mus ua ib ke
    nyob ib tse tuav tes rawv
    koj lub plawv kuv pam khaws
    mam hlub raws luag tej thiab
    kuv nplooj siab txhob txhawj mog
    tiam no yog kev mob siab tiag
    vim kuv nyiag tsis tau tuaj cuag koj
    tsam muaj tus soj ces pawv quav ntshav
    tseg kev dav thiaj tsis txhaum nawb
    mam sib tawb rau lub caij nyoog zoo
    wb kev nroo ces ua siab tos
    koj rov los ib hnub tom ntej
    wb mam koom zej ua nkauj nraug
    kom txhob raug luag tej txeeb
    koj lub teeb mam cig loj
    pub rau koj ib leeg pom kev
    koj lub tsev kuv mam cheb dua
    kuv hlub tshua koj heev mog
    lub kuamuag nrog thov txiav kom tu
    vim tsam xu rau cov tsis paub tab
    koj leej nyab pw nraim koj nruab siab
    kom koj kiab tas mus li os









    Nkaujhnub yuav ci thoob lub ntiaj teb, Koj txawm nyob deb los Nkaujhnub yuab ci, Sov rau koj kom koj nyob luag ntxhi

    Tsis ncav ces tsis cuag, tsis thov ces tsis tau, tsis nrhiab nrog lub siab, ces yuav tsis pom yam tshiab, yog li los peb kawm kom peb txawj, los peb ua zoo dawj, yam zoo thiab tawm los rau peb yooj yim dua


    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Fri 15 Mar - 3:48

    Hlub koj ntsuag nos




    Hlub koj ntsuag nos



    Ntuj e......me tub ntxawg tus ntxim hlub
    Los me nkauj muam mam qhub
    Cas nws yuav quaj ntxim hlub ua luaj
    Me muam nplooj siab mob hnov tawm tuaj
    Thiaj nrog nws tu siab kua muag poob nrog
    Nws niam ces ntshe yuav tsis los lawm os mog

    Cas luag muaj hmoo,
    Yuav muaj daim ntawv zoo
    Kuv me ntxawg tseem me me
    Kuv me ntxawg yuav hu leej twg ua niam ne...
    Nws yuav ua li cas ua lub neej
    Yuav peem li cas thiaj ua tau ib tus neeg tsheej

    Kuv pab koj tu siab tshaj li os
    Ntshe zaum no nws niam yuav tsis rov los
    Koj lub suab quaj ntxhe txog kuv pob ntseg
    Kuv thiaj pab nrog koj mob siab tsis tseg
    Nrog koj niam hlub koj heev
    Ua rau kuv lub kua muag teev

    Txoj kev ntsuag niam ntsuag txiv
    Ces yuav ua rau yus quaj uj iv
    Yus niam ntog nthav ib txoj pa tsis muaj
    Yus txoj kev hlub ces nyob nrog txoj kev quaj
    Thiaj tu siab mus ib sim mas lawv aw
    Yus pom leej twg muaj ces yus thiaj ntshaw ntshaw

    Yug niam thiab txiv ntog li nthav
    Pw ntub nthi ntog li ntua rau luaj av
    Cia yus mus ciaj luag me puab ntsa
    Ntshe yuav tau pw luag tej maum kaum qab kha
    Luag muaj noj muaj hnav zom zaws
    Yus ces thiaj yuav saib saib nrog lub kua muag phwj yaws

    Txoj kev ntsuag tsis zoo ua li
    Leej twg pom los tsis txhob lam luag ntxuj ntxhi
    Txoj kev txom nyem zoo li no
    Leej twg pom los yuav nrog mob siab tus siab nrhawv nrho
    Txoj kev tsis muaj hmoo
    Ces ib sim neej yus yuav hnov yus plooj siab mob quaj thiab nroo




    ♥Hlub♥♥koj♥
    hlub koj tsis muaj lwm tus

    nkaujhnubqub
    Member
    Member

    Posts : 876
    Join date : 2011-01-25

    Re: Kev sau poem rau public nyeem

    Post by nkaujhnubqub on Tue 2 Apr - 10:31


















    Kuv twb nyob nrog koj ua luag
    Kuv twb ua txhua kom tau cuag
    Kuv twb nyob nrog koj txhua hnub
    Kuv twb cia txhua lo koj qhub
    Kuv thiaj li muab kuv txhua los lus pub
    Muab los cawm koj thiaj li nco ntsoov koj txoj kev hlub
    Me nplooj siab, txoj kev hlub yeej zoo heev
    Kuv thiaj muab koj txhua lo lus teev
    Luab teev zais cia kuv lub nruab siab
    Muab yug kuv ncauj lo thaum tsis kiab
    Koj txhua lo lus muaj nuj nqis
    Kuv thiaj qhia koj paub tias yuav khaw ib txhiab mus ib txhis
    nkaujhnubqub


    Last edited by nkaujhnubqub on Tue 7 May - 4:23; edited 4 times in total



    ♥Hlub♥♥koj♥
    hlub koj tsis muaj lwm tus

    Sponsored content

    Re: Kev sau poem rau public nyeem

    Post by Sponsored content Today at 16:43


      Current date/time is Sat 30 Jul - 16:43